س : ألو
ص : مرحبا
س : هلا
ص : كيف حالك
س : هلا هلا والله انا الحمدلله بخير
ص :وشو اخبارك وكيف صحتك
س : ( مستغرب من الاتصال..مش بالعادة يعني )الحمدلله بخير ماشي الحال كيفك انت
ص : والله مشتاقلك ..وين انت يا زلمة مابنشوفك يعمي اشتقنالك
س : اشتاقتلك العافية ..مانت عارف هالدنيا لاهية..
ص : اه والله معك حق..طيب شو رايك..نكسبك عالغدا الخميس الجاي
س : لا متغلبش حالك
ص : ولا غلبة ولا شي..خلص اتفقنا..الخميس عندي ان شاء الله
اجى الخميس ..واجى الغدا..وخلص الغدا
وبعد اكلة المنسف كتمت عنفسهم.........قعدو يشربو الشاي..
ص :والله انا بدي احكي معك في هالموضوع...يعني.....انت عارف ( ع )
اخويا..تخرج من الجامعة..وهيو...إلو اكتر من 6 – 7 شهور قاعد بدون شغل..وانت يعني...ماشاء الله ..بتشتغل في شركة ممتازة..ومركزك ممتاز,,يعني بقول اذا بتقدر تشوفلو شغلة عندك..
س : ( بينو وبين حالو..قول هيــــــــك..هلأ فهمت القصة )
هادا مثال من كتير امثلة بنشوفها في حياتنا واللي كلها بتندرج تحت مسمى واحد وهو
( المصــــــــــــــــلحة )
.
.
والسؤال هان : ليش ؟!!
ليش صارت حياتنا كلها مصالح ؟!!
ليش اذا بدك مصلحة من فلان بتسأل عليه..غير هيك..ولا عمرك بتتعرف عليه !!!
ليش صرنا نعتبر الموضوع اشي طبيعي؟!! لدرجة نتقبلو بكل بساطة وبدون أي محاولة حتى لرفض المبدأ !!
حتى صرنا لو حدا سأل علينا او اتصل فينا..يتردد جواتنا سؤال : يا ترى شو بدو ؟
...لهالدرجة صار موضوع ( انو بدو شي) مفروغ منو !!
صارت حياتنا..مجموعة من طلبات المصالح بمسمى اشخاص..كل فلان إلو فايدة في ناحية مختلفة..وكل واحد منهم محطوط على لائحة الانتظار حتى يجي وقت احتياجنا لمصلحة منو..وقتها بتصير الاولوية إلو في ليستة الانتظار !!!
:hi::hi:
