كرهت الحب و العشق لأنك حبيبي...
كرهت كل يوم كنت فيه نصيبي...
كرهت كل كلمات الحب و الهيام...
كرهت كل اللحظات و الايام...
كرهت الساعة اللي حبيتك فيها...
كرهت الاحلام اللي قعدت ابنيها...
كرهت الدنيا و تعذيبها لقلبي...
كرهت العالم اللي خلاك جنبي...
كرهت نفسي لأني حبيتك...
كرهت قلبي لأني هويتك...
شفت حبك لفين وصلني...
شفت هواك لفين اخدني...
مش عارفة اذا كنت موجودة ولا تايهة...
مش عارفة اذا كانوا لائيني و لا ضايعة...
بدعي عليك ليلاتي و يوماتي...
ربي ينتقم من اللي هدم حياتي...
و خلاني اعيش كل ليلة كوابيس...
لأنه كدّاب و نذل و خسيس...
خلاني احبه و اموت في هواه...
و بعد كده سبني استناه...
لكن و ربي لأنتقم منك...
و اخليك تدفع ثمنه بدمك...
هخليك تعيش نفس الاحساس...
هخليك تشرب من نفس الكاس...
هعيِّشك في جحيم و عذاب و نار...
هوريك النجوم في عز النهار...
هنسِّيك اسمك و صورتك و عنوانك...
هنسِّيك اهلك و اصحابك و جيرانك...
هخليك تقول ياريت اللي جرى ما كان...
هخليك تعتذر و تبوس إدية كمان...
و ساعتها عمري مهرحمك...
لو يقتلوني عمري مهريَّحك...
هسيبك تعيش نفس اللي عشته...
هخليك تدوق العذاب و مرارته...
و هخلي كل ليلك نهارك...
و هعرف الحزن عنوان دارك...
و يوم ميرتاح و ينسى قلبي...
هسيبك تموت ضحية حبي...
