مستنى ايه
========
مستنى ايه مش بردو شايف ولا مش باين عليا
مستنى ايه ولا انت لازم تبكى قدامك عينيا
احضنى اكتر من كدا طمنى بيك
من اد ايه غايب وانا محتاج اليك
عوضنى عن كل اللى فات
انا شفت ف بعادك حاجات
انا كان فاضلى ساعات
واموت م الخوف عليك
من اد ايه وبقول دى هانت بكرة راجع تانى ليا
يوم بعد يوم وانا فى غيابك نفسى تيجى اللحظة ديا
احضنى اكتر من كدا طمنى بيك
من اد ايه غايب وانا محتاج اليك
عوضنى عن كل اللى فات
انا شفت ف بعادك حاجات
انا كان فاضلى ساعات
واموت م الخوف عليك
******************
ناس عيشتها ارتاحت
===========
ناس عيشتها ارتاحت وناس ريحتها فاحت
وناس بنت وعلت وناس ف الزحمة تاهت
ناس بتسهر كل يوم وناس تقضى عشاها نوم
وناس بتطلع ف العلالى وناس بتطلع م الهدوم
ناس طايرة فوق البساط وناس عايشة حياتها اقساط
وناس لابسة حرير ف حرير وناس نايمة على البلاط
انا لاعايز قصر ولا براح انا عايز اقف ف طابور مرتاح
واجيبلى عيشى واروح بيتى وانام وانا ضميرى مرتاح
لا عايز اشربها معدنيه كفاية عليا من الحنفيه
ياخوفى لايقطعهوها عليا وافضل انادى واقول يا ميه
*********************
ساعات
=====
ساعات الجرح بيريح ساعات الدمع بيهدى
وليه على ايه هنتألم ماهو كله بيمشى ويعدى
مابتقفش الدنيا وادى ناس بتيجى وناس بتروح
يعنى جرح بجرح عادى ومين ف الدنيا مش مجروح
ناس كتير كانوا ف حياتى والنهارده فاضلى ايه
الفراق بقى زى عادة وقلبى متعود عليه
نص عمرى فات وادينى مافتكرش فرحت فيه
نفسى اعرف مالها بيا الدنيا جاية عليا ليه
فى الحياة لو اسمى عايش حتى لو من غير حبيب
مش هموت وانا لسه عايش والفراق قسمة ونصيب
هخسر ايه تانى ف حياتى ولا ايه هندم عليه
زيى واكتر ألف واحد عاش مابين الناس غريب
************************
قل بأصلك
===========
مش هتكلم معاك ولا هتكلم عليك
مثل واعمل ملاك وانا هتفرج عليك
قل بأصلك واجرح فيا يمكن ترضى غرورك بيا
خطط وارسم واقعد فكر ممكن تقتل قلبى ازاى
عايزك كل دقيقة تبيعنى اعمل فيها برىء واخدعنى
انا نفسى اعرف انت بتعرف بعد دا كله تنام ازاى
مهما هتعلى هتنزل تانى اللى بيكسر قلب التانى
واللى بيظلم حد برىء واللى بيعرف يبقى انانى
لازم كل الدنيا تزله وبينداس م العالم كله
واللى عمله ف كل الناس هيجيله يوم ولازم يحصله
ايه يعنى خسرت واحد كان كداب كبير
بس انت خسرت واحد كان بيحب بضمير
كبرت اوى فى عينيا مش عارف اقولك ايه
بس اللى عملته فيا انا بحييك عليه
**********************
لما بتلمسنى
=========
لما بتلمسنى بتحسسنى ان انا ف ايديا العالم كل اللى ناقصنى
واما بتتكلم انا بتعلم احب الناس واطمن طول مانت حاسسنى
وبحس معاك ان انا فى السما مش فى الدنيا
وان انت ملاك ومعاك السنة بتفوت ثانية
عيشنى ف هواك لازم اعيش معاك
انا عايزك تقرب ليا وتبص ف عينيا
نستنى اللى فات شفت معاك حاجات
ماشوفتهاش غير وانت واقف بين ايديا
مهما حلمت بيك واتخيلت فيك
الحب دا كله هيبقى قليل عليك
نفسى افرح معاك واتهنى ف هواك
وحياتك تاخدنى ف حضنك وتقربنى ليك
********************
تصور
=====
حبيبى وراك وراك جايلك انا اكتر قلب بيحايلك
كتير بحلم ومش طايلك بقالى سنين
حياة وعرفت سكتها ماسيبهاش بعد مالقيتها
حقيقة وبكرة هثبتها الحجر بيلين
تصور مستعد حبيبى اتهور
ارمى روحى ف النار وادور
ع اللى خلى العمر نور
فى غمضة عين
تصور توهت روحت ماشوفتش اجمل
حاجة ناقصة وبيك هتكمل
واللى يصبر اكيد بيوصل
كبيرنا يومين
يادوب لو قولتلى ازيك ادوب قدام ملاك زيك
دا انا من يوم ماشفت عينيك وانا مخطوف
بعادك عنى دا بيقتل وانا والله مستقتل
هتيجى ومسيرها تتعدل وبكرة تشوف
******************
بحبك اخر حاجة
=========
كلمة ف قلبى شايلها ليك ياللى عمر احلو بيك
نفسى اقولك ياحبيبى واعترف وانا بين ايديك
انت اللى قلبى حس بيه وحلم عمرى لاقيته فيه
اتمنى ايه ياحبيبى تانى كل الامانى لاقيتها فيك
وبحبك انت اخر حاجة انا روحى ليك دايما محتاجة
انا لو هقول فيك الكلام يطول حبيبى دا انت عندى اغلى حاجة
