ياصغيّر الســن قدرك طاحـــت أبراجـــه
الجـرح خلّى الصخــر ينطـق ونطقّنـــي
خـــلاص ماعــاد تعنـي لـي ولا حاجـــة
رح .. جعــل ربـــي يوفقـــك ويوفقنـــي
من بعـد ماكنت نــور العـمـر وسـراجـــه
اليــوم صــرت الظـــلام اللـي يطوقنــي
عطيتــك أكــثر مـن اللي كنـت تحتاجـــه
أسرفت فـ( الحب) .. لين الحب وهقني
خلاص .. مالي ومال الحـب وإزعاجـــه
مالي ومـال الـــدروب اللـي تضايقنــي
تعــبت أضــمّ البحـر وأهــدِّي أمواجـــه
تعبت أجامل و أشوف الوقت يسرقنـي
شكــواي للي عليه الضيـق و إفراجــه
اللي إذا شـــاء .. يرحــمنـي ويرزقـنـي
أما أنـت يابـــو جبيـنٍ عــقّّـــد حجــاجـه
لاعـاد تسأل : "عـلامك ما أنت طايقني ؟"
النـــاس كــلٍ علـى دربـــــه ومنهـاجــــه
وأنا عــن النــاس مابـــه شـي يفرقـنــي
إلا أنـي دايـم أحــب الصـدق وأواجــــه
مخلوق .. و الله على هالوضع خالقنـي
حتى رفيـقي ضمــاد الجـــرح وعلاجـــه
علــى كــثر ما أتمّســك فيه .. صدقّنـــي ..
لو أدري إنه مــرافقــنـي علـى حــاجـــه
لأمسّكــه حـاجتـه .. وأقـول : " فـارقنـي "
