السلام عليكم ورحمة الله وبركاته
قبل فترة قرأت قصة كتير حلوة
هي مش قصة قصة يعني بس للعبرة :mornincoffee:
المهم يا سادة يا كرام ملا انتو :nAshOomA (10):
كان فيه ابو شادي وام شادي كل يوم الصبح بيشربو القهوة بجنب الشباك الكبير اللي بزاوية الصالون >> اكيد عرفتوه :nosweat:
>> طبعا الاسماء من تأليفي واخراجي لانو القصة اصلا كانت مكتوبة بالانجليزي
المهم
فكانو دايما يشوفو الجارة عم تنشر الغسيل
بس دايما ام شادي كانت تعلق على جارتها وتحكي
شو هالجارة هاي غسيلها وسخ شكلها ما بتعرف تغسل :int7er:
وتاني يوم نفس الشي وهمه عم يشربو القهوة الجارة طلعت تنشر الغسيلات وبرضو ام شادي عليقت عليها وعلى غسيلاتها الوسخات وصارت تحكي ام شادي :
ازا هاي الجارة بتضل تنشر غسيل وسخ رح اروح عندها اعلمها كيف تغسل زي العالم والناس :jj:
في اليوم التالت صحي ابو شادي زي الشاطرين عمل القهوة ونادى ام شادي تيجي تشرب القهوة عند الشباك :mornincoffee:
ولا ام شادي تشوفلكم الجارة كمان عم تنشر الغسيلات :int7er:
بس هالمرة الغسيلات نضاف :nAshOomA (21):
فصارت تحكي ام شادي معقولة كيف صارت تعرف تغسل ؟؟ :ang:
قام ابو شادي قللها
انا الصبح قبل ما تصحي مسحت شباكنا لانو كان وسخ فعشان هيك كنتي تشوفي الغسيلات وسخات :nosweat:
وتوتة توتة خلصت الحدوتة
يالله تعبت وانا اكتب فيها احكولي شو العبرة المستفادة ؟؟؟؟ :nAshOomA (25):
