قصة "اغنية عبدالله رويشد" "استاذ الخيانه

السلام عليكم ورحمة الله وبركاته



قصة "اغنية عبدالله رويشد" "استاذ الخيانه " ... !!

من أروع القصص فـــي المجتمع الكويتي
قصة
أستاذ الخيانة
* قصــــــــــــة : عبدالله محمد النـــــــــــاصر
* المكـــــــان : دولـــــة الكــــــــــويــــــــــت
* الزمــــــــان : ســــــــــــــنــــــــــــــــة 2000
* الشخصيات : مشاري ، أحمد، روان ، رتاج


مشاري شاب عمره 22 موظف في احد الشركات
يحب شي اسمه مظاهر وطلعات ودوانيات وبنات ... يوم من الايام قال حق رفيجه أحمد الليلة الساعة 9 بنطلع ستار بكس نشرب قهوة انا معاك لان اليوم جمعة والناس كلهم طالعين أحمد قاله اوكي صار

..........
مشاري وأحمد راحوا ستار بكس اقعدوا عالطاولة يشربون قهوة وطايحيله سوالف وحش باللي رايح واللي راد
..........
روان ورتاج بنتين شحلاتهم يعرفون بعض من ايام الطفولة وروان الحين ثاني سنة لها في كلية الاداب ورتاج معاها بنفس الكلية ثاني سنة بعد قرروا انهم يروحون ستار بكس ولما ادخلوا ستار بكس اقعدوا عالطاوله وقاعدين يسولفون
مشاري من اول ماشافهم داخلين ستار بكس لما اقعدوا واهوا متنح على روان أحمد لاحظ على مشاري انه سرحان قاله شفيك ؟ مشاري قال ها شنو شتقول ؟ أحمد قاله شفيك شفيك متنح ؟ مشاري قال شوف هالبنت اللي قاعده هناك شوف شحلاتها أحمد قال اوكي البنت شحلاتها الله يخليها حق اهلها انت شكو فيها ؟ مشاري قال شنو شكو فيها ؟ انا ابيها ابيها شوف شوف شحلاتها تعور القلب أحمد قال تبيها وتعور القلب ؟ شي غريب العاده انت تتعرف على بنت وتذلها ذل لكن هذي شكلك ذبت ذبت فيها مشاري قال تبي الصراحة إي والله أحس إنس منجذب لها وايد أحمد قاله دام عاجبتك ومنجذب لها على قولتك يالله روح كلمها وقولها عن مشاعرك يا بو المشاعر مشاري قال هذي مبين عليها غير عن البنات وخوفي لو رحت اكلمها تحقرني فلازم افكر بطريقة ثانية أحمد قال لا تفكر ولا شي اشرب قهوتك وخلنا نمشي مشاري قال لالا ما امشي واخليها انا لازم اعرف بيتهم أحمد قاله من صجك انت ؟ شتبي ببيتهم ؟ مشاري قاله بعدين تعرف

رتاج قاعده تسولف مع روان ولاحظت ان مشاري متنح بروان ويخزها خز فقالت حق روان شوفي الصبي اللي قاعد بالطاوله اللي هناك طايحله خز فيج روان قالت ادري ملاحظته بس مالنا شغل فيه رتاج قالت مالت عليج شوفي شحلاته روان قالتلها قومي خلينا نطلع احسن رتاج وروان اطلعوا من ستار بكس واركبوا السيارة مشاري قال حق أحمد يالله قوم قوم خلنا نلحقهم واركبوا السيارة وقاعدين يلحقونهم بس من غير لا تحس روان ولا رتاج بالطريج رتاج قالت حق روان بذمتج شرايج بالولد اللي يخزج ؟ روان قالت مممممم حلو وايد رتاج قالت دامه حلو وايد ليش ما ابتسمتيله ؟ روان قالت لالا ماحب هالسوالف رتاج قالتلها واللي يرحم والديج سوقي بس سوقي روان اضحكت وقالتها خلاص ولا يهمج المره اليايه اي واحد يخزني على طول ابتسملها رتاج قالتلها تطنزين مع الويه روان اضحكت وقالت يا حلوج يا رتوووجه يا أحلى رفيجة بهالدنيا

طبعا مشاري وأحمد بالسيارة منهمكين بالمراقبة روان وصلت رتاج وبعدين راحت بيتهم مشاري قال حق أحمد شوف شوف هذا بيتها صدناه أحمد قاله الحين انت عرفت بيتها شبتسوي الحين تراك دوختني مشاري قاله بكتبلها بورقة وبحطها عند باب سيارتها عشان محد يلاحظ أحمد قاله من صجك انت ؟ مشاري قال اي من صجي ماكو الا هالطريقه واللي يصير يصير أحمد قاله اوكي شنو بتكتب ؟ مشاري قال بكتبلها جم كلمة وبحط ايميلي عشان تتقبلني اكثر لان في بعض البنات يستحون من التلفون فالايميل كبداية اضمن أحمد قاله اي خوش فكره مشاري خذاله ورقة وكتب فيها (( السلام عليكم ... شلونج يا احلى بنوتة شفتها بحياتي بصراحة آنا معجب فيج وايد وايد وايد فوق ما تتصورين وحبيت اكون معاج علاقة ان شاء الله تتسم بالحلال وصدقيني نيتي صافية وشريفة ولو ما ابيج وشاريج جان ما شفتيني مراقبج وكاتبلج هالرسالة واتمنى تفهميني وما تتجاهليني وادري ان ودج تعرفين منو انا ؟ انا اللي بستار بكس اللي قاعد بالطاوله اللي جدامكم اللي لابس تيشيرت اسود الي قاعد يخزج طول الوقت اتمنا عرفتيني وهذا ايميلي <_____> واتمنا تضيفيني عشان اقولج مشاعري تجاهج وسامحيني على جرإتي
(( اسمي مشاري ))

وبعدين نزل من السيارة وراح لزق الورقة على باب سيارتها وركب سيارته ووصل أحمد ورد بيتهم
..........

الصبح طلعت روان من بيتهم تبي تروح الجامعة ولاحظت ورقة على باب سيارتها افتحتها وشافت المكتوب فيها واستغربت وبنفس الوقت استانست لما عرفت ان الولد اللي يخزها اهو صاحب الرسالة خشت الورقة عندها وراحت الكلية واهي وايد مستانسة رفيجتها رتاج شافتها مستانسة وايد قالتلها أشفيج مستانسة اليوم ؟ روان قالت لو اقولج ما تصدقين رتاج قالت قولي قولي ونسيني معاج عالصبح روان قالت شفتي الولد اللي يخزني امس بليل بستار بكس رتاج قالت اي اي شفيه ؟ روان قالت هالولد اسمه مشاري وكاتبلي رساله ولازقها على باب سيارتي رتاج قالت حلفي ؟ روان قالت اي والله رتاج قالت يه يه يه من قدج من قدج شفتي لما اقولج الولد متنح فيج ويبيج بس ما تصدقيني روان قالت الولد مبين عليه خوش واحد لان ما كتب رقم تلفونه كتب ايميله واليوم بضيفه وبشوف شقصته رتاج قالت اي اي شوفي شسالفته وقوليلي شصير معاج اول بأول روان قالت اوكي تامرين امر

..........

ردت روان البيت غيرت ملابسها وتغدت وارتاحت شوي وبعدين ادخلت ايميلها وضافت مشاري مشاري حزتها كان شابك ولما عرف ان اللي ضايفته البنت اللي كان يلحقها استانس وايد وقاعد يسولف معاها وبين لها انه معجب فيها وايد وبحياته ماشاف مثل جمالها وحيائها وعرف ان اسمها روان وانها تدرس بكلية الاداب ثاني سنة واهي عرفت انه اسمه مشاري وانه موظف في احد الشركات ودار بينهم الحديث الشيق مشاري قالها انه انسان جاد وما يلعب ويتمنى ان تتكون علاقة بينهم تتسم بالزواج مستقبلا روان استانست من هالكلام وقالت انشالله ما اشوف منك الا كل خير ومبين عليك خوش ولد

..........

روان كانت تقول حق رفيجتها رتاج اللي يصير بينها وبين مشاري اول بأول ومشاري كان يقول حق أحمد اللي يصير بينه وبين روان أول بأول واستمرت علاقتهم بالنت لمدة 4 أشهر متواصلة

..........

روان دخل قلبها مشاري وحبته لأن كان انسان طيب وخلوق وكلامه وايد حلو ويشوق وكان يعاملها احسن معامله وكل واحد صارح بحبه للثاني والحب دخل قلوبهم ومع الايام طلب مشاري من روان انه يكلمها بالتلفون روان بالبداية ارفضت لانها تستحي وايد وقالت خلنا بالنت احسن مشاري اقنعها وضغط عليها بكلامه الحلو وقالها انا يا روان احبج وايد واموت فيج وانا مابيج حق اليوم وباجر وعقبه وبس لالا انا ابيج العمر كله ابيج تكونين لي انا وبس وشي حلو انج تستحين لاكن روان معقوله تستحين من حبيبج وترفضينله هالطلب ؟ روان استسلمت للامر الواقع ورضت انها تكلم مشاري بالتلفون ولا تشوفه زعلان روان عطت مشاري رقم تلفونها وعلاقتهم صارت اقوى بالتلفون مشاري باستمرار يتطمن على حبيبته روان ويسأل عنها ويعرف اخر اخبارها وروان وايد مستانسه من مشاري وحبته لي درجة الجنون

..........

مع الأيام قرب موعد عيد ميلاد مشاري ، مشاري قال حق روان ترى بعد 3 ايام عيد ميلادي روان قالتله صج ؟ الله الله كل عام وانت بخير يا احلى مشاري بهالدنيا مشاري قالها وانتي بخير بس الكلام ما ينفع ابيج تعطيني هدية يالبخيله روان قالتله لا مو بخيله انا انت تامر امر حبيبي
مشاري قال بعد عمري والله وانا قصدي من هديتج انها تكون ذكرى حلوه منج اتذكرج فيها طول الوقت روان قالتله خلاص حياتي ولا تزعل انشالله ليلة عيد ميلادك اشوفك واعطيك الهدية واباركلك بعد

مشاري طار من الفرحه وقالها الله لا يحرمني منج يا احلى روان بهالدنيا اموت فيج احبج وايد وايد وايد يا عمري انتي

..........

اليوم عيد ميلاد مشاري روان مع رفيجتها رتاج راحوا يشترون هدية حق مشاري اتصلت روان بمشاري وقالتله الليله انشالله اشوفك عالبحر قالها انشالله حياتي رتاج استغلت هالفرصه وتكشخت احلى كشخه والبست لبس مغري وتعطرت بارقى العطور لأنها حاطه عينها على مشاري بس خاشه هالشي بقلبها روان خذت رتاج من بيتهم وشافتها كاشخه ولبسها غريب روان قالتلها رتاج ليش مسويه بروحج جذي ؟ اول مره اشوفج كاشخه جذي رتاج قالت اي اي اكيد بكشخ عشان مشاري ما يقول رفيجة حبيبتي اي شي روان قالت اي اي وانتي الصاجه
روان مسكينه على نياتها
روان ورتاج بالسياره رايحين البحر
رتاج قالت حق روان وين الهدية بشوفها روان قالت شكو تشوفينها ؟ رتاج قالت لا قصدي ارتبها وجذي روان قال اي تلقينها بالكشن اللي ورا رتاج افتحت الهدية وحطت صورة روان داخل الهدية من غير لا روان تدري وردت الهدية مكانها
روان قالت ها رتوجة شفتي الهدية رتاج قالت اي اي شحلات الهدية تهبل روان اتصلت على مشاري قالتله انا وصلت البحر انت وينك ؟ مشاري قالها كاني بالطريج
مشاري وصل البحر ونزل من سيارته وشاف روان وتنح مشاري على رفيجة روان وقاعد يخزها ويبتسملها وقالها شلونج يا رفيجة حبيبتي قالتله بخير الحمدلله وسلم على روان روان باركت حق مشاري وعطته الهدية مشاري قالها مشكوره وما قصرتي وانا استاذن الحين عشان اخليكم تاخذون راحتكم مشاري ركب سيراته واهو يفكر برتاج وبحلاتها وبلبسها المغري
فتح الهدية وشاف فيها ساعة رجالية ومعاها دبدوب ورسالة مكتوب فيها كلام حلو وشاف صورة روان موجوده ضمن الهدايا استانس مشاري وايد من الهدية وخاصة من الصورة

لما وصل مشاري البيت اتصل على روان وقالها مشكوره على الهدية روان قالتله لا ما سوينا الا الواجب قالها ما تقصرين بعد عمري واحلى ما في الهدية صورتج روان اضحكت قالت اي صورة تطنز ؟ قالها لا ما اتطنز صورتج اللي حاطتها ضمن الهدايا الله شحلاتج تهبلين روان قالت لحظه لحظه اي صورة اللي تتكلم عنها ؟ انا ما حطيت بالهدية صورة مشاري قال امبلا امبلا صورتج موجوده وكاني ماسكها بيدي روان قاعدة تبجي تبجي تقول شلون الصورة وصلتك انا متاكده اني مو حاطه صورتي مينونة انا احط صورتي مشاري قالها حياتي ليش تبجين ؟ خلاص ماصار الا الخير روان قالتله اي خير هذا اللي تتكلم عنه عفيه رد صورتي ردها عفيه مشاري قاعد يهدي بروان وقالها انا مو اي واحد انا حبيبج روان واعتبري صورتج بالحفظ والصون ولا تحاتين من شي ترا انا حريص عليج اكثر من نفسي وحتى لو حاطه صورتج بالغلط بتظل الصورة ذكرى عزيزة علي

وقدر مشاري انه يهدي روان وقالها جم كلمة حلوه روان اتصلت بعدين على رتاج وقالتلها عن موضوع الصورة ورتاج مسوية روحها مندهشة من السالفة رتاج تتمنى تاخذ مشاري من روان رتاج للأسف قاعدة تلعب بالنار مع رفيجة عمرها روان

..........

مع مرور الأيام مشاري كان قاعد بالدوانية مع أحمد وربعه وقاعدين يلعبون ويطالعون التلفزيون وضحك وغشمره مع بعضهم افتحوا موضوع البنات وكل واحد قاعد يتشيحط برفيجته

مشاري قالهم لحد يتعب نفسه رفيجتي ماكو احلى منها قالوله يمعود جذب على غيرنا مشاري قالهم لا ما اجذب وفتتح بوكه وطلع صورة روان وقاعد يوريها ربعه ربعه قالوا اي والله شحلاتها هذي من وين طايح عليها ؟ قالهم مو شغلكم يبا هالبنت انا مذوبها فيني اوامري مجابه عندها لاعب فيها لعب قالوله هذي الحلوه انت لاعب فيها لالا جذاب جذاب قالهم اوكي انا الحين بتصل فيها وبسمعكم عشان تتأكدون بس لحد يتكلم خلكم ساكتين قالوله اوكي

مشاري اتصل على روان وفتح السبيكر وقاعد يكلمها بصوت حزين قالها شلونج حبيبتي شخبارج قالتله تمام والله بخير وانت شلونك ؟ قالها انا تعبان وايد قالتله بعد عمري شفيك ؟ قالها انا الحين قاعد بروحي بغرفتي وافكر فيج يمكن اموت وتحبين غيري قالتله لا عمري لا تقول جذي انا احبك انت وبس ماحب غيرك اموت فيك مشاري روان قاعده تبجي ومشاري الخبيث هداها وقالها لا خلاص بس كنت بعرف غلاتي عندج لا تبجين ترى والله ازعل روان قالتله خلاص حبيبي ما ابجي ما ابجي واحبك وايد مشاري قالها انا بعد احبج وايد الحين اخليج واتصل فيج بعدين اوكي قالتله اوكي حبيبي اشوفك على خير مع السلامه

مشاري وربعه ماتوا من الضحك وقالهم ها شرايكم فيني قالوله بل بل بل عليك شمسوي بالبنت انت ؟ قالهم افا عليكم للحين ما شفتوا شي والذيب ما يهر والعبث سولفت معاها بالنت وكلمتها بعدين بالتلفون وخذيت صورتها وشفتها وسلمت عليها وللحين ما شفتوا شي انا مشاري

أحمد رفيج مشاري تضايق وايد من الكلام اللي قاله مشاري وفعايله اللي قاعد يسويها بروان المسكينه وأحمد يعرف سوالف مشاري مع البنات لاكن روان اكسرت خاطره وايد لانها مبين عليها بنت على نياتها وقلبها نظيف وتحب مشاري ومشاري خبيث معاها وأحمد ما يبي يسكت عن هالمسخره اللي قاعده تسير والساكت عن الحق شيطان اخرس

