في زمان الصمت عيني عاشت الوحدة حزينه
ماتهنـت فالمنـام ولاتهنـت فالمقـامـي
بسمتي في دمعتي محبوسةٍ ماتـت سجينـه
نور صبحي منغشي في ليل معتوم الظلامـي
آه ياقلبٍ تعـذّب فالهـوا فـارق ظنينـه
فاقدٍ خلّه يعانـي كثـر شوقـه والهيامـي
الهموم اليوم حوله من يسـار ومـن يمينـه
حفّته يوم المفارق في حياتـه لـه توامـي
فحفحات الصدر من نار المفارق به دفينـه
مع جروحٍ وسط روحه غارقاتٍ فالمدامـي
خبّروا خلّي بعد ماغاب جرّيـت الونينـه
طول ليلي من همومي ساهرٍ عفت المنامـي
خبّروا زين السجايا لـو تلاهتبـه سنينـه
بذكره في كل يوم وبذكره في كل عامـي
وافيٍ للزين حالـي ناحـلٍ سبّـة حنينـه
مابقى فالجسم ياغير العصب ويّا العظامـي
خبّروه اني صويبه روحـي ابحبـه رهينـه
خبّروه انه رما قلبي خطيـرات السهامـي
وخبّروه إنّا رغم ماصار نبقـى عاشقينـه
دام فينا عرق ينبض حبهم عاش الدوامـي
من يذوق امفارق الاحباب حنّـا راحمينـه
من بعد ماذقتها نار المفـارق ذوق حامـي
ومن يهل الدمع حايـر محنـا والله لايمينـه
لو نلومه ياعرب حنّا تـرا قبلـه نلامـي
ولو قضى عمره وحيدٍ في حياتـه عاذرينـه
هكذا جو الغرام إليا حصل وسطه غمامـي
ياطيور الجو جرح القلب ليتـك تحملينـه
للغلا كوده يشوف الجرح ويصون الغرامي
ومع جروح القلب ليتك عن وفاتي تخبرينـه
خبّريه اني قتيله عقـب تهديلـه سلامـي
في زمان الصمت كثر الهرج حنّا تاركينـه
إلتزمنا الصمت عزلنا هزيـلات الكلامـي
تحياتي لكم
Alfrfooora
Alfrfooora
