تـعــال اسـكــن مـسـاحـات الـخـفـوق .. وودع الـتـرحـال
تـعـال اشـعـل كــلام الـحـب .. واخـمــد ثـــورة سـكـاتـي
تعال وقبل ( كيف الحال ) .. ناظر .. هو بقى بي حال
تـعــال وقـبــل ( سمـعـنـي جـديــدك ) .. أسـمــع آهـاتــي
تـعــال وشـيــل مـــن بــالــي هــجــوس ٍ كـنـهــن جــبــال
تـعـبـت اخـضــع لــهــذا الانــهــزام .. ونــكــس رايــاتــي
تـعـال وشـــوف ( نـهّــام الحـنـايـا ) واسـمــع ( الـيـامـال )
حــزيــن ٍ مــثــل ... دمــعــات الـيـتـامـي .. لانـكـسـاراتـي
لــك الله .. مابـقـى جـــرح ٍ بـروحــي مـانــزف أو ســـال
لـــك الله .. مـابـقـى هـــم ٍ اعـرفــه ... مـامـلـى اوقــاتــي
أجـي لــك ممتـطـي صـهـوة احـروفـي .. شـاعـر ٍ خـيّـال
أبـوصــل لـلـعـيـون الــلــي .. مـسـاهــا .. لـمـلــم شـتـاتــي
على جال التعب .. أرمـي جراحـي .. واحسـب الآمـال
ولالــــي لالــبــس ... هـالـلـيــل ثــوبـــه .. غــيـــر ونــاتـــي
وش أقسـى مـن الذبـول اللـي تشوفـه .. لابـكـى رجّــال
وش آخــر هـالأفــول الـلــي أشـــوف .. بـكــل نجـمـاتـي
دخيلك هاتي لي ( قلب ) ومعه ( صبر ) ومعاهم .. بال
دخيلـك حــس بجـروحـي .. ( أمــا تُبكـيـك أنّـاتـي ) !!!
دخيلـك اطـعـن غيـابـك .. تعـبـت احايـلـك .. واحـتـال
دخـيـلـك .. مـلـنـي هـــذا الـطـريــق ... ومــــل جـيـاتــي
عشقـتـك مـثـل مايـعـشـق شـعــوري .. ضـحـكـة الأطـفــال
عشقـتـك مـثــل مايـعـشـق طـمـوحـي ... لـمــس غـايـاتـي
عشقـتـك مـثـل ماتـعـشـق جـروحــي .. صـرخــة الـمــوال
عشـقـتـك مـثــل ماتـعـشـق عـيـونــي .. حــبــس دمـعـاتــي
عشـقـتـك مـثــل مايـعـشـق غــــرورك .. رغــبــة الإهــمــال
عشـقـتـك مـثــل مايـعـشـق خـفـوقـي .. سـجـنـك بـذاتــي
أنـــا بـصـبـر .. مـــدام لـكــل عـقــده .. فـالـزمــن حــــلال
واذا انـــي مـــت يـاآخــر طـمـوحـي .. عـيــش فـابـيـاتـي