اتصل على روان وقالها كل شي عن مشاري طبعا روان ما صدقته قالها ادري انج ماراح تصدقيني لانج تحبين مشاري لاكنه رفيجي واعرفه زين ماكو بنيه تسلم منه انا حبيت انصحج لانج خوش بنيه وشوفي لما كلمج قبل مده وقالج انه بغرفته تراه جذاب كان قاعد بالدوانيه وربعه كلهم قاعدين يسمعونج ووراهم صورتج بعد ولما صكيتي التلفون قاعدين يضحكون عليج روان قالتله من صجك كل هذا يطلع من مشاري ؟ قالها اذا تبيني احلفلج انا مستعد وحبيت افتح عينج على اشياء تتجاهلينها عشان تكونين على بينه روان قالتله اوكي مشكورأحمد ما قصرت قالها انا ما سوي الا الواجب والحق ما ينسكت عنه روان انا نصحتج وانتي كيفج مع السلامه

روان قامت تبجي وايد وما قدرت تنام واتصلت على مشاري وقالتله ليش سويت فيني جذي ؟ مشاري قالها شسويت فيج حياتي ؟ قالتله لا تقول حياتي انت ما تستاهل اكون حياتك مشاري قالها شفيج روان شصارلج ؟ قالتله انا شصارلي والا انت شصارلك توصل فيك المواصيل تسمع صوتي حق ربعك وتوريهم صورتي مشاري انربط لسانه واستغرب شلون اعرفت قالها لا ما سوي جذي انا قالتله لا تجذب كل شي واضح خلاص ما توقعتك بهالخيانه يعني هذي جزاتي اني حبيتك وخليتك اغلى الناس يا خساره يا خساره انت ما تحس يا مشاري ولا تغار لو سمحت انساني انساني باااااي

مشاري صكت فيه الدنيا وده يعرف منو اللي وصلها الحجي واكثر من مره مشاري يتصل على روان لاكن روان ماترد عليه وقرر انه ما يتصل فيها عشان تراجع نفسها وترتاح روان قالت حق رفيجتها رتاج كل اللي صار وبالتفصيل رتاج قالت هذا ما يستحي على ويها هالخاين هالتعبان هذا ما يستاهلج خليه يولي في الف واحد غيره واحسن منه وطبعا رتاج من داخلها مستانسه وايد لان روان هدت مشاري .. روان قالت حق رتاج ابي منج خدمه ممكن ؟ رتاج قالتلها عيوني لج امري .. روان قالت ابيج تتصلين على مشاري وتقوليله اني احبه وايد واعزه والله يوفقه دنيا واخره .. رتاج قالت انشالله تامرين امر

رتاج شسوت ؟
اتصلت على مشاري وقالتله روان تقولك انها تكرهك وما تشتهيك يا خاين يا غدار وانها ما تحبك وما تشتهيك
مشاري قال من صجج روان قالت جذي ..رتاج قالت اي اي والصراحه روان ما تستاهل واحد مثلك هذي ياهل وما تعرف معدنك والا في بنت تخلي واحد مثلك شاب وسيم وطموح

مشاري طبعا استانس من كلام رتاج وقالها ميخالف اكلمج باستمرار رتاج قالت ليش تكلمني ؟ قالها لا ولا شي بس يعني عشان اخذ اخبار روان منج رتاج قالت اي اي ميخالف

مشاري يوميا يتصل على رتاج ومسوي نفسه يتطمن على روان لاكن بباله شي ثاني بباله رتاج واعجبته وايد لما شافها بالبحر مع روان يوم عيد ميلاده وطبعا رتاج مستانسه وايد انها تسمع صوت مشاري يوميا

ومع الوقت قالتله خلاص لا تتصل مشاري قالها افا ليش ؟ قالتله لا شنو هذا كل يوم تتصل عشان تتطمن على روان ؟ اذا تبيها اتصل عليها قالها ابيج انتي قالتله نعم شتقول ؟ قالها اي اي ابيج انتي انا من يوم ما شفتج بالبحر مع روان وانتي ماخذه عقلي ولما اسمع صوتج احس اني بعالم ثاني رتاج قالتله مشاري من صجك اللي قاعد تقوله والا تتغشمر ؟ قاله والله والله من صجي رتاج انا ابيج وفكري بالموضوع باي

رتاج طبعا استخفت واستانست وايد وايد وما قدرت تنام الليل قاعده تفكر بمشاري وبكلامه الحلو

بعد يومين اتصلت رتاج بمشاري وقالتله انا راضيه انك تكلمني وانا بعد معجبه فيك مثل ما انت معجب فيني مشاري استانس وايد وقالها من صجج اللي تقولينه والا بس جذي تجامليني ؟ قالتله لا والله ما اجاملك واستمرت علاقتهم بالتلفون بالكلام الحلو ورتاج تعلقت بمشاري ورتاج طبعا دوم تقول حق روان انه مشاري يكرهج وما يدانيج وكله يحتقرج عشان تنساه وطبعا روان عصبت ومع الايام اكرهت مشاري ونست ايامه

..........

