![107rfxh](http://i34.tinypic.com/107rfxh.gif)
:face (73):
حالة إكتئاب غريبة كابسة معي صارلها إسبوع
جربت كل الوصفات ومافي نتيجة
حضرت شوية توم وجيري
ما إقدرت أستطيع
قلبي شفق على توم
وزادت الحالة
مش فاهم
مش عارف
مش قادر
نزلت عالبلد إشتريت سي دي دي في دي فيلم
وبعد المفاصلة والرط والعجن
أخذناه بخمسة وسبعين
قال بده يضحك علي ويعطيني إياه إبليرة
بس وين يابا
ذيبك بالمفاصلة
كيف لكان وأنا جدي كان يفاصل على حبة السنيكرز
الله يرحمه كان يعشق الشوكلاتة
وهو أوّل من ورّد الجلاكسي عالشرق الأوسط
(هل تعلم؟؟)
المهم نرجع لقصة السي دي الدي في دي
دخلت البيت وأنا مخبيه بين البلوزة الثانية والثالثة
علشان ماحدا يشوفو
أول ما دخلت
نطلّي أخوي الصغير " شو هاد الزييي تيييي المخبيه في عبك" !!
قلتله لا ولا شي بس ممغوص شوي
ينعنه
إستنيت عبال ما إخواني نامو
شغلت الزيييييييي تيييييييي الدي في دي
ويا ريته ما اشتغل
طلع مسرحية
فحكيت يلا
مسرحية مسرحية
صرت جايبه ومش رايح أكبه
طيب لمين
السيد واد الشغال
بس السي دي مش شغال
علّق
وإتعلقت حالتي بزيادة
وإمتدت إلى أخمص القدمين
على أنغام الساهر
حافية القدمين
أخرسته علشان المؤذن بلش يأذن بالأذان
صليت الفجر في المسجد
ونمت نص ساعة قبل ما آجي عالدوام
وما زالت حالة الإكتئاب
متربعة بوجهي
أضف إلى ذلك
حالة النعاس
والشغل مكوّم صارله أسبوع
فاختصروني اليوم وبكرة وبعد بكرة
إلى إشعار آخر
الله يرضى عليكم
علشان نضل حبايب
لأني شايف الديك بسكليت
عقارب الساعة تشير إلى الثامنة صباحاً
فنجان القهوة رقم 3 بإيدي
مكبوب نصه عالمكتب
لما غفيت قبل شوي
نعسااااااااااان بعرض ليلى
ينعن ليلى واللي قالتها ليلى
كل هاد
والمزاج أخو هالمطبلة مش قابل يفكر يتعدل
فكركم بطوّل؟؟:bkk:
![107rfxh](http://i34.tinypic.com/107rfxh.gif)