شعر البنت ووالدتها حلو كثير

أناعيني شقية والشقى من سنـــــــيني..
والحزن قد تمكن في خفــــــايا ونيني..
قلت بسلى وبنسى وأبتدي من جديدي..
عيت العين مني وأشتكاني حنيــــني..

أصارع الموج وحدي مركبي قد تحــــــطم..
أتــــألم.. أنا بالحيل ... أنا أتـــــــــــــــــــألم..
أدس ذا الحزن فيني وأحلف على الثغر يبسم..
أخاف سري فضوحي بالله سري تكـــــــــتم..

لقيت قلبي ونينه فتت عظـــــــــــــام صدري ..
أشوف عمري تقضى وأنا في العمر بدري..
صرت تايه وضايع وين بتروح مــــــادري ..
والله لولاك ربي أظن قد باح صبــــــــري..

ليلي أصيح ودموعي من فوق خدي تنثر..
يايمه خطوات رجلي في الدرب أشوف أتعثر..
يايمه ذا الحال فيني والله بالحـــــــيل أثر..
يايمه عينك تشوفين والخافي أكثر وأكثر..

يايمه شاحكي وشاقول ماأظن أحد يصدق..
يايمه ناري تلظى والجوف منها تحــرق..
تشتت الفكر مني والعقل فيني تفـــــرق..
يا يمه خذي بيدي أخاف في البحر أغرق..

الرد على لسان الوالدة :

يا نظر عيني يا إلي ساكن(ن) في حناها..
لا تعوقك خطاويك دام قلبي معــــــــــاها..
وكل البلايا بتجلى ولو تعسر دواهــــــــــا..
لا تحزنك سود الأيام فالبيض أشوفه ورآها..

خل الأمل نصب عينك وصف على الدرب الأحلام..
وارسم لهم لوحة التصميم والعزم قــــــــــدام..
وامسح علامات حزنك والوجه خليه بسام..
لابد ما نوقن إن الرب بالحكم عــــــــــــــلام.

لابد ما الشمس تشرق تبدل الليل بنهــار..
لابد ما الغيم ينزاح ويملا ذا الكون أنـوار..
ما حد له الحال دائم تغيرت فينا الأقــدار ..
دام الألم فيك محفور خليك يا صاح صبّار ..
:Jordan: