شافت الدبلة في يدي وازعلت ... والملامح في محياها غضوبهـ
واسكتت لحظه وجتني واسالت ... يا غلاي لا يكون ملجة أو خطوبهـ
ما قدرت اتكلم وعيني اخجلت ... قمت اطالع خاتمي وانظاري صوبهـ
حلفتني حيل حيل توسلت ... قلت آسف وادري ما همتها توبهـ
قلت كلمة الدنيا فيها اتزلزلت ... قلت روحي بروح غيرج مغصوبهـ
شفت دمعة تحجرت بس انزلت ... من عيون ناعس كلها عذوبهـ
طالعتني وطالعت وتاملت ... جانها تلعن زماني بكل عيوبهـ
وبصعوبة حروف من فاها وصلت ... والسكون اصبح كما الريح وهبوبهـ
اكرهك اكرهك اكرهك قالتها واسكتت.... والله مسكينه من قليبي وذنوبهـ
قالت الدنيا من افراحي خلت ... وانحكم ابكي من ظروف مكتوبهـ
قمت انا تبسم وضحكاتي علت ... وقلت آسف قصتي كلها كذوبهـ
كنت اجرب دبله يدي بها ابتلت .... و اعلقت ما تطلع الا بكل صعوبهـ