انا روحى عاشقة ومرتاحه لك وعيونى دايما مشتاقه لك
وياك بعيش احلام ماتنتهيش وحياتى ليك انا عيشتهالك
انا لو هقول دا قليل عليك اجمل مافيك ضحكة عينيك
يالا تعالى حبيبى قرب كل مافيا بيناديك
وادينى دنيا ماروحتهاش عيشنى لحظة ماعيشتهاش
وانا بين ايديك بتكون واحشنى وانت معايا بشتاق اليك
ليلة ولا كل ليلة معاك حبيبى ماقدرش يوم انساك
فى بالى طول الليالى حبيبى دا انت ارق ملاك
************************
واقع ف شبكتك
=========
واقع ف شبكتك وبخطط وبتكتك
مستنى اللحظة اللى الاقينى شبكتك
دا انا قلبى اتكسر واتبعتر واتفكك
وبشوفك جاية فبسوق فيها واتلكك
وف عز الحر بردان اوى وبتكتك
دا انا راضى بالمر بس الاقينى ملكتك
خدى بالك لأ دا انا ممكن اتنك
بعدها مش هخلص من وشك ولازنك
وهتعملى ايه ف واحد قلبه مهنج
جدته هتنحس وكإنه متبنج
غير كدا ياهطق يا انا هتجنن منك
ما انا ايدى فى الشق بتلاعبينى باينك
انا شاب رجولة واقف سبع فى ضهرك
راضى اموت بسهولة بس احوش مهرك
دا انا اهد الدنيا اصلى جرىء من يومى
وعشانك اضيع وابيع انشاالله هدومى
قصدك ايه طب ما تيلا نقضيها
لا يقولوا كان شاب وبسببك راح فيها
ماتجربى مرة و قولى اللى ف نفسك
الافترا مش حلو واتكسفى على دمك
ليه كدا ماعرفش مقلوب حتة قلبة
والليلة مش قفش وبجد مش طالبة
لو مين قدامى قلبك عمرى ماابيعه
وبجد بجد جاهز من مجامعيه
****************
ماحدش بينفع حد
========
ماحدش بينفع حد ماحدش خايف على حد
كل الناس عايزة تاخد وماحدش بيدى لحد
مافيش حد قلبه عليك مافيش حد حاسس بيك
واللى بيحبك قدامك من وراك بيجرح فيك
واحد ورا واحد بيبان واللى مابيخونش بيتخان
ليه بقى كله خايف من كله وماحدش حاسس بأمان
الناس كلها جايه عليك واللى تقف جنبه بيإذيك
واللى تعيش له وبتخلص له بيخلص بايده عليك
اللى تعيش علشان تديهم طلعوا بياخدوا ومابيدوش
واللى بايدك بتعليهم لما عليوا اتقلبوا وحوش
واللى ف حضنك بطمنهم وهما ف حضنك جرحوك
واللى على نفسك مآمنهم اكتر ناس هما اللى باعوك
شايل فى قلبى جراح تكفى الكون دا كله
واللى حصلى مافيش واحد فى الكون حصله
لو حد حس بجرح قلبى ماكنش عاش
ماعرفش ليه الكل متفقين عليا
مابقتش مستحمل من الجرح اللى فيا
انا نفسى اعيش الدنيا اصلى ماعيشتهاش
عمال اقابل طول ما انا عايش واتجرح واتخان م الناس
من كتر الجرح بقيت عايش اسم وصورة وصوت وخلاص
حتى لما بغمض عينى بحلم بردو ان انا مجروح
امتى هتخلص دمعة عينى دا كله بيخلص ويروح
**********************
زيك زيهم
========
ماتقولش انك واقف جنبى وعلى استعداد لو ضحيت
آل يعنى قريب من قلبى والله انا منك مليت
ماطلعت زيك زيهم لأ دا انت اكتر منهم
لو ليك حبيايب حبهم لكن بعيد عنى
اصلا ماليش ف الحب دا شىء انتهى لما ابتدى
وياريت تكون مبسوط كدا فرحان بقى يعنى
كل اللى يشوفك فى الاول يفتكرك طيب على طول
بس اللى يقرب ويكمل هيحس الجرح على اصول
ماطلعت زيك زيهم لأ دا انت اكتر منهم
لو ليك حبايب حبهم لكن بعيد
اصلا ماليش ف الحب دا شىء انتهى لما ابتدى
وياريت تكون مبسوط كدا فرحان بقى يعنى
**************
شايفك مصدق
=========
شايفك مصدق نفسك وبتعاتبنى وبتحاسبنى وعايشلى دور انك زعلان
وكمان ليك عين بتبكى للناس بتشكى ماكفاية بقى دا انت الغلطان
لو ناسى تعالى وانا افكرك بجرحك
وازاى عشت معاك بتحمل وازاى كنت بضحى
كنت هكمل وانا صابر وانت جنيت عليا
انت غلطة غلطها قلبى وبيدفع تمنها
مش هعيد وازيد ماخلصت واتقفلت بيبانها
قصره يعنى كنت شارى وانت غدرت بيا
سيبك من اللى ف بالك وروح لحالك مالى ومالك ارحمنى دا ماصدقت نسيت
ومافيش شىء تاخده منى ودا غصب عنى على كل حال انت اللى بديت
لو ناس تعالى وانا افكرك بجرحك
وازاى عشت معاك بتحمل وازاى كنت بضحى
كنت هكمل وانا صابر وانت جنيت عليا
انت غلطة غلطها قلبى وبيدفع تمنها
مش هعيد وازيد ماخلصت واتقفلت بيبانها
قصره يعنى كنت شارى وانت غدرت بيا
*****************
ocuments and SettingsXPMy DocumentsMy Picturesلا" onload="ResizeIt(this,400,600)" />
</b>
