نفسي أسمع صوت محبوبي ثواني

نفسي أسمع صوت محبوبي ثواني
لو تكرم ودي أسلم عليه
مدري كيف بصوته الدافي حواني
وحده آذاني تبيه وتهتويه
بحته والنطق بلسانه سباني
لا تدلع فز قلبي له يجيه
بالحنان اللي بصوته قد شراني
عاشق(ن) مغرم وميت بين ايديه
وقت يزعل يا بري حالي جناني
لا حكى (لا تنفخ) اضحك وافتديه
ووقت يستانس اعيش بجو ثاني
حبه بقلبي أبد ما له شبيه
مشغل(ن) بالي وتفكيري وزماني
دوم اهو عالبال ما قلبي نسيه
مخلص(ن) له كل حلمي والأماني
إني آشوفه بخير واهتنيه
يا بعد روحي وقلبي والمحاني
يا فرح خالد وحب(ن) يرتجيه
لك عيوني فدوة(ن) لك يا حناني
ولك فؤادي انت وحدك عشت فيه
يا هنا عمري وحبي يا أماني
لك خفوقي أنت وحدك مشتريه
اعشقك يا شاطئي يا أحلى المواني
كل إخلاصي لوحدك ابتديه
مستحيل أجفاك لو مهما حداني
هذا آخر شي أبغى أوصل إليه

بريشة عبد الله الترابين