لحظة وداعك حطمت كل الامـــــال
ضاعت حياتي كلهــا في ثوانـــــي
لاجيت اببعد عنك والبـــــعد قتــــال
قلبي على بعدك وهجـــرك عصاني
ولاجيت ابي غيرك يسلــيني ليـــال
قلبي على غيرك وحبـــه نهــانـــي
ياليت لي حيله مع الوقت واحـــتال
الله هو الي في عــــذابك رمــــاني
يازين حبك داخـل القلـــــب مـــازال
لو جيت ابخفي الحب ينطق لساني
كانك تبي تعرف مدا الصبر لو طال
ياروح روحي حط نفسك مكــــاني
لو ذقت مثلي ضيقت الصدر والبال
وتصير مثلي في غـــرامك تعانـــي
حملت هم(ن) ما يحملنه جبــال
وبينت لك حالي وقلــــبك جفــــــاني
قلبي طوال الوقت صـــابر ولا زال
يرجيك يالمشغول في شخــص ثاني
اقفيت عنك ودمع الاعيان همــــال
عليل قــلب ومبتليــــيني زمـــــــاني
فيني لا تسمع كلمة القيــل والقـــال
والله انا منساك لوهي ثــــــــوواني
بعد الذي شفته لا تنشد عن الحــال
وان مت من حبك ترى العمــر فاني
