بسم الله الرحمن الرحيم
هذه الكلمات ردا على القصيدة التي نشرت قبل فترة وهي تسيء بشكل مباشر الى جميع أبناء البادية في جميع انحاء الوطن العربي الكبير رغم اننا ولله الحمد أبناء وطن واحد وامة واحدة واعتقد ان الشاعر اراد بها الفتنة واليوم بعون الله ابناء البادية وابناء الحضر جميعهم في خدمة اوطانهم
يقول الشاعر عبدالله حمد فنطول العون السردية ردا:
الله كريـم ولا تميـل المـوازيـن
ونحمد اَلـه الكـون زادت انعامـه
حنا البدو منـا ملـوك وسلاطيـن
حنا لنا من المجـد أعلـى مقامـه
حنـا بعـون الله دايـم عزيزيـن
فينا الشجاعه والكـرم والزعامـه
حنا جنينا الضان هـن والبعاريـن
خدمة لنا وللضيـف مابـه ملامـه
مشهود لنا فـي جميـع المياديـن
عدونا ان ما مات يشكـي عظامـه
عاداتنا بالطيب كـم لـه عناويـن
حتى العدو تفرض عليـه احترامـه
وعيالنا دايـم عليهـم حريصيـن
أرواحنـا فـدوة لهـم يالنعـامـه
والطيب عند البدو ما فيـه تقنيـن
لضيوفنـا نقـدم اطايـب طعامـه
ودخيلنا لو كان يشكي مـن الديـن
لو هو كثير وجاير الحمـل ضامـه
يبشر بفزعة تفرح القلب والعيـن
حنا اهـل المجـد واهـل الكرامـه
لوصية الاجـداد دايـم حريصيـن
ونفخـر بقـول بركـات بكـلامـه
ورسولنا راعي الغنـم يالمسيكيـن
حنا لنا من المجـد اعلـى سنامـه
وسلطان بن سلمان نسل الكريميـن
وصل الفضا رايد والكـون حامـه
وصحيح منا اللي يملكون الملاييـن
وأكثرهم اهل الطيب وأهل الشهامه
حنا ترى بفعـل المكـارم قديميـن
بكل المواقـف نتصـف بالقرامـه
وحنا على عهود النشامـى وفييـن
حكامنـا عقـال ماهـم غشـامـه
وبعض المعاني من الفاظ الردييـن
قوله حشـا ماهـو علينـا لزامـه
وحنا بحمى الاوطان دايـم مياميـن
ارض العروبة شاهـده والكرامـه
ويشهد علينا بالوفا قبـل هالحيـن
حنا علـى مبـدأ شديـد استقامـه
حنا على الشدات صلفين صعبيـن
ولا نازع الحكـام علـى الزعامـه
اللـي براحـة شعبهـم مستهميـن
وحكامنـا ندعـي لهـم بالسلامـه
اللي حكمو بالعطف واللطف واللين
والحاكم المخلص علينـا احترامـه
ومنا الهواشم واَل هاشم شريفيـن
أشراف من أشراف حتـى القيامـه
ومنا الخليفة اللي على الضد صلفين
وتشهد على افعال الرجال المنامـه
عدوهـم يخـزم خـزام البعاريـن
ياليت مـن مثلـك يجـود خطامـه
واَل ثانـي للـرجـال معروفـيـن
بالدوحة الخضرا رجـال الشهامـه
واَل السعود اللي سواة الشياهيـن
حـرار دايـم بالأعالـي مقـامـه
اللـي ببيـت الله هـم مستهميـن
كبيرهـم بالبـيـت زاد اهتمـامـه
وان قلت زايد من امثالـه قليليـن
زايـد بطيبـه وقـمـة نظـامـه
وان قلت ابن مكتوم يقـال نعميـن
حكامنـا اهـل الفخـر والفخامـه
واَل الصبـاح مكبريـن الدياويـن
حتـى اليتيـم موفريـن طعـامـه
وعاداتنـا مـا مثلهـا بالقوانيـن
واللي يسب النـاس سهـل لجامـه
هذا مردي بوسط الفيـن واثنيـن
على الـذي للبـدو قـل احترامـه
أسرف بقولـه يلقنونـه شياطيـن
والحر ما يوصف بوصف الحمامـه
واحفظ مقامي عـن مقـام الدييـن
ولاني من اللـي ينقلـون النمامـه
يقول ان البدو مـا عندهـم ديـن
وكثير من قولـه للأجـواد سامـه
والحمـد للرحمـن حنـا مسلميـن
والكـل منـا منـزل الخلـد رامـه
فينـا أطبـاء والاطبـاء قديريـن
يشفون من جاهـم شديـدً سقامـه
وفينا رجال العلـم حـازو نياشيـن
وكم من بطل عالصدر علق وسامه
وفينا اذكياء كم الفوا من دواويـن
وكـم مسجـد منـا قديـر امامـه
والبدو من قبـل التطـور ذكييـن
على النجم يسرون ما من علامـه
ما هابو الصحـراء رجـال قوييـن
شرواك لو وصلو مكاحـل عظامـه
عاشو عزاز نفوس ما هم مساجين
والحق ان غيـر يعدلـه حسامـه
ردي على ما عرف لـه عناويـن
مجهول اصلـه والاسـم والاقامـه
ما اسب اصله فيه ناس حشيميـن
ولا ربعـه والـخـوال وعمـامـه
اظن لـو شـاور رجـال فهيميـن
اكيد عاقلهـم علـى الظلـم لامـه
واهل المدن فيهم ارجال صدوقيـن
كثير منهـم مـن يـوزن كلامـه
والحضر هم والبدو دايـم قريبيـن
الاصـل ادم يـا قليـل الشهـامـه
يا موقد الفتنه عسى تفقـد اثنيـن
الاولـه شوفـك تعيـش بعتـامـه
والثانية تفقد مـن العقـل ثلثليـن
عقلك من الرحمـن تفقـد زمامـه
ما خفت ربك يوم نصب الموازيـن
بعد الحياة الجسـم تكسيـه خامـه
الموت لا تنساه محفوظ كـل شيـن
وكم واحد المـوت انهـى احلامـه
وش مكسبك ظلمـت عـدة ملايـن
من اهل الشرف ما نلت ادنى علامه
شكر خاص للشاعر على المجهود الطيب
وامنى ينال اعجابكو بانتظار ردودكو
:Jordan::ddd::3leahm::Jordan:
