من خبز التنور الى مسلسل نور !
انتشرت في الاونة الاخيرة سولافة المسلسلات التركية اللي صارت الشغل الشاغل للمواطن الاردني والعربي وخاصة مسلسل نور الذي حقق نسبة مشاهدة عالية في الاردن والبلدان العربية.
وانا ماشي فالشارع اسمعت واحد بقول لصاحبو : شفت مبارح مهند كيف زعل نور والله ما بتستاهل, يا اخوان حسيت نور بنت عمو.
وبجلسات النسوان بطل في نميمة “فلانة سوت وفلانة عملت” صار الموضوع الرئيسي للنسوان “نور ومهند” فعلا هاي فائدة للمسلسل.
والصبايا بتلاقيهم مفنجرات عيونهم على مهند الامور اللي صار فارس احلام العذارى وقاطع رزق الشب الاردني و رافع نسبة الطلاق.
وفي محض الصدفة وانا بتمشي في الشوارع لقيت اشياء زاكية بتحمل اسم “نور ومهند” زي العلكة والشبس وغير هيك في بجامات للصغار عليها صورة نور ومهند “في اول غسلة بروح مهند وفي الثانية بتروح نور وبتصفي البلوزة فنيلة او ممسحة”, يعني وصلت فينا التفاهة نعمل شبس و علكة لمسلسل مهند عشان نضحك على عقول الولاد الصغار وبسألوك ليش الولاد عنا حمير, اشي طبيعي ابن 7 و 6 سنين يطلع اهبل ما دامو عاش طفولتو وهو يجمع صور مهند ونور من العلكة.
مكتوب على باكيت الشبس “هذا المنتج لا يحتوي على اي عناصر معدلة وراثيا” كيف يعني ؟ يعني الواحد لا يفكر انو اذا اكل الشبس رح يجيب ولاد زي مهند ونور, لانو ليس معدل وراثيا.
يا ترى بس يجي مهند ونور على الاردن ويشوفو صورهم على الشبس والعلكة شو رح تكون ردة فعلهم هل حتغمرهم الفرحة لانو مسلسهم نجح ووصل نطاق عالي من الشهرة لدرجة صار اسم للاكل, وله رح يستتفهونا ويحكو شو هل منياس يعني شو هل هبل.
في النهاية يقول الله يحفظلنا نعمة العقل, ونشاءالله ازمة وبتعدي, والله يرحم جدنا وجدتنا .!!؟
:Jordan::Jordan::Jordan::Jordan::Jordan::Jordan::Jordan:
