اما التعليقات تحفه راح اختار بعضها
تعدد الزوجات يطيل العمر
لندن - ي.ب.أ:
قد يكون سر الحياة السعيدة والطويلة يكمن في الاقتران بزوجة ثانية.هذا ما توصل إليه باحثون في جامعة شفيلد البريطانية بعد اكتشافهم "فوائد" الزواج من امرأتين في الوقت نفسه، والاطلاع على إحصاءات أعدتها منظمة الصحة العالمية حول البلدان التي تسمح بتعدد الزوجات والنتائج الايجابية لذلك ومنها أن عمر الزوج الذي يقترن بأخرى يزداد أكثر من غيره بنسبة 12%.وذكرت صحيفة (الدايلي مايل) امس الجمعة أن الدراسة التي نشرت في العدد الاخير من مجلة (نيو ساينتيست) أشارت إلى أن الرجل الذي يتزوج من أكثر من امرأة وتكون لديه عائلة كبيرة يحظى برعاية أفضل خلال مرحلة الكهولة ويعيش لفترة أطول.
وقال الاختصاصي في تطور علم النفس لانس ووركمان من جامعة باث سبا البريطانية "إذا كان لديك أكثر من زوجة فقد يعتنين بك وتعيش لفترة أطول"، مشيراً إلى فوائد الزواج "لأننا نعرف أنه حتى الرجل الذي يقترن بامرأة واحدة يعيش لفترة أطول من العازب".
خبر حلو وسليم ويقربنا من دينا الحنيف اكثر / هيثم المهم
الا تقصر العمر,, مو طوله ,,
والمثل يقول ضيقة القبر ولا ضيقة الصدر
يعني الحين بيصير لهم عذر / هديل الورود
هالحين ماعاد لنا عذر يعني المسأله صارت علميه فلابد من تعدد الزوجات لأن حياتنا الصحيه مهمه وأتقدم بالشكر الجزيل لمن نقل هذا الخبر وجزاه الله خير الجزاء / سلطان البكر
أكيد هذا شيء كلنا نحسه ونراه في شيباننا اللي معهم اكثر من حرمة.. وشيء شجع عليه ديننا مهما انكروه الحريم وهيئات حقوق المرأة العلمانية التوجه الذين لايفهون شيئا في دين الله.. هذا امر فيه رحمة للبشر سواء للرجال باطالة اعمارهم او للنساء ممن فاتها قطار الزواج وفيه احصان عن الزنا والشرور.. ينبغي للدولة ان تدعم زواج العوانس حتى وان كانوا لزوج معدد وتمنحهم القروض وتؤثث منازلهم لان بقاء المرأة بلا زواج لايقل عن خطره في الشاب الاعزب / أبو حميد بريطانيا
انصح كل واحد يقص هالخبر ويوريه زوجتة ويشوف ردة فعلها / اشواق
زوج ماني قادرة احصل !!
ياربي والله اني حزنت من اخباركم عنست مع اني جمال واخلاق مدري شفيني! / العانسه العتيبي
استغفر الله وتتوب اليه - الاعمار بيدالله - والله على على كل شي قدير
مجرد توقعات وكلام فاضي- / فرحان العرفج
والله انك صادق ويجدد الشباب / الهجله البدائع
تعدد الزوجات + اولا مسئوليه وكثرة طلبات الحريم مع مشاكل طبعا + ودرزن عيال + غلاء المعيشه والاسعار
= موت سريع / وديان
مكثرمن شيبانا اللي بدوا يعرسون على البزارين لابارك الله فيهم
اجل لاعرسوا متى بفارقون الدنيا والله من البلشه / هند
اي يطيل العمر الا يقصر العمر
اخرطي نسمع دراسات مانشوف نتايج واقعيه انا اشوف اللي راح يتزوج ثنتين او ثلاث راح يجيه غثاء ونكد ليه ؟؟
انا اقول لكم ليه يعني متزوج ثنتين اكيد هاذي بتزعل ولا بتتهاوش مع ضرتها وتصير قيل وقال
ومسكين الرجال بيتنكد وبالتالي راح يقصر عمره ويجيه امراض الدنيا كلها ضغط وسكر وبلاوي متنتله هذا غير الفلوس اللي راح يطلبونه هاذي شرت ابي اشتري مثلها الواحد يشتري راحه دماغه بوحده
/ غادة -الرياضصباح الخير
وش الخبر الي يسد النفس على الصبح الله يهديكم بس / ام يزيد
بصراحة خبر يفتح النفس ! وهو صادر من إختصاصي في تطور علم النفس أيضا. / محمد بن عبدالله - الرياض
ماشاء الله الحين الرجال بينسون كل المقالات الطبيه عن مضار التدخين وغيره
ويفرحون بهذا المقال ويعتبرونه حجه للزواج مره ثانيه على قولة المثل الشعبي (جاك يامهنى ماتتمنى) / ام يزيد
بدور لي ثانية من اليوم ورايح / تركي البراهيم
حرام عليكم ياحريم تحرمونا هاليومين اللي بنعيشهم زياده.