مع مرور الايام مشاري قال حق رتاج بشوفج رتاج قالتله ليش تشوفني ؟ قالها لا والله بس بعطيج صورة روان وهداياها عشان ابري ذمتي رتاج قالتله ما تقصر قلبك كبير والله قالها مشاري شوفي الليله اشوفج عند العماره اللي فيها شقتي عشان اعطيج الاغراض رتاج قالتله اوكي صار

رتاج استانست وايد انها بتشوف مشاري وراحت تكشخت آخر كشخه وتعطرت وبليل راحت حق العماره وشافت مشاري ناطرها

مشاري اول ما شافها داخ داخ تنح عليها من حلاتها وطريقة لبسها المغريه
قالها رتاج شلونج قالتله بخير دامك بخير قالها تدرين عاد انتي وايد حلوه تهبلين قالتله وي وي مشكور من ذوقك قالها شلون روان ؟ رتاج عصبت قالتله مالك شغل بروان فاهم مشاري ضحك وقال هاااااا تغارين قالتله اي اغار ارتحت الحين قالها لالا كل شي ولا زعلج ما اقدر عليه قالتله رتاج اي دير بالك قالها اوكي اوكي نطري شوي بروح الشقه فوق اعطيج اغراض روان قالتله اوكي انا ناطرتك

مشاري صعد الشقه وضبط شغله كله حطله كامرة فيديو بغرفته وشغل التسجيل وبعد ربع ساعه اتصل على رتاج قالها ها وينج تحت ؟ قالتله اي انت وينك ليش تأخرت قالها تعالي بسرعه صعدي الشقه بسرعه قالتله شنو ؟ لا ما اصعد لا انت تعال انزل تحت قالها تعالي بوريج فضايح رفيجتج روان الهاديه المخلصه تعالي شوفي فضايحها قالتله شتقصد بالفضايح ؟ قالها صور واشرطه ما اقدر انزلهم تعالي شوفيهم

رتاج قفلت وحبت تعرف عن رفيجتها كل شي قالتله اوكي انا صاعده الحين رتاج اصعدت الشقه واول ما ادخلتها سحبها مشاري حيل من ايدها وقفل الشقه رتاج قاعده تصرخ وخر عني وخر عني لحقووووووووووووني وقاعده تبجي مشاري طقها ووداها غرفته وغلط معاها

وبعدين قالها انا صورت كل شي ووراها الفلم ورتاج تبجي تبجي تبجي قالها لا تبجين ما يفيدج البجي قالتله ليش سويت فيني جذي هذي جزاتي اني حبيتك قالها سكتي ولا كلمه ويالله الحين روحي والشريط موجود عندي واذا تبين الفضيحه روحي بلغي المخفر رتاج خافت من الفضيحه واسكتت وقالتله خلاص انا بسكت بس لا تخلي احد الشريط عفيه الله يخليك مشاري قالها شوفي انا ماراح اخلي احد يشوف الشريط بس بشرط قالتله شنو ؟ قالها كل ما ابيج تكونين موجوده عندي رتاج استسلمت للأمر الواقع واكثر من مره تروح حق مشاري ويغلطون مع بعض ويسهرون ورتاج تعودت على هالشي

..........

مع الايام مشاري تملل من رتاج وشبع منها واشتاق حق روان وجمالها واتصل عليها عشان يرد العلاقه روان لما شافت رقمه استغربت وردت عليه وقالتله الحين تذكرتني ؟ قالها انا طول عمري متذكرج بس انتي اللي هنتيني قالتله انا هنتك ؟ قالها اي انتي قلتي حق رتاج رفيجتج انج تكرهيني قالتله رتاج قالتلك جذي ؟ قاله اي والله قالتله انا قايله حق رتاج اني احبك وايد واتمنالك الخير قالها لا والله ما قالتلي جذي والشي اللي ما تعرفينه انه رتاج كل يوم تتصل فيني وتقولي كلام حلو وتحش فيج وتقولي شتبي فيها هذي ما تحبك تكرهك روان قالت اوكي انا اتصرف مع رتاج مشاري قال روان انا ترى احبج واموت فيج وشاريج عفيه لا تخليني بروحي محتاجلج والله ابيج روان قالت مشاري اكلمك بعدين ممكن ؟ مشاري قالها اوكي انا ناطرج

