اول نظره
___
أول نظرة
الشب اول ما يشوف البنت بطلع على كسماتها
البنت اول ما تطلع عشب بتطلع على كندرته
الام اول ما تطلع على ابنها ابتطلع على قميصه مجعلك ولا مكوي
الاب اول ما يطلع على ابنه بطلع على حلقته واذا حاط سنسال او ريحته دخان
المدير اول ما يطلع على الموظف بشوف إذا حالق لحيته
في الروضه اول ما تشوف المعلمه ولد من الأولاد بحك راسه بتاخده ع الشمس وبتفليه من القمل
الام لما تروح تخطب لابنها اول مكان بتفوته في دار العروس هو الحمام عشان تعرف اذا نضايفيه ولا خماخيم
اول شي بفكرفيه الموظف لما يستلم راتبه هو كم يوم ضايل لراتب الشهر الجاي
الطفل لما يجي العيد اول شي بفكر فيه هو العيديه
البنت لما تفتح علبه كولا اول شي بتفكر فيه انه ما ينكسر اضفرها
الشب لما يعزم بنت اول شي بفكر فيه كم راح تطلع الفاتوره
الابن اول ما يفكر ياخد مصاري من ابوه بحكيله انته راضي عني يابا ؟؟ الله يخليك النا يا احلى اب يا سفن اب
الزوجه لما بدها تطلب طلب من زوجها اول شي ابتعمله بتتزوء وبتتمكيج
اول شي بفكر فيه الشب لما يقرب رمضان هو انه كيف بده يقعد من غير دخان
اول شي بفكر فيه الطفل لما يقرب رمضان هو القطايف والفتيش
اول شي تفكر فيه البنت لما يقرب رمضان هو كم يوم عليها صوم قضاء من رمضان اللي فات
اول شي بفكر فيه الاب لما يقرب رمضان كم عزومه عليه في رمضان
اول شي بتفكر فيه الام لما يقرب رمضان شو بدها تطبخ بثلاثين يوم
لكن ما حد فينا خطر عباله اول شي في رمضان كيف ممكن الواحد يقرب من ربنا او كم مره لازم يختم القران في الثلاثين يوم او أنه يفكر شو عمل بلاوي سودا في حياته وهاي فرصته عشان يكفر عن ذنوبه على كل حال كل عام وانتوا بخير
فيما يلي بعض مصطلحات الشباب ومعانيها :
انا حاط ابليس بكيس وقاعد محله : تعني احذر انا شب ديونجي
اطلع من راسي وسكر الباب : روح من وجهي
عراسي كزدره : انا بحبك
دندره : الدنيا قالبه
ليخه : مافي مسؤول
مهبره : تقال للحفله الفايعه
شارب عصير منغش : تقال للشب المستخف دمه
ماكل مناغيش على الصبح : تقال للشب الي مفكر حاله نغش
بتلعب بعداد عمرك : تقال للشاب النافش ريشه
عمرك شفت راسك عصدر منسف : تقال للشب البتفلسف
خاروف : تقال للشاب الذي يدفع الحساب عن الشباب والبنات
شب بتهواله بقشره بزر : تقال للشب الي بعصب بسرعه
شحدنا الملح : تقال عند حاله الطفر
شب منشف ريق البنات : من كتر ما بنتف عليه
وضعي متضعضع : تقال للحاله الغير مستقره
جلس واعطي لمعه : تقال للشاب الي قال نكته بايخه
اختصر وقسم على عشره : تقال لشاب عامل حاله غشيم
روق يابرقوق : تقال للبنت المعصبه
شخبط شخابيط : تقال للشاب الذي يقضي حاجته على الحيط
وشرفي بريح امك من غسيل اواعيك : تقال في فترة الاستعداد لطوشه
بسوي منك عشره صغار وبصيرو يدورو على بعض : تقال عند انتهاء الهوشه والناس بتفزع
احه : تقال قبل الطوشه وقبل تسديد الضربه الاولى بثواني
ابتعرف عطعط : صلي عنبي وافعط
بسلم عليك سعد الصغير : بحبك يا حمار
رخويات : الاناث
بنت طقع : بنت وجها وجسمها متناسق
بنت ابتشلق : بنت جميله جدا
حافية القدمين : بنت بتسمع لكاظم الساهر
بنت عوايه : بنت قبيحه
بنت بكسه : بنت وجهها وجسمها غير متناسق
بنت شوال : جسمها مش راكب على بعضه
بنت شقفه : بنت زي انجلينا جولي
بنت جمل : بنت ذات قامه طويله وجهامه
بنت كوكاكولا : بنت كسمها زي زجاجه الكوكاكولا
بنت عدادها زيرو : عمرها ماحكت مع شباب
بنت معها سبير : ابتحكي مع شبين بنفس الوقت
بنت مشفره وكرتها مع فلان : بنت مصاحبه فلان
بنت مشفره وكرتها ضايع : بنت مصاحبه وغير معروف صديقها
بنت لوح زجاج : بنت نحيفه جدا
بنت توتي فروتي : بنت دلوعه
بنت عدادها قالب : ابتحكي مع مليون شب
بنت الها على اللون : بنت داهيه
_____________________________________________________________________________
شب بزبط بنت عن طريق التلفون :
الشب : مرحبا هاد تلفون أبو عوض ( عاد بكون ماخد رقم البنت من صاحبه )
البنت : لا النمره غلط
الشب : عفكره صوتك حلو والحمد لله إنه ربنا خلاني أغلط بالرقم عشان اسمع هاد الصوت الحلو
البنت: ليش بتخفف دمك ومين أعطاك رقمي
الشب : والله إني غلطان بالرقم وتخربطت بآخر رقم ( عاد صاحبه الي أعطاه رقم البنت بكون قاعد جنبه)
البنت: طيب خلص شو بدك
الشب : مالك معصبه ياستي آسف إني غلطان بحقك وما حرن عليكي مره تانيه بس عكل حال أنا كتير متضايق ومش لاقي عروس عاد مش ناقصني إشي وكل البنات ما بصمدو معي وأول ما أسكر الخط بدي أنتحر ومش لاقي حد يسمعني وكنت بتمنى إنك تسمعيني بس ياخساره يلا باي
البنت : استنى استنى انته شو اسمك
الشب : اسمي رامي ومهندس بشركة نفط بالخليج وجاي هون شهر إجازه ( عاد بكون اسمه عواد وعنده كشك سجاير في البلد )
البنت : شو برجك؟؟؟( هاد أكتر سؤال بسئلوه البنات)
الشب برجي الجوزاء .
البنت : كيف شكلك ؟؟
الشب : طويل وعيوني خضر وبلعب حديد بس صارلي تارك فتره عشان هيك نصحان شوي بس راجع ألعب( عاد بكون شبه شعبان عبد الرحيم)
البنت : مش مهم الشكل انا ما بهمني بالشب شكله المهم عقله يكون كبير
الشب : لا ما تخافي من هاي الناحيه كل أصحابي بحكو معي عشان احللهم مشاكلهم ولله الحمد أنا زلمه راكز وقد حالي وكل الحاره ابتحسبلي مليون حساب ( عاد بكون هو مشييب أصحابه وسبب مشاكلهم )
البنت : لا مبين عليك قد حالك وطيوب بس ليش ولا بنت بتصمد معك
الشب : كل بنت بحكي معها ابتتجوز أو ابتخطب وكل ما أحب بنت بتخوني وبتغدر فيه عشان أنا قلبي طيب ومخلص ( بكون هو حالق لكل البنات وعمرو ما أخلص لحد)
البنت : ياحرااااااام
الشب : ما قلتيلي انتي مرتبطه أو مصاحبه
البنت : لا عمري ما حبيت ولا حكيت مع شباب
الشب : اهاااااا ( وببعد السماعه عن دانه وبصير يضحك عشان بكون قاعد معه أصحاب البنت الأربعه الي صاحبتهم من قبل )
الشب : طيب أنا لازم اروح هلأ عشان سيارتي البي إم صافه بنص الشارع وبرجع أحكي معك ( عاد بكون رصيده خلص وراح يفصل الخط ومعوش حق سكوتر)
وهيك ابتستمر هاي المكالمات لبين ما يخلص الشب من البنت بحكيلها إنها خلصت إجازته ولازم يرجع يسافر وبعدين إبيعطي رقمها لصاحبه الثاني وهكذا تستمر المهزله ..
اخوكم عبد العوضي
لزيم الدخان
___________منتهى اللذة لما أقربها من تمي ولما أحسها بين شفايفي وأحس بدفا نفسها .. عنجد السيجارة رائعة . وفعلا انه الدخان نعمه ...
الدخان مين قال انه حرام أو مكروه مستحيل بالعكس .. أنا بقول انه مفيد وسيجارة مع فنجان قهوة الصبحيات عالريق بتسوى الدنيا .. عشان هيك بدي أشجع على الدخان وكلامي كله موجه للشب اللي مابدخن ويدي أخليه يقتنع بدخان .. ولازم إنتا يلي ما بدك اتوسخ جسمك بدخان لازم أخليك تصير ادخن عشان هيك بدي اتصير اتدخن بكيت في اليوم ولمدة خمسين سنة .. ! نفرض انه عمرك الآن 20 سنة وبدك اتدخن لسن السبعين عشان الدخان بطول العمر ..
وبما انه طول السيجارة الوحدة 8.5 سم والبكيت فيه عشرين سيجارة يعني راح اتدخن في اليوم 1.70 متر السنة فيها 365 يوم يعني حتدخن في السنة 620.5 متر واتفقنا انك بدك اتدخن خمسين سنة يعني راح اتدخن 31025 متر من الدخان بس .. تخيل كل هالامتار بدخلو جسمك جد وين بدخلو ... ؟؟
وزي ما قلتلك لازم اتصير اتدخن فمش لازم نهتم انو حتصير ريحه تمك طالعه وانك راح اتبطل تستطعم بالأكل وانو ريحه جسمك وايديك بتقزز لأنها أشياء مش مهمة انك تفكر فيها .. اتفقنا انك اتدخن بكيت باليوم يعني 7300 سيجارة بالسنة و365000 سيجارة بالخمسين سنه ولو فرضنا انه كل سيجارة فيها جرثومة وحده قاتله معناتو بطلع لكل كمشه خلايا بجسمك جرثومة وحده قاتله ..
لكن هل فعلا الدخان راح يساعدك انك اتعيش سبعين سنة ؟ اتخيل انو لو كل سيجارة من 365000 كان في بفرمه ورق الدخان صرصور أو سحلية أو ذنب فار (عرسه) فتخيل كم حوشت جوا جسمك من سحالي وصراصير وبزاقات وخنافس ، ياعمي يا نيالك صار جوا جسمك حديقة حيوان ... تخيل وانته بتسحب سحبة من السيجارة انك سحبت رجل عرسه أو رأس جندب أو معدة بزاقة ... ياعمي يا فرحة قلبك فعلا لحمه وفيتامينات .. جد انو الدخان نعمه .
عشان تقتنع أكثر بالدخان انزل على غرفة البويلر الى عندك في التسوية واطلع على البويلر ( التدفئة ) شايف الاحتراق إلي جوا البويلر ؟ شام ريحه الديزل المحترق المنعش ؟ هيك حتكون رئتك من الدخان ... والشحبار الي حوليك في غرفة البويلر حيكون مثلو في كل جسمك .. وتخيل خلايا الدم حامله بدل السلطة والمقلوبة والمناسف ولبن الشنينة حتكون حامله الدخان والشحبار والأوساخ والأمراض والسرطان ..
وفي الختام بدي اذكر قصة صارت مع صاحبي .. كان صاحبي محمد قاعد عند حلاق بستنى دورو .. وكان في زلمه ختيار بحلق عند الحلاق وعم بدخن فسئل محمد الختيار : ياعمي كم سنه صارلك بتدخن حكالو 45 سنه كل يوم 3 باكيتات .. فراح محمد حسب حسبه طلع الختيار صارف على الدخان 49275 دينار فقال محمد للختيار شايف يا عمي لو جمعت هاد المبلغ كان هسه ابتقدر تشتري سيارة البي ام الي واقفة هناك .. قام الختيار سحب سحبه من السيجارة بعمق وحكى لمحمد شايف هاي السيارة هاي سيارتي يا طبرة ... وكل سيجارة وانتو بخير .
اخوكم عبد العوضي
________
شباب عمّان الذكور
في التصنيف العلمي لشباب عمان الذكور انتمي انا محمود الحلبي الى فصيلة تدعى الخناشير جمع ( خنشور ) !!!! والخنشور هو: كائن حي يتغذى على سندويشات الفلافل والحمص وكرابيج حلب و(القهوه الغلي) ويتكاثر تواجده في الاسواق العامه وباصات المؤسسه وسوق الجمعه والأرصفه مقابل محلات القهوه !!! ويمتاز بالصوت العالي وبالخشونه الزائده ويغازل فصيله اخرى هي فصيلة (الرخويات) !!!! والخنشور كائن مهدد بالأنقراض .
انتشرت مكان فصيلتنا فصيله اخرى هي فصيله (الطنطات ) والطنط هو: كائن حي يتغذى على الدونات والحليب القليل الدسم والكورن فليكس ومشروبات الطاقه اللي بتعطي (جوانح) ويتكاثر تواجده في البارات والكوفي شوبات والمولات !!! والطنط كائن ناعم الملمس رقيق الحس منخفض الصوت يحب نانسي عجرم ودانه انا دن دن فتح عينك تاكل ملبن .
قبل فتره كنت مدوام في شغلي ليلي وروحت عالساعه 10 الصبح وانا مروح مريت اشتريت (مناقيش زعتر) حبتين فطور الي وركبت باص المؤسسه وقعدت اخر كرسي على (اللوج) عند الشباك !!!! اجى قعد جنبي ثلاث شباب من فصيلة (الطنطات) والله يا اخوان لولا السكسوكه والاسماء كان فكرتهم بنات !!!! نفس طريقة كلام وغنج البنات!!! حتى اصواتهم ناعمه لدرجه انك بتحس انهم عندهم تضاريس زيهم زي البنات بالضبط!!!!!
لما مشي الباص شوي فتحت كيس المناقيش وطلت منقوشه وبلشت اكل (الطنط ) الي جنبي بعد عني شوي وحط ايده على منخيره وصار يطلع علي بقرف انا اطلعت عليه وقلتله : مالك يا شاطر في اشي ؟؟؟ حكالي: لا بس شو عمتاكل؟؟؟؟ قلتله : هاي دونات بس عليها زعتر !!!!!
الفياعه يا شباب مش بتقليد البنات وحركاتهم ولا التحول الى فصيلة (الطنطات) بعرف كثير شباب فايعين وبلبسو على الموضه وعاملين شعراتهم فايعه لكن لما تشوفه بتحس انك شايف زلمه قد حاله .. لكن احكيلي بصراحه لما تشوف ( طنط ) قدامك شو الشعور الي بتحس فيه ؟؟؟؟ هل بتكون شايف قدامك ذكر ؟؟؟ هل تقبل انه هاي الظاهره تكون في اردننا الحبييب ؟؟جاوب بكل صراحه .
انا مش ضد الموضه او انك تغير بشكلك كل فتره بالعكس انا من الشباب الي بمشي مع الموضه لكن ضمن المعقول وبحاول احافظ على رجولتي ( خنشورتي ) على قد ما اقدر
اعتبر افضل قرار عملته الحكومه الحاليه انها رجعت نظام خدمة العلم للشباب وامنيتي اشوف الشباب الثلاثه تبعون الباص وهمه بخدمو خدمة العلم ومحلوقلهم على الصفر وبركضو وبياكلو خبز الجيش بلكي لما يطلعو من الخدمه يكونو تحولو الى فصيلة الرجوله .
.jpg "صورة Enta Algaly الشخصية")
.gif)
