هذي قصيدة عن الأم
يايمه حـارت الدمـعه ابكيها وتبكيني
تنسيني ولاتنسى...الـيـن ابـكي انا فـيـهـا
يتوه الدمع بجروحي الين ارخي هدب عيني
يسابق نظرتي يجري ولاادري كيف ابخفيها
حنان الدمع يايـمـه قتلني واتعب سنيني
صـديـق بغربتي يجرح جروحي مايـداويـهـا
حنانك يابعد حالي زرع آمــال ترويني
تـنـور جـرحـي المظلم تعيشني بـمعانـيـهـا
ابسمع صـوتـك الدافى..دعا ينبت رياحيني
ابي كـفـك الى منه لـمـس روحي يـدفـيـهـا
يايمه من ورى طول المسافه هـاك ضميني
حنانك ياصل لقلبي ورى الدنيا وبلاويهـا
إلـه الكون من وصفه وهب لك ازين الزيني
يارحمة صاغها الرحمن وبالاخلاق كاسيهـا
انا فـدوة هـدب عينك فديتك يابعد عيني فـداك
الـكون والدنيا من اولـها لتالـيهـا
عجز حرفي يوصف للبشر شوقي ومافيني
ولـكـن ربنا عـالـم بكل نيه ونـاويـهـا
الى منه سـرح بالي معا صوتك يناديني
سمعت الناس من حولي.عشق مسكين هـاويها
يحسبون الهوى صيدي وانا الآهـات تكويني
قطعها من نوايا يقطع الامطار طـاريـهـا
انا قلبي ينادي امـي درى في قربها سنيني
تعيش وتزهر وتحيا وتنور كل لـيـالـيهـا
ارجوو التثبيث يا جو
