باب حاره عصوم وعدي وكركر

هاي للكل

انا هيك حاب احكيلكم شو صار معي لما طلعت عند عصوم وعدي وكركر :ohgod:

طبعا انا كنت شابك مسنجر الساعه 6 الصبح وفش ولا حد اون لاين عندي

وشوي والا ولحون داخل بالنك نيم الرومنسي تبعه

انا انبسطت اولها فكرته بنت حكيت يلا اجاك مين يواسيك :cry2:

واجت الصدمه وطلع عصوم :ob:

حكيت يلا عصوم عصوم شو بدنا نعمل

صبحت عليه وحكيتله كيفك ومن هالاخبار :koko:

ومن قصه لقصه اقترحنا انو نتلاقى انا واياه عند عدي بمركز النت :s7ab:

وحددنا موعد الساعه 11
عند دوار الحاووز >>>> دوار الحاووز فش حد ساكن في الزرقاء وما بعرفه > مقتبس من "" معجم البلدان ""

المهم
الساعه صارت سبعه حكيتله بروح انام شوي وباجيك

طبعا انا سكرت المحادثه من هون نمت على الكمبيوتر من هون
وصحيت لقيت كل احرف الكيبورد مطبعين على وجهي

وكبسه الانتر على خشمي

تطلعت على الساعه :haa: ولا الساعه 1
ويا حرام عصوم بستنى عند دوار الحاووز :hah: من الساعه 11 للساعه 12

اتصلت معاه وتأسفت وحكيتله هيني جاي
وطلعت عليه واستنيت عند الدوار

ولا شبين يخزي العين شو حلوين جايين علي ركاض :haa:
والله انا خفت حكيت جايين يضربوني :lolo: شوي وبدي اهرب :h3h3:

والا وهم قربو وسلمنا على بعض مباوسه زي اللي عن جد :nosweat:
وجيره الله على الغدا قصدي الفطور كنا صايمين :nosweat:

دخلت على المحل وكانو محضرين مفاجأه

مين يا ترى :haa:

كركر :lolo:

كركر بلحمه ودمه كان باستقبالي :ddd:
وفعلا هو كركر

شب على الشوارب شغل تحشيش بسلي اكتر من شوال بزر :hahaha:

المهم قعدنا وعدي بعرط من هون وعصوم بحكي عن مغامراته من هون
وكركر قرفني وهو بحكي جعان وعطشان وبدي ادخن :ob:

وانا مجرد مستمع فاتح عشرطعشر موجه :bkk:

كتبنا البوست تبع احمد :lolo:
ما في داعي اسولف عنه :hahaha::hahaha:

والشباب حلفت يمين الا افطر عندهم
بس الفطور مطول وقعدنا نلعب نيتوورك
لعبه طخطخه من الاخر واسلحه وتفجير

طبعا كركر كان اشطر واحد فيها هو وعدي وانا كان دوري اضل اموت باللعبه :nosweat:واخسر

اذن المغرب جاب كركر :lolo: وما قصر
علبه حمص وفول :icon8: وقال حاسبه فطور وسخن الشاي تبع اول مبارح وشربنا اياه :hah:

لا عن جد ما قصرو وجابو اكل من الاخر
انا ناسي شو هو بس زاكي كتير

طبعا عصوم زي الاولاد الصغار كل شوي يكب شغله
مره كاسه البيبسي مره المعلقه ومره يا يعرف كيف يمسك فخذه الجاجه

يعني بالمشرمحي ما بنقعده مع زلام على طاوله اكل :lolo:

خلصنا فطور وشغلنا المجوز ورجعنا نتخوث على النت

وعمللنا كركر الله يرضى عليه قهوه 90% منها حثل :nosweat:

شربنا وقعدنا

انا بدي اروح بس مش راضيين يخلوني اروح
وضليت قاعد وقاعد ونحكي ونسولف عن قصص الدواوين
وضربني وضربته وسلخته بوجهه

تعبت وانا اطبع :nosweat:

المهم

صارت الساعه 4 الفجر تسحرنا :lolo: وكركر ما قصر والله
مرضي هاظ الولد :koko:

والله بنحب من اول قعده :koko::koko::koko:

لما قربنا نروح اكتشفت مفاجأه كبيره

انو انا وكركر طلعنا اولاد حاره وحده وقرايب :lolo::hahaha:
وخدلك قصص بتعرف محمد وبتعرف عادل وبتعرف خالي وبتعرف جدي ............... :int7er:

اذن الفجر
اقلعنا عن شرب الماء :nosweat:
وغضينا البصر

وبعد شوي قررت انطلق عل الدار
عدي وعصوم
زتوني بتكسي وروحت على الدار

وبس :nosweat:

اذا نسيت اشي عصوم او عدي او كركر قرابتي احكو :koko:

بس احسن من هيك شباب ما بلاقي
بنحطو على الجرح بلتهب :hah:

لا جد شباب من الاخر

ومع السلامه

يلا بدي اشوف عشر ردود يحكولي يا الله ما ازنخك يا رومنس :fkker: