غالي يا أردن غالي
غالي و ترابك غالي
*******************
غالي و مش مكفي مالي
غالي ومش مكفي حالي
مش قادر انا على غلاك
*******************
بيقولو البنزين رح يولع
و جرة الغاز رح تفرقع
والكاز مالك حق ما تدفع
*******************
و البيض فقسّت اسعاره
حتى الجاجة حست بناره
والخاروف صار نافخ حاله
*******************
و بيقول الذهب غالي
طب مال الذهب و مالي؟
ولا قادر أشتري فشك فاضي
*******************
هو انا طايل صحن الرز؟
الله يرحم ايام العز
عاللحمة كنا نمز
و نحلّي وراها بمقالي
*******************
الخمسين ركبت جناحات
والعشرين بتفرطها خمسات
و العشرة بالجيبة ما بتبات
و الليرة ما بتشتري كت كات
يا زلمة قرفت حالي
*******************
جدي بقول بالزمنات
كنا نحلب هالعنزات
و ناكل من لبن البقرات
و نزرع شوية قمحات
و هادين البال نبات
ما يهمنا طول الليالي
*******************
شو تركنا لولادنا عيشة؟؟
اكلتولنا الجاجة و الريشة
ما ضل غير ندخن هيشة
والفيسروي سعره بالعلالي
*******************
يا اردن ما اغلاك
و يا محلا شمسك و سماك
كان غلاك بقلوبنا
و صار هلأ ع جيوبنا
*******************
غالي يا أردن غالي
بس بتضلك محبوبنا
و هواك ع قلبي غالي
بحب ترابك ياردن والله بحبك يالاردن :Jordan:
