ثار علي الشوق والضـي انطفـى سراجـه
من ثاني فجر للعيـد وأنـا منتهـي عيـدي
قضيت الوقت بين سماء وبحر تلاطم أمواجه
يجيني الهم ويزول لازارني طيـف سيـدي
وأضم طيفه بروحي وجرح روحي هو علاجه
الجروح ماعاد تهمني واقول ياجروح زيـدي
هو الحبيب وهـو الطبيـب اللـي احتاجـه
مالي في الهوى حبيب غير منتوقة الجيـدي
يازيـن بسمتـه ويازيـن لفتـة احجـاجـه
لها بسمة تذوب القلب ولـو كانـه حديـدي
متى يجي يوم رجعتي والقلب يضوي سراجه
متى يجي يـوم يقـرب فيـه كـل بعيـدي
وتدري ليه ربي خلق قلبي يسار لجل قدرك بقلبي دايم يمين 
