يجماعه شو مال شوفيرية التكاسي

السلام عليكم ورحمة الله وبركاته...............


هاد يا اخواني ويا اخواتي بدي حد يفهمني شو مال شوفرية التكاسي

يعني بكون التكسي مش مركب حد ولما تأشرله يا بعملك حركة انه ما بدي احمل يا بوقف وبسألك انت وين رايح.واذا رايح على عمان الشرقية او الشميساني لو تموت ما بركبك . ابن عز هو...

يعني معقول انهم لهالدرجة شبعانين ومعهم مصاري وبس بلفلفوا بالتكسي ليغيرو جو.

وشو قصة مش عالعداد
اذا كان العداد دينار بيحكيلك دينارين ونص ول شو احنا ملاقيين مصارينا بالشارع
ولا مصارينا مال حرااااااااااااااااااااام.

أو اذا كان المشوار قريب ما برضى يركب يعني نمشي كل هالمسافة تحت الشمس ولا تحت المطر عشان حضرتك شايف المشوار قريب ومش مستاهل، ول ما في شي لألله

وشو قصة انه شوفير التكسي بيحكي مع البنت اللي راكبة معه وبيفتح مواضيع على اساس انه رفيقها بالسفر ولا شو. وحتى لو البنت ما جاوبت بضل بيحكي ومن موضوع لموضوع.

او اذا بنت مرقت من قدامه وكانت فايعة شوي بيقعد بيحكي عنها وبسب عليها وهو مركب بنت معاه يعني ما في مراعاة للحياء العام.

أو اذا كان مركب بنت حلوة بسير يمدح فيها ويتغزل بجمالها ومع انه وجهها قالب الوان ومش معبرته بس المهم يطلع المشاعر اللي جواه.
(مكبوت اخينا بالله)

أو أول ما تركب البنت في التكسي بيحكيلها يا ريت ادليني عالطريق لأنه هاد اول يوم بشتغل عالتكسي انا محامي او دكتور او مهندس او موظف بشركة عالمية وهاد التكسي لصاحبي وانا حبيت اريحه اليوم. ول كل شفرية التكاسي بيحكوا نفس الجملة. طيب انا شو دخلني، تعيش تموت تشتغل تقعد ما بتهمني ولا بهمك. اذا مستحيين من هاي الشغلة لا تشغلوها واذا انت محامي ولا دكتور اشتغلك شغل تاني في مكتب مش تلفلف بتكسي صاحبك
ولا لهالدرجة شايفن البنات سطحيين واغبياء.

وأحلى شي لما توصل على المكان اللي بدك اياه ويحكيلك خليها علينا، شو يعني فاتح التكسي سبيل .

يعني معقول انه الحل لهالموضوع انه الكل يشتري سيارات ونرتاح من التكاسي
وقرفـــــــــــــــــــــــــها