قعدة دواوين
( 1 )
مرّة شلة دواوين قاعدين قعدة عائلية, شرب على حشيش الواحد منهم لو يشوف ابوه قدامه ما بعرفه :nAshOomA (10):, واحد من هالشباب ( شباب المستقبل ) بحكي أما صار لكو معاي موقف ولا موقف عمان- رصيفة- الزرقاء :30:, قال شو! كنا ماشيين انا " فؤاد الدكش" وبكل تواضع و فخر مع
"سمير السمكة" :3leahm:
والا هالدورية مارقة , وقفتنا : هويّاتكو ؟ . قلت له : انا هوايتي السباحة خصوصا في سيل الزرقا , قلي صاحبي وكان طافي اكثر مني , ولك هاظ بسأل عن اسم شركة , اسمع سيدي : شركة هوياتكو بتلاقيها عند جسر ماركا هان مفش شركات للاسف الشديد , و معلش المكان مش بعيد .
( الشرطي بيقول لصاحبه : وهو المطلوب ) ردّيت عليه قلتله : ليش سيدي هو احنا بنحل مسألة رياضيات ؟؟!!! :wow0000:
نطّوا اثنين من الدورية قلت خلاااااااااااااااااص شكلنا أكلنا هوا , و فطّ الشبشب من رجلي وظليت فاكح و وراي غبرة ولا تقول قاعد في كسّارة. وسمير السمكة فكح قبلي بس هظاك تقول اتبخر ... المهم الشرطة ظلت تركض ورانا وحنا نتزروق في الزقق عبين ما تاهو عنا ... كل هاظ عشان قلتلهم هوايتي السباحة ... طب لو قلتلهم ركوب الخيل كان شو سووا فينا !!!؟ :tomato:
(٢
والا شب ثاني اسمه "اسماعيل اللوح " قال : طب خذولكو هالقصة (( عاد هو ظايلله 2 ملم وبقرط ذانه , ومش قادر يفتّح عينيه )) ... مرة من ذات المرات , كنت ماشي مش عارف وين والا هالصندوق مكتوب عليه كنز وكلّه ذهب :wow0000:
حمدت الله وشكرته بس الله وكيلكو لهسه بدور عالخريطة ومش لاقيها . :lolo::lolo:
( ٣ )
نط واحد من آخر القعدة ألا وهو ماريو (( سمّوه هيك من كثر ما كان يلعب ماريو )) assoomsad قال : شيلو عني هالحكاية .. :bdesh:
مرة كنت ماشي بسوق الحرمية بدوّر على موس الي انسرق واحنا بطوشة مع احدى حارات المدن المجاورة... قلت بعقلي احسن مكان ادوّر فيه هو سوق الحرمية ... وهناك كل اشي ثلاجات ... فريزرات ... برّادات , يعني كل ادوات المنزل , دوّر لاطش على الموس مش مبين ... إي ... والا هو هناك على احدى البسطات , وكنت معلّمه تحسبا لهكذا ظروف كاتب عليه " Mario " بشفرة حلاقة , قلت لصاحب البسطة بقديش هاظ الموس يا ابو الشباب ؟
وهو بشرحلي بميّزاته , قلت هاظ الوجه شايفو وين شايفو وين ؟ آآآ اتذكرت ... هاظ كان مع الحارة هذيك ... شمطني 13 بكس على 9 شلاليط وكف على رقبتي من ورا وأخذ الموس مني ...:bkk: قلتله وك هاظ انته ؟!! قل لي ولك هو انته؟!! ... وقام وسلّمنا على بعض مباوسة ... وقعدنا نتذكر
في الطوشة , وكل واحد شو ضرب وشو انضرب .. :jj:
قل لي بالله عليك اذنك شفت حالك فاضي تمر علي .. :3mzeh:
قلتله ما انت عارف أعمالي و مشاريعي , قل لي ولك
بدك تضحك علي محنا كلنا شوفيرية فرشات بشركة ريّح جسمك المساهمة المحدودة ... :aass::llll:
قلتله خلص من عيني هاي قبل هاي .. و اعطاني الموس :hug:
و كان فارد عالبسطة شغلات حلوة كثير عرض علي اوخذ أي اشي بعجبني قلتله لأ خلص .. بكفي الموس . :win:
وووووووبـــــــــــــــــس
حقوق الدواوين محفوظة
لــــلـــــتـــــــمــــــيـــــمـــــي
.jpg "صورة H-E-R-O الشخصية")
