أنا حبيت أتطرق لهالموضوع كونو بيحكي عن الحب و قبل يومين كان عيد الحب متربع بين أسطرنا و حاكم أقلامنا بس طبعا لازم نعرف شو هو الحب و بنفس الوئت لازم نفرق بين الحب كمشاعر و كممارسة..صح ولا لأ؟؟ هلأ رح أحكيلكم كيف ..
طبعا يا شبابنا الحب هو مشاعر قلبية الانسان ما بسيطر عليها لإنو لما القلب يدق لحدا لو الأرض بتدور بالعكس حوالين الشمس ما حدا بوقفو و على ما أعتقد انو كل شخص بحياتو بيمر بهاي التجربة و في ناس كتير كمان بيعيشو حياتهم و همه بيدورو على هاد الحب بس للأسف ما بلاقوه و بيقابلوهم ناس ما بيدورو على الحب لإنهم بيحكي انو رح ييجي لحالو و لولا انو الحب شي غالي بل من أغلى الأشياء كان ما حكى عنو الرسول صلى الله عليه و سلم بس هو نظرلو نظرة صحيحة تماما و ما فيها أي غلط بيحث حكى انو نار الحب لو اشتعلت ما بيطفيها غير الزواج ,,لم ير للمتحابين مثل النكاح,, و الحب اللي بيكون مجرد مشاعر بس مش أي مشاعر يعني المفروض تكون نابعه من قلوب سادئة وفاهمه الحب بمعناه السليم مو عيب ولا حرام و طبعا سبيلو الوحيد هو الزواج أما ازا واجه هاد الزواج عائق فما في غير الصبر على الحب و مرارتو, و لما بنتطرق للحكي عن الفرق بين الحب كمشاعر و كممارسة و سلوك لازم نوقف عند نقطة مهمة كتير هي انو الحب الحلال بيكون مجرد مشاعر اما ازا تحول لممارسة كلمسة أو قبلة أو أني ثينغ إلز بيكون حكمو حراااااااااااام و أكيد بتنتج عنو سلبيات كتيرة لأنو بيكون من الصعب على المحب إنو يضبط حبو . عرفتو هلأ شو حكم الحب ؟؟ و عرفتو كيف الإسلام هو دين التسامح؟ يعني حتى الحب صرح فيه لإنو مو كل إنسان بيقدر يتحكم بمشاعرو و يحكم قلبو و يبعدو عن الغلط ...إزا في حدا ممكن يضيف أو عندو اعتراض ممكن يطرحو لإني ما طرحت هاد الموضوع إلا للنقاش و تحياتي للجميع...و على فكرة أنا شخصيا بشجع الحب اللي بيغير النفوس و بيطهر القلوب و بيخلي الإنسان يدور عالصح و في حالة غلط,, لإنو ما في انسان معصوم عن الغلط,, يعالج غلطو بالصح و مو شرط يخلي قلبو و مشاعرو شماعه بيعلق عليها أخطاءو و خصوصا المراهقين ....
م ن ق و ل :face (68)::face (68)::face (68)::face (68):
[/SIZE]
[SIZE=4]تحياااااااااتي :face (62)::face (62)::face (62):
