السلام عليكم...اشلونكم مع البرد؟؟؟؟
هذي بعض التصرفات الي كلنا نسويها بدون تفكير بس لما نلاحظها نضحك عليها خخخخخخخ
1) ليش إذا كان الواحد يتابع شي يلعب بشعره؟؟ ======= يعني المتابعه شامبو؟؟؟
2) ليش الواحد إذا أنحرج يحك راسه؟؟ ======== يعني بخفف الاحراج؟؟؟
3) ليش الواحد إذا كان يفكر يطالع فوق؟؟ ====== يعني بيلقى الإجابة مكتوبة على السقف؟
4) ليش الواحد إذا كانت القناة توشوش يضرب التلفزيون؟؟=====يعني على بالو إذا ضربه يعقل ويشتغل عدل؟؟؟؟
5) ليش الواحد إذا كان يكلم احد بالتلفون (تاع البيت) يلعب بسلك التلفون؟؟؟======يعني الكلام بيوصل اسرع؟؟؟
6) ليش الواحد إذا قرر يفتح باب أي محل ولقاه مقفل يلصق وجهه بالباب وقام يطالع شنو داخل؟؟=== شنو قاعد يدور الكاميرا الخفيه؟؟؟؟
7) ليش اذا كانت بطارية الريموت كنترول ضعيفه نضغط بقوه على الأزرار ؟ ===يعني يدك بتشحن البطاريه؟؟
8) ليش نقصر على صوت المسجل أو الراديو في السيارة اذا ضيعنا الطريق؟؟==== يعني جذي بنعرف الطريق ؟
9) ليش اذا شفنا على الجدار: احترس من الدهان؟...مانصدق ونجرب بأصابعنا؟؟== يعني لازم يحلفون؟؟
10) ليش اذا تأخر المصعد نضغط على الزر الف مرة ؟=== يعني جذي بيستحي المصعد من نفسه وبيفتح؟
11) ليش اذا نكون قاعدين بمكان عام ونسمع رنة مسج ولارنة موبايل على طول نشوف موبايلنا ؟؟ ====مافي الا احنا عندنا تليفون؟؟!!
12) اذا لعبنا بلاي ستيشن (لعبة سيارات) نلف مع السيارة اذا تحرك يمين ويسار؟==== احنا في السيارة؟؟
13) ليش إذا جينا نشكر واحد على موضوع حطه بالمنتدى نمد الحروف ونكتب مشكوووووور ؟؟==== يكون شكرناه من القلب يعني؟؟؟؟
ياهيا وياريتني ماشفتوه
