طبعا كلناعارفين كان فى اديب عالمى كبير
قال ان الدنيا دى زى المسرح وكل الناس زى الممثلين
مش ده موضوعنا بس المهم احنا هنتخيل
مسرحيه من 3 افراد مثلا ( احمد ومعتز ومنى)
الثلاثه صحاب جدا بس فى نقطه
احمد ومنى بيحبو بعض جدا او ده
اللى المفروض ظاهر للناس لسه احنا مانعرفش
المهم فى حوار كده بيدور
بين احمد ومعتز وهنبدا الحوار اهو ركزو معايا
احمد : اسكت يا ود يا معتز النهارده
منى كانت زى القمر شوفت الطقم اللى كانت لابساه
معتز : منى جميله
وبنت حلال وطيبه واحمد ربنا انه كتبها من نصيبك
احمد : نصيبك ؟؟؟؟؟ ايه يابنى هو انا هتجوزها ؟
معتز : لا مانت فى الكليه اخر سنه
اهو وبعد الكليه هتخطبها وهتبقى باذن الله من نصيبك
احمد : انت عبيط واهبل ياض
ولا ايه ؟؟؟ الكلام ده مش هيحصل لو على جثتى
معتز : احمد انت بتقول
ايه يابنى دا انت خارج داخل معاها فى الكليه وقلت
لها انك بتحبها وبتموت فيها وبتنزلو وبتخرجو مع
بعض والبنت فى قمه الادب والاحترام وعمرك
ما شوفت منها ولا سمعت عنها اى حاجه وحشه
احمد : مين قال كده خلي
بالك انت مش واخد بالك ولا فاهم اى حاجه مجرد
انها تمشى معايا او تنزل معايا دى حاجه ماتخلنيش
ارتبط بيها ولا استامنها على حياتى وبيتى بعد كده
ده كان ملخص الحوار بين احمد ومعتز
" مش ده كلام الولاد مه بعضهم ؟ "
اسلوب غريب من شاب بعد فشله فى الحب او
احساسه بالفشل او انه يكون بيلعب او بيتسلى
يبدا يقول على
اللى كان بيحبها زى ما كلمتنى هتكلم غيرى
دلوقتى انا عاوزة اتكلم فى نقطه للشباب بوجه
التحديد وياريت البنات تقول رايها هى كمان
ليه الولاد او مش كل الولاد تخلى البنت بعد
ما تعذبك وراها وتليفونات ولف فى الشوراع وراها
وتطلع عينك فى الاخر بعد ما تكلمك وتحبك وتديك
الامان وكل اللى نفسك فيه من حب وتضحيه
تيجى انت فى الاخر تقول زهقت منك ماعنتش
بحبك انتى زى ما كلمتينى هتكلمى غيرى طب ما
المشكله ان انت اللى خليتها تحبك وتتكلم معاك
مش فكرت مره هى كلمتك ليه ؟ ماهى عشان
بتحبك ولا هى عشان مأمنه ليك تبقى غلطت
ولما قالت عليك حبيب دا غباء منها ؟؟؟؟؟
والمشكله التانيه انك ممكن انت تكون اول
ولد كلمته وانت اللى علمتها كده فى الحاله دى
هتشيلك ذنبها طول عمرك لو هى مش سامحتك
سورى انى ممكن يكون
الموضوع غاظنى بس للاسف فى شباب كتير كده
سؤالى بأه دلوقتى للشباب :
هل لو انت فعلا حبيت بنت جدا وخليتك وراها
لحد هى كمان ما حبتك ممكن ساعه الارتباط تقول لا
دى مشيت معايا وانا مش هرتبط بيها عشان كده ؟
وسؤالى بأه للبنات :
لو اتعمل معاكى كده وفيه ولد
قاللك كده ايه شعورك وهتعملى ايه ساعتها ؟؟؟؟
ياريت يا جماعه اسمع رئيكم بصراحه وياريت مش بدبلوماسيه
المشكلة ليست في موضوع مكتوب
الان انما مشاكلة فعلا عامة علي ارض الواقع
.jpg "صورة Ġiяl 91 الشخصية")
أَوْرَاقٌ مُـبَــεـْـثَـرَه ... ڣيْـ زَمَانٍ صَـεــبْ ..!