يا صدمتي في أكثر احبابي .. ويا خيبـة ظنونـي=يا ضيق صدري .. لا ذكرت انّي عليهم ما كذبْـت
يا طعنةٍ خلتني انسى مـن سبايبهـا .. طعونـي=يا جرح ماله طبّ حتى لو أقول:- اليـوم طبْـت
البارحه والله يكون بعون احاسيسـي .. وعونـي=أحاول اهرب مـن عمايلهـم ولكـن مـا هربْـت
ما كنت احسّ اني أنا أنا .. وهذا الكون .. كوني=أمُرّ في حالة ضياع .. وشبه غيبوبـه .. وكبْـت
أحباب!! أي أحباب ذول اللي على موتي خذونـي=الظاهر اني شبْت .. ياعالم .. وانا ما بعد شبْـت
سألت نفسي هُم يبوني صدق؟؟ ولا ّ مـا يبونـي=أجبْت نفسي وليتني علـى سؤالـي مـا أجبْـت
اللي لهم مُدّه وهم فـي داخلـي .. واستغفلونـي=ياما استغلوا طيبتي معهـم وكـل اللـي وهبْـت
وهبتهم قلبي.. وشعري.. وكلما حولـي ودونـي=تعبْت معهم بس مـا كنّـي رغـم هـذا.. تعبْـت
شعرت فعلاً بالعذاب.. وغصّـة الدمـع بعيونـي=قرّبتهم منّي وانا اللـي كنـت احسْبنّـي قربْـت
عشانهم قررت ابيع اللـي مـن العالـم شرونـي=عشانهـم بطّلـت لعـب .. وليتنـي والله لعبْـت
مادامهم ما قدّروا صدقي .. ومعهـم جرجرونـي=لو ادري آخرها كذا .. من أول الدرب انسحبْـت
أحبابهم واجد .. ولا ادري ليه بالذات اخدعونـي؟=مع ان عمري ما خدعت انسان .. أو حتى قلبْـت
يا قوّها صدمه .. وانا لون الغدر ماهـو بلونـي=وربّي ما أنلام لو بعـد الـذي سـوّوه .. غبْـت
ماكنت ناقص صدمه اخرى في حياتي واصدموني=مصدوم خِلقه .. لين مات الحب فينـي وانعطبْـت
الحين مدري كيف اعاملهم .. وهُم مـا قدّرونـي=ما استوعبوا للّي كتبْت من الجروح .. وما كتبْت
الله يجازيهم على استنزافي .. وحرقـة جفونـي=ما كنت حاسبهم يبيعون الغلا .. يومـي حسبْـت
اثْر الغلط منـي لأنـي كنـت اسلّمهـم جنونـي=لكنّي أعلنهـا صريحـه "تبْـت والله ثـم تبْـت"
ما عاد لي رغبه أجـدّد فـي علاقتهـم طعونـي=خسرت في هذا الطريق اضعاف ضعف اللي كسبْت
أحسن لي ابعد واشتري نفسي .. ولا خيبة ظنوني=إن طبْت من جرحي .. وإلا ّ.. جِعْلِني ما يوم طبْت
يا طعنةٍ خلتني انسى مـن سبايبهـا .. طعونـي=يا جرح ماله طبّ حتى لو أقول:- اليـوم طبْـت
البارحه والله يكون بعون احاسيسـي .. وعونـي=أحاول اهرب مـن عمايلهـم ولكـن مـا هربْـت
ما كنت احسّ اني أنا أنا .. وهذا الكون .. كوني=أمُرّ في حالة ضياع .. وشبه غيبوبـه .. وكبْـت
أحباب!! أي أحباب ذول اللي على موتي خذونـي=الظاهر اني شبْت .. ياعالم .. وانا ما بعد شبْـت
سألت نفسي هُم يبوني صدق؟؟ ولا ّ مـا يبونـي=أجبْت نفسي وليتني علـى سؤالـي مـا أجبْـت
اللي لهم مُدّه وهم فـي داخلـي .. واستغفلونـي=ياما استغلوا طيبتي معهـم وكـل اللـي وهبْـت
وهبتهم قلبي.. وشعري.. وكلما حولـي ودونـي=تعبْت معهم بس مـا كنّـي رغـم هـذا.. تعبْـت
شعرت فعلاً بالعذاب.. وغصّـة الدمـع بعيونـي=قرّبتهم منّي وانا اللـي كنـت احسْبنّـي قربْـت
عشانهم قررت ابيع اللـي مـن العالـم شرونـي=عشانهـم بطّلـت لعـب .. وليتنـي والله لعبْـت
مادامهم ما قدّروا صدقي .. ومعهـم جرجرونـي=لو ادري آخرها كذا .. من أول الدرب انسحبْـت
أحبابهم واجد .. ولا ادري ليه بالذات اخدعونـي؟=مع ان عمري ما خدعت انسان .. أو حتى قلبْـت
يا قوّها صدمه .. وانا لون الغدر ماهـو بلونـي=وربّي ما أنلام لو بعـد الـذي سـوّوه .. غبْـت
ماكنت ناقص صدمه اخرى في حياتي واصدموني=مصدوم خِلقه .. لين مات الحب فينـي وانعطبْـت
الحين مدري كيف اعاملهم .. وهُم مـا قدّرونـي=ما استوعبوا للّي كتبْت من الجروح .. وما كتبْت
الله يجازيهم على استنزافي .. وحرقـة جفونـي=ما كنت حاسبهم يبيعون الغلا .. يومـي حسبْـت
اثْر الغلط منـي لأنـي كنـت اسلّمهـم جنونـي=لكنّي أعلنهـا صريحـه "تبْـت والله ثـم تبْـت"
ما عاد لي رغبه أجـدّد فـي علاقتهـم طعونـي=خسرت في هذا الطريق اضعاف ضعف اللي كسبْت
أحسن لي ابعد واشتري نفسي .. ولا خيبة ظنوني=إن طبْت من جرحي .. وإلا ّ.. جِعْلِني ما يوم طبْت
