بصراحه يا اخوان انا دخلت منتديات كتير و مواقع كتير من جميع البلاد و الاصناف و الانواع و بصراحه و هادي حقيقه ما بقدر اشكك فيها انوا منتدى شباب و صبايا الاردن فعلاً مميز بكلشي بمواضيعه بأعضائه و حتى بمشرفينه إلي بجننوا و بالأخص بمديره كل هاد اثر فيني و خلاني اكون مخلص للمنتدى و بس
هاد الكلام كله زي ما بيحكوا في منو كتير و ناس تانيين رح يفهموا غلط و ناس تانيين رح يقولوا هادا بحكي هيك عشان حطوا مشرف بس فعلاً هاد المنتدى صار حياتي و عيلتي هي المراقبين و المشرفين إلي هون و الاعضاء كلهم طبعاً بس يا اخوان في اشي جارحني من جوا و طبعاً كلامي مش للكل و كل واحد بيعرف هو شو بسوي
يعني بقرأ تحت اخر الموقع بلاقي الاعضاء المتواجدون ( عدد معين ) و بنفس الوقت بلاقي الزوار اكتر منو بكتير ليش ما تسجلوا بالمنتدى طالما بتحبو تيجو لهون و تقرأوا مواضيعه هي وحده و شغلة تانية يعني انا مش شايف ناس كتير بحطوا مواضيع طبعاً مشكورين إلي برفقوا مواضيع بس عم منلاحظ اشي اسمه متصفحون بلا ردود يعني مواضيع بس إلي بيعطي رأيه من الاعضاء على المواضيع هم هم و إلي بحطوا مواضيع هم هم طيب ليش خلونا انساهم بهادا المنتدى و نرفع من شأنه فوق الشأن إلي هو عليه هلأ و انشالله يمكن لاحظتوا اشي اسمه المجلس الاعلى لشباب هاد القسم و بالتعاون مع عماد طبعاً و بركة المراقبين رح يكون في نشاطات خارج المنتدى حتى من جميع المحافظات بالنهايه بشكركم و يا ريت تتقبلوا موضوعي و تردوا عليه
و لكم مني تحياتي
:Jordan::Jordan::Jordan:
[/URL
