هام جدا للأعضاء

السلام عليكم ورحمة الله وبركاته

اولا: انا بحب اهني اعضاء ومشرفين المنتدى بقرب حلول شهر رمضان المبارك
كل عام وانتوا بخير والله يعيده علينا وعليكم بالصحه والعافيه

ثانيا: انا كتبت موضوع بعنوان مبروك للاخضر وهاردلك للازرق
يعني المباراه انتهت وهنينا الفايز وقلنا للخسران هاردلك ان شاء الله بعوضوها ببطولات تانيه
عشان هيك مافي داعي للحزازيه والعنصريه اللي صايره هالكم يوم لانه كل هاد كلام فاضي ما اله فايده
لاتنسوا انه احنا ابناء منتدى واحد وكلنا اخوان ولازم ما نسمح لضعاف النفوس ان يشعلوا الفتن بينا
لازم يكون في روح رياضيه مش معنى الوحدات فاز يعني الوحدات اقوى
ولا معنى انه الفيصلي خسر يعني الفيصلي ضعيف لا بالعكس الاتنين انديه كبيره ودائما واحد منهم بياخد الدوري
فأرجوكم ابعدوا عن العنصريه وخليكم حريصين على نجاح المنتدى لانه اذا احنا مش مهتمين للمنتدى كين بدو يهتم فيه الزوار ؟؟؟؟؟؟؟؟
الله يسعدكم اقرأو الموضوع منيح والي بدو يرد ياريت يكون رده بكلام منيح لانه ما اعتقد انه في حدا معترض على كلامي وسلامتكم

تقبلوا احترامي وتحياتي
اخوكم: فادي السلمان