غلطة زماني

آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحين جيت تقول انسى عشاني
جابك زمانك خلك اليوم
(ما أبيــــــــك)..

.•:*¨`*:•. .•:*`¨*:•.

عافتك نفسي ولايمكن تعود
وخطوتي ف بحر عينك اغرقت
مالقينا ف هواك أي فود
خسرت نفس لحبك قد شرت
تخطي بحقي وتخلف بالوعود
وش أبي من نفس بالحب اغدرت
أجني النكران منك والجحود
ياحبيبي شوف نفسك كم طغت
مطلبي من حبك حل القيود
عيني وروحي لفرقاك نوت
فيك ماتكفي المواجع والصدود
ماتطفي نار فيني ولعت
ماقول الا عسى ربي يجود
ويشفي جروح بها نفسي شكت

.•:*¨`*:•. .•:*`¨*:•.

اداوي جروح الناس وجروحي مقدر اداويها
انا من وين الاقيها من الدنيا ومن فيها
ولا من جروحي اليى عجز قلبي ايداويها
عطيت الناس حبي مالقيت الا العذاب
وانا قلبي مثل البحر يعطي بليا حساب

.•:*¨`*:•. .•:*`¨*:•.

كنت غالي بقلبي كنت اسامر طيوفك
كنت أكذب عيوني لوتجي تشتكيك
كنت أكذب شعوري لجل اصدق حلوفك
واتجاهل خداعك لجل ادارى عليك
جرحــــــك اللي بقلبي ماتزيله كفوفك
كيف جرحي تزيله والغدر في يديك
خــــذ جــروح بقلبي خلها وسط جوفك
جرب جروح غدرك خلها تحتويك
مابقى لك بقلبي غير ذكرى حروفك
وكثر ماكنت أحبك زادني الكره فيك
رغم همك وضعفك وانكسارك وخوفك
ماترفقت باللي بالشقا يحتريك
رح بـفالك حبيبي ولاتبين ظروفك
إبتديتك بحب وبالجفا بأنتهيك


.•:*¨`*:•. .•:*`¨*:•.

تبكينا ظروف الوقت واحنا في زمان ابكم
غموض لف عالمنا وكل اللي حوالينا
انا مبكي غموض الوقت
انا ابكي مرار الهم
انا مدري هي الايام ولا فعل ايدينا
انا مقدر اقول الا تكفى يا زمن ارحم

.•:*¨`*:•. .•:*`¨*:•.

كنت اشتياق القلب كنت اهتمامه
وكنت ف خفوقي يالغلا أعز إنسان
وكنت أحسبك تاج الوفا مع وسامه
لكن تبين لي عكس ماكان
الغدر منك كم رمتني سهامه
أرويك ود وخاطري منك ضميان
مايوم تسأل عن حبيبك علامه
عينك تنام وغيرك يبات سهران
غلطة زماني ماسمعت الملامه
واسمحلي أبعد دامني فيك غلطان

.•:*¨`*:•. .•:*`¨*:•.

تدري وش ناتج غيابك ؟
زادت بـ قلبي الهموم !
[الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ

.•:*¨`*:•. .•:*`¨*:•.

خلاص انا قررت ابعد واخليك
مدام في حبك خضوع ومذله
ابتركك لو صوت الاشواق يدعيك
وأمحي الغلا من داخل القلب كله
وأطوي زمن حبك وصفحات ماضيك
دام الغلا يا صاحبي منت بـ اهلٍ له
دور على غيري حبيبٍ يهاويك
يقبل خطاك ويتحمل كل زله
كنت امس غالى لكن اليوم مابيك
مابيك لو بعدك حياتي ممله
خذها نصيحه في حياتك بـ اوصيك
إلا حبيبك لا تفكر تذله

.•:*¨`*:•. .•:*`¨*:•.

حبيبي
بالامس كنت بنشوة الحب امازحك
اتخيـل برقـك واتحـرى امـزونـك
واليوم من صفحة حياتي ابمسحـك
هديت صرحـك ثـم طاحـت ركونـك
ولابي عيوني لـو تصـورت تلمحـك
اعلنت موتك وانسجن لي كفونـك
وان جيت تطلب ترتجيني اسامحك
بهديك طعنه مـن بقايـا طعونـك

.•:*¨`*:•. .•:*`¨*:•.

نسيت قلب كـل مااااا تطلبه جاك
يشيل جرحه فوق جرحٍ سطا بك
يـرسم لك البسمة ع ضيقة شفاك
ينسى عـــذابه ويتحمل عذابك
ياما عــذرتك وأتناسى خطاياك
وياما عطيتك وأتـــحمل عتابك
من يوم بانت ف عيونـي خفاياك
لا ترتجيني لو يطّول غيابك

.•:*¨`*:•. .•:*`¨*:•.




فرصة سعيده وافترقنا على خير
كنت اتمنى تكون قسمة حياتي
هذا نصيبي واللي جنته المقادير
تبعد وأنا أبعد في سكون وسكاتي
ذكراك هذي وانتهت دون تفسير
صارت تسمى ماضي ذكرياتي
فرصة سعيده جمعتنا على خير
خلك بقايا ساكنه ماضياتي