حنا بني خالد عذاب المناحيـس = حنا بني خالد اسود وضـواري
لاجا نهارٍ فيه ضرب ومقابيـس = عاداتنا بالكون قصف العمـاري
عدونا تلقـى عروقـه ميابيـس = تلقى شتات الروس مثل البذاري
سقم المعادي والوجيه المعابيس = وللجار عن حر السموم الذواري
حنا هل المعـروف لاجا مفاليـس = كل ٍعلى ماقيل للطيـب شـاري
نرقى العوالي مانروم الدنافيـس = نشوم عن درب الردى والخزاري
وندرس الامجاد للخلق تدريـس = مجد الخوالد مايجي له مبـاري
هذي عوايدنا ولابـه دهاليـس = حق لنا مشروع فيهـا نمـاري
""""""""""""""""""""""""""""""""حنا هل البندق وحنا هل السيف "" وطبع الكرم من جدنا وارثينـه
ياما نتفنا ناوي الشر تنتــيف "" وياماكوينا قلوب ناس(ن) لعينه
ان كانها بالشر حنا مصاليفـة "" ونفـوسنا ماهي بترضا الغبينـه
ربعي بني خالد سيوف(ن) مراهيف "" وقت اللقاء ياويل منهو لقينه
قد قالها بدر الصبيحي وانا اضيف"" بيـض الحبـارى بالحدب محتمينـه
افعولنا شيفت من عرض ماشيف "" شـرق الجـزيره بالنجم حـاكمينه
مبطي وتالي ربعي أهل المواقيف "" و ياكـم موقـف بالفعل كاسبيـنه
ويا الكرم حنا اصحاب ومواليف "" وعلـومنا كـل العرب خـابرينـه
صغيرنا في مجلسه يكرم الضيف "" والعـود الازرق ياتي قبل السـمينـه
كبار البيوت اهل السموت المشاريف "" اللي لهم بالعز صوله ضمـــينه
"""""""""""""""""""""
ياناشداً عنّي تقول انـت مـن ويـن "" انا مـن ظهـور الرجـال العظيمـهاللي على شبـه الجزيـره سلاطيـن "" يـوم الحرايـب فالسنيـن القديمـه
اعيال خالد وان طروا قـول نعميـن "" اهل الشجاعـه والكـرم والحشيمـه
وانا من صبيح الرجـال الكريميـن "" الي لهم فـي هامـة المجـد قيمـه
حنا الصبيح ومريخ عيـن البراهيـن "" يوم انّ بعض النـاس ذاق الهزيمـه
وقايعـاً تشهـد لهـا ايـام وسنيـن "" ونشـد ودوّر عنـد ناسـاً فهيـمـه
يـوم البيـارق رفرفـت كالجناحيـن "" والجيش والخيـل الاصايـل غنيمـه
خشم البنادق في وجهيـه المعاديـن "" كنـه عذابـاً ماطـر الملـح ديمـه
حنـا الخوالـد فالملاقـا شياطـيـن "" اهل العزاوي والسيـوف الصريمـه
اتهابنـا العرّبـان وتخضّـع ذليليـن "" يوم الحبارى بيـن الايـدي سليمـه
اهل الـدلال الـي تغيـث المياميـن "" واهل الصحون الـي تّـزف الوليمـه
زبّن الدخيل وعون ضَعف المساكيـن "" والخالدي ياويل مـن هـو خصيمـه
افخـر إي بالله والفخـر دوم فالديـن"" والي جمعها اثنيـن ماهـي ذميمـه
افخـر ولا اذم القبـايـل ولا هـيـن "" وكـلاً علـى فعلـه يولّـم عزيمـه
هـذا زمانـاً راح بالزيـن والشيـن "" وجانـا زمانـاً زاد فيـه الظليـمـه
اهل الردى بالمـال تصبـح نزيهيـن "" وراع المكارم صـار مثـل البهيمـه
ياضيق صدري من غثا الوقت ياحسين "" ويالوع كبدي امن الجـروح الاليمـه
الفقـر مـاذل الرجـال العزيـزيـن "" والمال ما عـزّ النفـوس السقيمـه
والبخـل عيّـب بالرجـال البخيليـن "" ولاّ الكـرم عـزّ النفـوس الكريمـه
هذا كلامـاً مـا علـى زلتتـه طيـن "" صافـي وكافـي للعقـول الحكيمـه
وصلوا على المختـار سيـد النبييـن "" اعداد نبـت الارض وهبـت نسيمـه
""""""""""""""""""""""""""""""""""""""""
ماكل مـن قالـوا خوالـد خوالـد "" وماكل مايبرق ترا يصير المـاس
يبي لها رجالن وتشهـد شواهـد "" شواهدن تشهد على طيبة الساس
ماهويجيب رجـال مثـل المسانـد "" تشهد على باطل بخوفن من افلاس
ياللي شريت العز بالمـال جاهـد "" عرق الردى ياحثالة القوم دساس
حنا بنـي خالـد خوالـد خوالـد "" وسيوفنا من ضربها طارت الراس
طبع الوفا فينـا اصـول وعوايـد "" خوالدن ما عزهم حبـر قرطـاس
"قبيلة بني خالد" في الاردن والوطن العربي
