ابات من الشعر النبطي واجمل ما قيل من الشعر

عوودة جديدة ,‘ ومجموعة أخرى ..
بدون تنسيق أتمنى ان تنال إعجابكم حصلت عليها من إحدى المنتديات


أكبر عذاريبي براءة وضوحي
واكبر عيوبي إني إنسان لماح


منساك لو ينسى الكحل سود الأهداب
وشلون تنسى العين صافي نظرها



اضحك ولى كل الوجيه احترمها
بعض الوجيه أهينها بابتسامه



انا ما همني حزني ولاني للفرح مشتاق
لكن ليـــــه يا دنيــا اذا بـضحك تبكيني



قــال الــوداع وقـلـت هـــذا مـكـانـي
والله لــو طـــال الـزمــن مـــا تـعــداه
أما الـلـى مـنـه رجـــع لـــه لـقـانــي
وإلا يـكـفـيـنـي مــحــلــه وذكــــــراه



مثل ما للطفل دمعة تذوب قسوة المخلوق
انا لي عاطفة ماتت و ذابت و السبب مخلوق



مرت علي أيام غـــدره لي دهور
مرت خلاص وقلت ذكري أليــمه
عجزت أوصف غدرها اليوم بسطور
ماني بصاحي عقب ذيك الخذيله



أحبك كثر ما تسهر عيون العاشقين الليل
و أحبك كثر ما حن الغريب لـ شوفة أوطانه
و أحبك كثر حب البدو للقهوه بـ ريح الهيل
ليا من صبها النشمي على ربعه و ضيفانه
يا أطهر من مياه البحر و أعذب من مياه النيل
أحبكـ كثر ملح البحر أحبكـ كثر مرجانه





تزرع شفاك بين غزر النواعير
وتطلب الفرقا لا حول ولا حيله
تفتكر إني أميرة بين الأساطير
أعطيك ما حلا بيوم وبعد ليله
غلطان وربي ماني كما الغير
بنت ناس وعز وفخر وقبيله



يا قلب انـا ويـاك نـار ودلـه
من حزنها تشرب وانا قد تقهويت
اصبر علي بلواك والجرح شلـه
ادري تري ماجيت علي ما تمنيت
أعاهدك لهجر عنا الحـب كلـه
وانسي سنين ماضيه يوم حبيـت
وان جامع الأيام طاريـه قلـه
اني بعيد عنة مـن يـوم قفيـت



اشتكيت للرفــوف وللــبراويــز الــهزيــلــه
وانذعرت من النياح اللي سمعتة في صورها
رحت اسولف للجبال الصم عن قصة رحيلـه
ما تركت متونها الا ينحت الدمع بصخرها



كيف يقوى قلبك القاسي على صـدي وهجـري
وانت تدري في ليالي عمـري بدونك كئيبـة
من بعد عينك ترا صار البكا بالليـل يغري
واللـيالي ترتــدي ثوب الألم وتشــق جـيـبــه
كل دمعة تنحدر تكتب علـى الخديـن بـدري
ايه بدري لا تروح..القلب دونك ويش أبي به؟


جتني تصيح وتذرف الدمع وتنـوح
جتني تقول أبوي قـرر عذابـي
جتني تشيل أحزانها هـم وجـروح
قالت تري الليلـة باكتـب كتابـي
تقول شوف الحال والوضع مشروح
من زود همي صرت اقطع ثيابـي



إن قـدر الله مـع الأيام نتواجـه
تمـر مثلـك مثـل نـاس يمـرونـي
بعيوني تصير مـا تسـوي ولا حاجـة
من عقب ما كنت تسوي الناس بعيوني


ما ودك إنك ترخص النفس وتلين .... لا صار قدرك عند غيرك يهوني
ماني من اللي يطردون المقفين .... حتى ولو إنه يساوي عيوني


سافرت ناوي اترك الحب لحظات.... لقيت طيفك بالسفر محتويني
حاولت ابعد عن خيالك مسافات ... الله حسيبك وين ما رحت فيني
غيرك نسيته ماطرى لي بحزات... الا انته دايم بالثواني تجيني


تخيرت الفراق و ما دريت إن الفراق وصال
أقول إني نسيتك بس مادري كيف تاصل لي

قبل اسافر وتنسى جيت اسلم عليك
ـــ جيت ابي عمري اللي من ايديني غدا
ضاعت اجمل سنيني من عمايل يديك
ـــ أكذب ان قلت راحت لأجل عينك فدى




اليا نشدوك العرب وش بينك وبيني
ـــ قولي حياتي قصيده ..كان شاعرها








متى ذكرتيني على شان تنسين ـــ خليك مره صادقه وانصفيني

في وقت واحد تكرهين وتحبين ـــ انا تعبت استحملك واعذريني

حبٍ سرق من عمري ايام وسنين ـــ مثل الهوا ما يمسكنه يديني






ليا صفى لك من زمانك ثلاثة = " أخوك، وإبناخيك، وعيال عمّك
"
عدّك ملكت أموال كسرى وراثة = وأطلق شنب بالمملكة مايهمك





خافوا من الله .. لاتجيبون طاريه=لا صرت انا موجود لا تذكرونه
لو كل غالي جابه الله لغاليه=ماشفت لك مخلوق .. تبكي عيونه





أنا مبطي جريح .. وبنجـرح بكـرة !!
أنا عفت الزمـان .. وعافنـي خلـي !!

