الشباب قبل وبعد الجامعه

ولما الشب يدخل الجامعة"طبعا مش الكل" بصيرتحول 180 درجة تعالو
نشوف التحولات

بصير الشب على 40 قيراط .. كل شيء فيه بلمع .. وطبعا بصير يحط على رأسه نص كيلو جل .. بمرئ عنك زي كأنه ئنينة عطر مكسورة جمبك

2 بصير كل أسبوع يحلق شعره الله يرحم ليلة العيد لمه تكون عيدين

3 بيصير يرمي السيجاره وهي بنصها .. قال يعني ناس هاي كلاس .

4 بتحول من بقدرة قادر من قائد الثورة والوطنية لـ أبو الفن والرومانسية والحزن .

5 بيصير كلامه .. هاي ،، مرحبا ،، صباح الخير ،، مامي ،، بابي ،، أهوه ،، نس " بيدلع المصدي أخينا .

6 ما بصير ياكل الا سكلوب و تركي.. الله يرحم أيام الفلافل .

7 بيصير يتحمم كل يوم .. ووين راح اليوم الي بصير في احتفال اضخم من احتفال يوم الاستقلال لمه يتحمم ( يوم كان كل أسبوع يتحمم و ابصر يمكن كل شهر)

8 بتقلب نكات نيمه بالمسنجر والشات واسم ايميله من .. مجرم حرب ، دمار شامل ، عوكل ، فهد فلسطين ، صقر الكتايب ، الى ملاك الحزن ،، اسير الحزن .

9 طبعا قدام جمعة بنات لمه تنجاب سيرة الامتحان .. بده يحلي اذا نجح الأخ بصير يدرس بس عشان ينجح ويحلي "
10 حلال مشاكل الشعبه ،.. بيصير القائد تبع الشعبه ،، بده يعلق دوام .. بده يحل مشكلة فلانه ومشكلة علانه ،، كله نخوه أبو الشباب مهو

11- طبعا ببطل يعرف الكولا اللي طعمها زي الصدا .. بس قهوه ومي معدنيه و وكابتشينو

13- طبعا ولاعة السجاير .. حديد نوع فاخر لا تئل عن مبلغ وقدره .. وين ايام الكحاته او الكبريته يا خال ..؟؟

14 بيتحمس وبيصير يناقش بالمحاضر ( قال يعني بفهم أكثر منه ) الله وكيلكم الي بشوفه بفكره افلاطون بعث من جديد .. الله يرحم ايام ما كان بالمدارس ينام بالصف من الساعه 8 للساعه 1 .

15 وبعدين بدخل الجامعه وزنه 170 كيلو .. اعطيه 3 اسابيع بس ... بصير وزنه 80 .