وتوجعون روسنا (ليه انا ناقصه يوم تتزوج عليه. انا قصرة بشي. معها شي ماهوب معي) الآن السبب معروف نبي نعيش يومين زياده بس / علي الحربي
الله لايطوول في اعمارهم لانهم يعددون ولا يعدلون مافيه رجال عادل
فالكووون وهذا عذر علشان يتزوجوون / ريميه؟؟
بدون بحوث شئ معروف / عمر الاصلي
شباب خلاص كل واحد يتزوج ثانية (معنا اثبات علمي) لازم نهتم بأنفسنا ونطول اعمارنا ه / يوسف إبراهيم
عساه يموت هالحين ولا يتزوج / Reem
بصراحة أنا ما كنت أفكر اتزوج على أم عيالي حبيبتي بس بعد هالدراسة ما أقول إلا ياروح ما بعدك روح ونظرا للمبررات الواردة في الخبر سيتم استئذانها بإذن الله ولعلمي بحبها لي فلا شك عندي أنها ستوافق... آمل من قراء الرياض جريدتنا المميزة الدعاء لنا بكل خير وعقبال عند الجميع يارب / رااايق
الله يسامحك يا خلوود خلاص بلا نذالة خلووهم ياخذون 2 و3 و4 عشان ما يبقى عوانس
ترى البنات متكدسات في البيوت يا حريم حرام عليكم.. / تهاني التميمي
صورة مع التحية لكل زوجة ومنهم زوجتي الحبيبة النكدية كثيرا / العمري
تصدقون أسمع في المنتدى إطلاق نار
الله يعين الرجال الليلة بيجربون نومة الكنب تراها تكسر الظهر
اما الربايع إحترقن صدق / سامي العتيبي
ارنب سعيد و لا اسد تعيس .
على فكرة، الأرنب و الاسد يعددون
و يا زين الأسد و هو منسدح و حوله اللبوات من كل الجهات !! / متفائل
شوفو هالاخو كيف خاش جو مع جوزتين
شوفو هالشاعر كيف خاش جو مع جوزتين
تزوجت اثنتين لُحسن حظي.. ويا فوز الذي ملك اثنتين
فصرت كآمرٍ يُضحي ويمسي.. يقال له على رأسي وعيني
لهذي ليلة ولتلك أخرى.. حبورٌ وافرٌ في الليلتين
رضا الأولي يثير شغاف قلبي.. وذي الأخري رضاها كاللجين
كأني في الجنان ولي قصورٌ.. كأني نلت إحدي الحسنيين
أنا جربت جرب يا صديقي.. ستحيا بين أحلي زوجتين / صالح ابراهيم
والله انها دراسه ناجحه
انا عندي واحد من ربعي عريف في الجيش عنده اربع حريم وتجاوز عمره 120 سنه
ولازال شباب تصدقون انه مشارك في بكين 2008 في القفز بالزانه بس حرام تطلع من السباق ؟ / وحده عندي عن عشر
صدقوني العكس صحيح وانا مجرب ( او بالأحرى كنت مجرب ) لاني عشت حياة الم وعذاب واهانات و مسخرة تشيب بالراس بس ولله الحمد ختمتها ب 3 طلقات (كلاشنكوفيه ) ريحتني للأبد / Hassan Hussein