روان اتصلت على رتاج وقالتلها ليش قلتي حق مشاري كلام من عندج ؟ انا مو رفيجتج ليش سويتي فيني جذي ؟ مو حرام عليج ؟ رتاج قالتلها من قالج هالكلام ؟ روان قالت مشاري قالي ونيته يرد علاقتنا من يديد رتاج اعترفت بغلطتها وقالت حق روان لا تردينه لا تردينه هذا انسان خاين وقذر روان قالت شدراج انه خاين وقذر ؟ رتاج قالت مشاري قص علي وغلطت معاه روان قالت شتقولين انتي شالكلام ؟ رتاج قالت اي يا روان غلطت معاه وصورني بفيديو وهددني انه يوزع الفلم وصرت مهانة له كل ما اشتهاني دق علي واذا ما رحتله يوزع الفلم انا ندمانه وايد وما ابيج تطيحين بالغلط مثلي ترى مشاري مو انسان مو انسان بطوانا بعد حرام اكون رفيجتج ابيج تسامحيني روان قالت كل هالشي صاير ؟ شالدنيا ؟ رتاج قالت اي اي كل هذا صار وأدري انج ما تتشرفين اني اكون رفيجتج بس انتي وايد طيبه وحبوبه ومابيج تطيحين بيد الخاين مثل ما صار فيني روان قالت اوكي خلاص رتاج اكلمج بعدين مع السلامه

روان اتصلت على طول على مشاري وقالتله يالخاين يالنذل يالقذر كل هذا يطلع منك ؟ انا انخدعت فيك ما توقعتك وصخ لي هالدرجه انت شنو شنو ؟ ما عندك مشاعر ما عندك احاسيس الناس عندك حيوانات ؟ ما اقول الا حسبي الله ونعمه الوكيل عليك مشاري قالها احترمي نفسج وعن الغلط روان قالتله انا محترمه نفسي قصبن عليك وان شفتك متصل علي والله لا اسويلك فضيحه واعلم اهلي ولا تلوم الا نفسك مشاري ضحك وقالها روحي يا بابا علمي اهلج ترى صوتج عندي ههههههههههههههههههههههه روان عصبتج وقالت نذل وسفيه وخاين خاين خاين وصكت التلفون بويها

..........

بعد شهر روان اتصلت على رتاج وصالحتها وقالتلها الانسان مو معصوم عن الغلط كلنا أنغلط لاكن لازم نستفيد من غلطاتنا وماكو صداقة بالدنيا خاليه من المشاكل وانا مسامحتج يا رتوجه وانتي حبيبتي ورفيجتي وعمري وروحي كلها وانسي اللي صار وصورتي والفلم اللي ماسكهم علينا الله راح يعاقبه فيهم رتاج ما صدقت انه روان تسامحها وارتاحت وايد لاكنها بجت بجت روان قالتلها شفيج رتاج تبجين ؟ قالتلها انا غلطت معاه خلاص حياتي ضاعت روان قال لا رتوجه انتيللحينج حلوه وبعز شبابج وذكري الله رتاج قالت ونعمه بالله

..........

روان ورتاج ردت علاقتهم مثل قبل واحسن وراحوا المستشفى رتاج سوت فحوصات والدكتور قال انها سليمه ومافيها شي رتاج ارتاحت وايد واشكرت الله وتعلقت برفيجتها روان اكثر من قبل واستفادت من غلطتها

.........