أنا كلـي حزيـن .. ولا قـوت عبـرة
توادع ناظري .. تبكـي علـى كلـي !؟







لبست لكـ ثوب المواعيد كلّي
بأجـيك ثـوبٍ ضايـعٍ فــيه رجّـال !
بأصير لك بعد الكِبر والتعلّي
جلمود صخرٍ حطّه السيل من عال ,,





ضحيت بالواقع على شان الاحلام ــــ وضحيت بالغالي على شان غالي

حتى الغرام اللي كسر قلبي العام ــــ ماني بحاله كان ماهو بحالي

ما ينحــسب عمر البنادم بالاعوام ـــ بعض السنين نعيش فيها ليالي





انا اشهد ان الميت لابد تسلاه.............مار البلا حيٍ صعيبٍ فراقه




انا زماني حطني شخص عادي..=والاطموحاتي لها اهداف وابعاد




ياعيوني قرب الصبح نامي وارقدي = لودقايق ياعيوني تعبت من السهر





صارت حلوم الليل عندي وسيلة = أشوفكم ياأحبابي وإنتم بعيدين



لاصار لامن جيت منته في مقدمة الصفوف = أحسن تغيب وتمسح الشرهات في ظل الغياب




ماكل جرحٍ فيه حيله لجراح=ومابات وسط النار يصبح رمادي
اللي وطى الجمره ومن حرّها صاح=يضحك عليه اللي بظل وبرادي
طول ليلي ماتهنيت بـ مراح=يسري بي الهاجوس مع كل وادي




تدري .. معك خمس الدّقايق وشتساوي ؟؟ = تراها عن ميَة عام .. مع بعَض الرّبع!!




ناسٍ تبي نبز ناس وناس تنبزها = نابز ومنبوز لين الموت يفنيها
حتى العجايز تبي من يهمزها = العافية والضنا مهو مكفيها
لاقمت أعاند تفاكيري وأبارزها = صارت حجاوي وأنا ماني محجيها





من عاش بالدنيا بلا صاحب وولف
= عز الله انه عاش عيشة يتامى





دنياك يامخلوق يظهر بها اشكال=توريك صفحات وتكشف لك الغيب
تخفي عنك حال وتبدي لك احوال=تكدر مشاريب وتصفى مشاريب
أحدٍ تذعذع له على روس الاقذال=واحدٍ يعيش من الوزا عيشة الذيب





بعيونها " مسحة حوَل " ياحلاها !! = وأضحك ،وأغايضها وأقول : "الحول فيك "
والصدق :تدري عيونها وشبلاها ؟؟ = من زينها " هذي تبي مشاهدة ذيك " !





قالت مشاري وصاحوا الخلق: لبيه
من زينها كل الخلايق مشاري





ينجرح قلب لكن .. لكن ترتفع هامه ,‘ والله اني لا اموت ولا انحنى راسي





ياوجودي كل ماهب نسناس الشمال = وجد من حدّه زمانه على اللي مايبيه
وياوجودي كلّ ماأضحيت ثم مال الظلال = لاغفت عيني ولاذقت شيءٍ مشتهيه
وجد من قفّى وهو في رجا كلمة تعال = وإلتفت من بعد ماأقفى ولاأحدٍ لدّ فيه





ياقبلة الله كل ماأتخيل تقوّس حاجبيك = لاطارت عيونك عجب وأغضيت من زايد حياك
أفقد وجود الجاذبية وأرتفع لك هيك هيك = واطلع بعد أكثر وأكثر لين تحضني سماك
وألقى سماك تلفني من حول كوكب ناظريك = وأسمع مماليك الكسل تفخر بطول الإمتلاك
حالة تجرد وإرتجاج وهلوسة تنسب إليك = أما تحمّلها عنك وألا أتحملها معاك




ياكثرهم لاقلت لك عرفة وجيه = وياقلهم لاقلت قدر ومعزة
رجل ترزه بالمجالس مباديه = ورجل فلوسه بالمجالس ترزه
ورجل ضعيف ويستفزه معاديه = ورجل كلام عداه مايستفزه
ورجل تكزه لازم إنك توصيه = ورجل بليا ماتوصيه كزه




ياحسين ..مايشكي من الوقت رجّـــــال
= انا أعرف رجالٍ شكى الوقت منها..[/




شوقي لك .. أكبر من حدود إحتمالك = يشبه : صباح العيد.. بعيون الأطفال




أنا ماني عدد تكمل به الأعداد وتضمه.. أنا رقمٍ عجز كلي يعدد فيني حْسابه
أنا اللي شامخٍ دايم كبير أكبر من النجمه .. أزيد اللي يجي جنبي ولا ينقصني غْيابه





إيوالله اسهر ياعرب ليه مااسهر = والعين تزعل ماتبين زعلها
ومن عقبهم نوم على عيني اغبر = وشينبغى بالدار من عقب اهلها


مظاهرنـا مـن الخـارج كمـا اللولـوأوالألمـاس = ولكـن بالحقيـقـه بعضـنـا مـثـل الطباشـيـره
جلسنا نبكي الماضي..وعشنا الحاضـرالمنحـاس = ورضينـا بظلـم واقعنا..وسعينـا لأجـل تأخـيـره
وقفنـا دون أمانينـا... مثـل مـا ياقـف الحـراس = وهبطنـا عزايمنـا.. وسلبـنـا الـقـول تأثـيـره
متـى نطهـر عقائدنـا مـن الأحقـاد والأنجـاس؟؟ = متى نرجع كمـا كنـا؟.. وننسـى الحسـد والغيـره؟
حـرام إنـا نتمـادى بالخطـا لادقــت الأجــراس = ولامن دق ناقوس الخطر.. وش تنفع الحيره؟