والله اني احبك رغم كل الظروف
رغم كل المتاعب والاسى والجراح
مانسيتك دقيقه يابهي الحروف
ياسمو المعالي يا مليك الملاح
انتي زهرة حياتي الغزال الهنوف
وانتي منهج غرامي وانتي فال الصباح
يارقيق المشاعر الخجل منك خوف
يادلال المدلل بين جد ومزاح
القمر من جمالك سار عنده كسوف
ومن جمالك يغني لك هبوب الرياح
انتي عين الحقيقه وانتي سلس الوصوف
وانتي نجم الليالي ما ابد عمره طاح
الامل في يدينك واقعي لو تشوف
واتمنى قربك غايتي وانشراح
والليالي بدونك اشهد انها تعوف
مالها جبر خاطر مثل كسر الجناح
اخوكم يزيد الترباني
عضو في رابطة الامير بندر بن عبدالعزيز للشعر العربي