بعد سنتين مشاري قرر يتزوج وترك الخرابيط ولما فكر ببنت الحلال ما لقى احسن من روان اللي ما صانها كلم امه عن روان عشان تخطبها له امه وافقت وقالتله عطني عنوان بيتهم مشاري قبل كل شي حب يسمع موافقت روان بنفسها اتصل عليها روان شافت رقمه واحقرته دز لها مسجات يقولها ردي علي بقولج موضوع مهم يخصني ويخصج روان استغربت وردت عليه قالتله شتبي ؟ قالها روان بصراحه انا قررت اتزوج والحمدلله تركت الخرابيط اللي كنت اسويها وما لقيت احسن منج تكون شريكة حياتي وكلمت امي عنج وامي وافقت فحبيت اسمع رايج روان ما صدقت قالتله بو طبيع ما ييوز عن طبعه وانا ما احبك خلاص كرهتك انت نقطة سودة بحياتي انت انتهيت انتهيت من حياتي مشاري قالها انا احبج والله احبج وشاريج لوله ما ابيج جان ما تجرات وقلت بخطبج بعد هالسنين
وحاول يضغط على روان ويبين لها لاكن روان كانت قوية واعرفت ترد عليه مشاري حس بالندم وخذا الفلم والصورة والهدايا وحرقهم عشان يرتاح ضميره النايم

روان قاعده تفكر بكلام مشاري وشاللي يخليه يتجرأ ويبي يخطبها ؟ الاسئله تحوم حول روان روان ماصبرت وقالت لازم اخليه يعرف ان بنات الناس مو لعبه بيده فاتصلت على رفيجه أحمد وقالتله بعطيك رساله توصلها لمشاري ممكن ؟ أحمد قالها ليش انتي رديتي حق مشاري ؟ روان قالتله لا فال الله ولا فالك أحمد قالها ليش ترى مشاري تغير وصار احسن من قبل والحين يفكر بالزواج قالتله مهما تغير راح تكون غريزة الخيانة بدمه وانا حبيت اعطيك رساله توصلها له وماكو غيرك يقدر يساعدني قالها أحمد انشالله ما يصير خاطرج الا طيب

روان واعدت أحمد وعطته الرساله واشكرته على مساعدته أحمد وصل الرساله لمشاري

مشاري لما عرف ان الرساله من طرف روان استانس وايد وكان متوقع ان هالرساله فيها كلام يبرد القلب دخل غرفته وقفل الباب وفتح الرساله وكان مكتوب فيها

====
إنت آخر من على الحب يتلكـــــم

إنت أستاذ الخيانة والجــــــــراح

ما تحس ما تغـــار ما تتألم ... آه

راح عمرك بالغدر والكذب راح

----------

الوفى والحب عندك شكل ثانــــــــــــي

تشتري في قلوب الناس وتبيـــــــــــع

مو أناني ... إنت أكثر من أنانـــــــــــي

إنت صحرى من مشى فيها يضيـــــــــــــع

حبك إلى وادي الجروح خذانــــــــــــــــــي

كنت أظن إحساسك بديــــــــــــــــــــــــع

سمعت جروحك ولحنتها الدمعة أغاني

إنت حبك خريف ما هو ربيــــــــــــــــــــــع

إنت صحرى من مشى فيها يضيـــــــــــــــع

----------

البداية بعشرتك يعني نهاية

قلبك القاسي عن الطيبة بعيــد

إنكشفت وبانت فصول الحكاية

يوم بعدك صار عندي يوم عيــد

----------

تركت العالم هذا كلــه

وماخنت غيري آنـــــــــــه

خساره يسمونك إنسان

وإنت أستاذ الخيانــــــه

----------

أحلى أيام العمر ضاعت معـــــــــــاك

قلبي الغالي جرحته بيديــــــــــــك

بعد ما علمتني أتبع هـــــــــــــــواك

علمتني الدنيا كيف أقسى عليك

آه ... يا خسارة
====
----------
روان
----------

مشاري بعد هالرسالة انهار وندم على كل شي سواه واتصل على أحمد وقاله عن الرساله أحمد قاله الله يالدنيا شفت يا مشاري شلون روان ردتلك الدين اقدرت تجرحك بالكلام وشو حالتك الحين بنات الناس مو لعبة بيدك وياله تحمل النتايج مشاري قال حق أحمد اي والله صح كلامك واتمنا من الله انه يسامحني
----------

مشاري راح العمره ودعى ربه انه يغفرله ويمسح ذنوبه ورجع الديره وبعد فتره تزوج بنت الحلال والله ارزقه ببنووووته سماها (روان)




يتبادر في ذهنى سؤال من هو السبب فى كل المشاكل

مشارى أو أحمد أو روان أو رتاج

أو (الحسد) !!!


منقوووووووووووووول


أعجبتنى القصه ونقلتها لكم