السلام عليكم ورحمة الله وبركاته
ازيكم يااحلى اخوات بجد وحشتوني قوي وبشكر اي حد سال عليا هنا او اتصل بيا
في البدايه الكلام الي هكتبو مالوش علاقه بحد ولابموضوع معين
انا لاحظتو وكتير قوي فحبيت اتكلم شويه مع اخواتي هنا..
العلاقات بين البنات والشباب هنا تلاقي اي عضوه داخله جديد وماتعرفش حد خالص وحاطه اميلاتها
عايزه ياعيني تتعرف على اخوات ليها تشوف بقه الاعضاء اييييه ماصدقو بنت دخلت وماتعرفش ماضيهم
ولاهما كانو بيكلمو كم بنت في الفرز
ويلا يضيفها وازيك عامله ايه اخبارك تاني يوم ازيك فينك تالت يوم وحشتيني ورابع يوم اكلتي وخدي بالك من نفسك وخامس يوم مش تكلمي حد خالص وسادس يوم عايزه اقولك حاجه وسابع يوم انا بحبك
وتبقى العلاقه ابتدت في اسبوع
ده كلام برضو معقوله في اسبوع وايه تسالها او تسالو يقولك اه بكلمها اه بكلمو قالك ايه طيب قالي بحبك
وباين عليه بيحبني قوي طيب والدليل عرفتي ازاي اتاكدتي ولا دي اول علاقه وخلاص
الاول كنا بنقول الشباب هما الغلطانين ومش عارفه ايه وهما الي بيضحكو على البنات وبيكدبو عليهم
انا مش انكر ان ليهم دور كبيييييييييييييييييييير طبعا في المشكله دي من حيث انهم بيتسلو وفرحانين بلمة
البنات في الاميل ولما ينزل توبك تلاقي البنات هما الي بيردو عليه ولما يغيب فتره يتهبلو
تانيا بقه وده بقه الي هيجنني
البناتيت الحلوين انا مش عايزه حد يزعل مني خالص وانتو عارفني لو مش مهم عندي كنت قلت انا مالي
تلاقي البنت اول ماتتعرف بحد مش تعرفو تميل ليه وتحبو بدون ماتعرف ماضيه ولا اي حاجه عنو
وايه بقه لو كان في الفرز اخضر
تلاقيها بقه الفرحه مش سيعاها وايييه.....
طيب دي ياعيني الي لسه داخله ومش عارفه حاجه وممكن بعدين تعرف
بس نيجي الي تعرف وبتستهبل وتيجي الفرصه عشان تعرف تقولك لا مش عايزه اعرف ولا بتاع
وعايزه تبقى مراهقه طول عمرها مع ان من جواها تلاقيها خايفه ومرعوبه
يابنات كفايه كده لانكم انتو الي بتجبوه لنفسكم وفي الاخر يارتني ويارتني
وفي الاخير انا اسفه لو طولت عليكم او زعلت حد من البنات او الولاد بس احنا هنا اخوات
والحق مش يزعل ابدا
