انتهى الموضوع ..

زهقان وحبيت أكتب موضوع

وموضوع ما إله داعي

لأنه انتهى موضوعه

EXPIRED

بس احتياطاً بلاش تنعاد


فعلاً تفاهة عرب

لما تعتبر حالك ديموقراطي

وإنت مجرد عربي

(عربي: يعني عايش لأنه حق الرصاصة حرام فيك)

شبه بني آدم

أو بني آدم شبه منحرف



هكذا هي حالنا في الإنتخابات

عدد الأصوات أكبر من عدد المصوتين

والمصوتين أكثر من عدد المواطنين والوافدين بمرتين

وفوق هيك بتلاقي الإنتخابات طعة وقايمة

وأصغر حملة إنتخابية ما صارت لبوش بزماناته



وياريت بتكون على شي محرز

بالنهاية هو حب الفوز فقط

بس فوز بشو .. مش ضروري

المهم الفوز

الفوز بالفوز



بعيداً عن المقدمات والتلميح والهمز والغمز واللمز

وعالموضوع دوووووز



كلكم شفتو موضوع التصويت على حق العودة قصدي كرسي الإعتراف

كنا قاعدين بأمان الله

وبنطقس على هالعالم في المنتدى

بعتتلنا مشرفة القسم رسالة خاصة بتترجانا فيها ننزل عالتصويت

ودفعتلي مبلغ منيح ما رح أحكي كم منعاً للإحراج بتعرفو بتضلها مشرفة ولازم نراعي مشاعيرها

ووافقت أنا أنزل عالتصويت أصلاً مراعاة لشعورها

لا لا مش علشان المصاري

اللي بينا أكبر من هيك

(مبين كأنه في كذب هون صح؟؟)



بس ياللمفاجأة

الفنانة الكبيرة

المتألقة

المتعلقة بذنب الجحش

شادي

نازل عالتصويت

وبتعرفو الشب بيعز علي كثير

وعلى راسي كزدرة

فقمت مشكوراً بالتنازل عن جميع أصوات حبايبي اللي بيعزو علي

للشب المغدور المهجور المذكور آنفاً

شادي

وفاز شادي بالتصويت

وبفارق أصوات قد الدنيا



63 صوت للبطل شادي حبيب الملايين

مقابل 41 صوت تلت ترباعهم بالغش للمتنافس رقم 2

و 6 أصوات للوحش شرحبيل بالغش كمان عن 60 صوت (لأنه الكابتن JO1R المالك الرسمي للمنتدى كان مصوتله)



بس هاد الشي

مع كل أسف ودموع العين على الخدين

ما ركب على مزاج حبايبنا المشرفين والمشرفات المحترمين منهم والمحترمات

واللي طبعاً كانو متوقعين إنه عطوفة المشرف آنجل يفوز

وكيف لا

وهم يجزمون بالجزمة إنه كل مشرف محبوب

فكان ما كان

وصار همهم الأول وشغلهم الشاغل

أن تنقلب الطاولة ويتشقلب الكرسي من تحت الوحش المغدور شادي

واللي كان وما زال مش شايفهم



وكما هي الإنتخابات العربية

- أجلكم الله -

لما يكون منظم الإنتخابات طرفاً فيها

فمن حقه الطبيعي

وليش لأ

من حقه إنه تطلع النتائج على هواه

بالمليح بالعاطل بالغش أو بدون غش

أو حتى بالخاوة كما صرّح أحدهم (عطوفة مشرف عام)

آه يا عطوفتك .. خاوة

خاوة عالأعضاء المساكين

خاوة عالعضوات الأمورات

خاوة عليّ وعليك

خاوة ..

لأنه أحلى إشي بالموضوع إنه ما في موضوع من أساسه




أكيد رح يطلعلي هلأ أكم واحد من المتحذلقين المتفذلكين أصحاب الوجوه المذبهلة والسنحات المكفهرة وسط هذه الأجواء المغبهرة

ويقول (مندهشاً فاغراً فاه وقفاه): الله يسامحك يا شيخ مش مستاهلة _ كله شقفة كرسي اعتراف مستعمل تا قايل بس

فنقول والله المستعان:

ثكلتك أمك يا هذا

مين قال إنه سائل عن الكرسي

وما دامكم عارفين إنه كله خلقة كرسي

ليش عاملين التسويت

يعني لو جبتو المغدور آنجل وربطتوه في الكرسي

وللأبد

كان ما حدا بيطلعله يزعل

بس حبايبي الحياة مش هيك

وأعضاء المنتدى بشر وإلهم إحترامهم

زي ما إنتو معكم رقم وطني

أنا كمان معي رقم وطني وأردني قبل ما تجيبك إمك

بل قبل ما تفكر إنها تجيبك



لا تفكر عزيزي المشرف عزيزتي المشرفة

عام كنت أم خاص

إنه صرت مشرف يعني المنتدى صار إلك

وإنه الأعضاء بشتغلو عندك روح روح تعال تعال حاضر طيب



يا عطوفة الكابتن مشرف يا عطوفة الأمورة مشرفة

كل عضو هون هو سر من أسرار نجاح المنتدى شئتم أم أبيتم

وكل عضو هون إله كرامته وإحترامه

إلا إذا كانت إدارة المنتدى من جماعة

أكالين نكارين

خبرتنا بإدارة المنتدى بتقول غير هيك

حد علمنا فيهم إنهم جماعة بيحترمو العضو الصغير قبل الكبير

فيا ريت تضل نظرتنا إلهم هيك على طول

ونعيش بسعادة وهناء



ينعن أخت الزهق

من الزهق جيت أكتب هالموضوع

رحت إزهقت وأنا بكتب



على كل حال

في الختام

ما في شي بالدنيا بستاهل نزعل عليه

بس

يا خسارة أصواتكم يا عرب

لازم تحاولو تستغلوها بشغلة مفيدة







انتهى الموضوع