اقفى وانا قلبي معه وين مـاراح
راع العيون اللي هدبهـا ظليلـه
ياسعود احبه حب صادق ونصاح
عليه اجر الصوت ماريد بديلـه
وجدي على اللي نهدها تقل تفاح
والجسم من بين العذارى نحيلـه
شقرا عليها الزين ياسعود وضاح
عنق المها اللي منسرب من مقيله
لاتلومني ياسعود سدي لكم بـاح
بيح ضميري صاحبي في رحيلـه
كريم يابـرق علـى دارهـا لاح
دونه زمت روس المزون الثقيلـه
اخذت لي سجه مع البرق سـراح
واللي يحسب البعد ياعزتـي لـه
عسا الحيا بديار هاف الحشا طاح
من وابل الكنه عطا الجال سيلـه
