السلام عليكم ورحمة الله وبركاته
صباح الخير
يحكى انه كان هناك عماره وفيها اربع شقق عزاب الشقه الاولى يوجد بها ثلاث من الشباب المكافحين با لدراسه ومن اجل الوظيفه <<فادي .خالد.فيصل >>اما الشقه الثانيه فكان بها ثلاث شباب عزاب ليس لديهم أي هدف بالحياه عاطلين عن العمل <<مناحي .عواد.مهدي >>اما الشقه الثالثه فكانت فاضيه والشقه الرابعه فهي ايضا فااااضيه هههههههه مسويه زحمه
كانت الأمور ماشيه على كيف كيفك مافي أحلى منها كلهم أخلاق مع بعض وقاطين الميانة يعني يطلبون سكر وشاهي من بعض واذا صار عند احد عزيمه يعزمون بعض
الى ان جاء يوم الخميس كانت الساعه 1الفجر شوي الا يسمعون الشباب المكافحين من اجل الوظيفه صوت اثنين يتكلمون عند الدرج
مهدي :اقوووووول يابوووالشباب خلصنا بسرعه قبل ماحد يجي
مناحي:صبررر ياخي باقي شوي واخلص
مهدي:يرحم امك بسرعه لا تفضحنا تكفى بسرعه
مناحي:خلاااص ياخي ازعجتنا شوي واخلص.تكفى عاااد اللي يسمعك يقول اول مره؟؟؟؟
مهدي:ياخي ماهو سالفت اول مره بس اليوم احس ان حنا مخربينها يارجال
بعدها اختفى الصووووت والكلام
جلسوااا الثلاث منصدمين
خالد:معقووووووله هذا كله يطلع من جيراااانا؟؟؟والله انهم كانوا اخلاااااق صح انهم عاطلين عن العمل بس كانوا اخلاااق
فيصل:أي والله مااتوقعتها ابدا تطلع منهم
فاااادي :هيييه انت وياااه وش اللي تطلع وماتطلع ؟؟؟؟انتم تاكدوا اول شي من اللي ببالكم بعدين اجلسوا تكلموا
فيصل:ياخي كل شي وااااضح اصواتهم وااضحه والكلام وااضح انا اتوقع انهم يهربون مخدااات
<<ايه هين فهمت كذاااا
خالد:لالاماتوقع انهم يهربون بذاك الوقت بس اتوقع انهم يحششون بالليل
فااااادي :طيب اسمعوا وش رايكم نحاااول نتااكد من هالشي بدال مانظلم الناااس
اتفق الجميع على انهم يبحثون بالامر
اتصلوا ثاني يوم على الشباب قالوا تعالوا اسهروا عندنا بالليل
جاء الشباب وجلسوا يسولفون
فااادي :متى تناامون ياشباب انتم ؟؟
رد عليهم مناحي :والله انا ومهدي نسهر بس عواد ينام بدري
فالواا الثلاث بصوت واحد <<اااااااااااااهاااااااااااا>>
خالد :اقول عواد ليش تنااام بدري انت ؟؟
عواد:يارجال مهدي ومناحي مايخلوني اسهر يقولون السهر موووزين لي ...
فالو الثلاث ااااهاااااا
فيصل :اقول مناحي تحب تسمع كسرات ؟؟
مناحي:أي والله اموووت فيها
قالوا الشباب الثلاث اااهاااا
بعدها طلعوا الشباب يبون يناموووون
وعلى طول كلهم تجمعوا عند الباب يبون يسمعوووون الكلام
مناحي:ايووووووه عفيه عليك كذا تمام يافنان
مهدي :والله انت الفنان يا قلبي <<يلعن شكلك عااااجبك الوضع <<بدى يشك المؤلف فيهم ::تقلع بس
مناحي :ارفع بس شوووي يا مهدي بالله تكفى
مهدي :يارجال والله انا خايف صراحه ننكشف شفت جيراانا كيف كانوا شاكين فينا ؟
مناحي :يارجال مسوي ان حنا اول ناااس نسويها ؟؟الشباب السعودي كله يسوووي هالشي ياخي
خاصة ان حنا عااطلين عن العمل يعني ماحد يلومنا
مهدي:طيب انت عاطل عن العمل انا وش ذنبي <<مسوي متوظف هو وجهه هههههههه
شوي واختفى الصووووت
فاااادي :والله ياشباب شكل كلامكم صح؟ بس ليه هالشي يطلع من مناحي ومهدي ؟؟والله اني كنت اعزهم
خالد:بس من الصوت احس ان مناحي ماسك مقاطع على مهدي <<هههههههه
فيصل :المفروض مانسمح للشي هذا يصير بعمارتنا
واتفقوا يسون لهم كمين
جااء ثالث يوم وجلسوا الشباب ينتظرون تجي الساعه 3 الفجر
خالد:صبررر شباب مانبي تهور خلينا نسمع وش يقولون يمكن اليوم نكشف وش يسون مانبي نظلمهم
فيصل :يقول له ارفع وتقول لي نتاااكد انت دلخ
شوي
مهدي :مناحي بسرعه يرحم امك والله انا حاااس ان اليوم بننكشف قسم بالله انها فضيحه بمعنى الكلمه
مناحي لا قل خير ان شاء الله مايصير شي الله يهديه عواد هو السبب باللي حنا فيه <<محجرلهم عواد
فااادي .خالد .فيصل. عليهم
وهجموا عليهم فوق السطوح
....
......
.........
..............
........................
وكااااااااااااااااااااااااااااااااااااااااااانت
المفاااااااااااااااااااااجاه التي ادت الى سقوط خالد على الأرض من صدمة ماشاااااااااااااااهد
لقد وجدوا مناحي ومهدي يمدون سلك لهم من دش الشباب اللي فوق السطح لان عواد ماشاء الله عليه ملتزم
ورافض انهم يجبون دش
فاما عندهم حل غير يمدون سلك من عند جيرانهم ويفصلونه الصبح وعشان كذا مايطلعون السطوح غير اذا نام عواد وبعض الايام الهواء يكون مغير اتجااااه الدش فايجلسون يصلحونه فوق السطح
طبعا خالد أغمي عليه من الفشيله لما عرف انه ظلم جيرانهم وأساء الظن فيهم
