هذه القصيده اهديها الى كل من خانت حبيبها وكل من لعب في قلوب الناسس :
ياظالمة زينك وشينك سوايا
من وين لك قلب على طول جاير
ما ابغى الدوا لا سار حبك دوايا
باكر على الظالم تدور الدواير
اخر علاج الكي وانتي الكوايا
للحب عبرة وانتي قربك عباير
لو هي على زينك بنلقى صبايا
المشكلة في الحب يعمي البصاير
الصبح واضح والخطايا خطايا
والربح من بعض الاوادم خساير
يانفس قومي عن غرام البقايا
وياقلب قبل ماتحب شاور وخاير
اولاد ناس ومانحب الوصايا
وكلن يرى نفسة يعادل عشاير
ماكل قلب ينشرى بالهدايا
ولا كل كسر ينفع فية الجباير
المعطي الله ماله على خلقة عطايا
لو هي على الناس كان سقونا المراير
عزاي ربي يعطي حسب النوايا
يرحم عزيزين الذمم والضماير
ناس تخبي الهم بين الحنايا
وناس وربي مادرو ايش صاير
هذاك حظه مثل بيض الثنايا
وذاك حظه مثل سود الظفاير
اهداء الى كل خائنة
كتبة : يزيد الترباني المخزومي القرشي .
