‎ ‎ ‎ ‎ ‎ ‎‎ ‎ ‎ ‎ ‎

[CENTER]السلام عليكم ورحمة الله وبركاته
اول شي اخواني واخواتي حتى اذا كانت القصه طويله شوي بتمنى تقراها وتعطيني رايك
[COLOR="Red]////////
هاي قصه حصلت معي يوم الجمعه الماضي ورح ارويها بادق تفاصيلها
////////
بالعاده يوم الجمعه انا ومجموعه من الاصدقاء بنتلاقى عند الحلاق
لانو بنكون معطلين بنقعد وبندردش خصوصا انو الحلاق صاحبنا
كنا متواجدين وعندنا بالحاره شاب سوري اجى هو واهلو هرب من الحرب
والشب صرنا نحنى وياه صحاب وهو قاعد معنى يعني..,ما علينا
///////
المهم دخل شيخ على الصالون ((وهون اساس الموضوع))
وكنا بصراحه كلنا شباب وبنحكي بمواضيع الرياضه والاحداث يلي بتصير
والسواليف هاي ((يعني ما في شي جديد))
الشيخ هاض دخل رد السلام ومن طريقة سلامو كان كانو بدو يحكي شي
فسكتنا كلنا احتراما الو لنسمع شو بدو يحكي
//////
الشيخ رماها رمي وبكل ثقه سال سؤال غريب
السؤال كان,,مين بدو يتجوز؟؟؟!!
احنا بصراحه استغربنا وانصدمنا من السؤال ومن صيغتو
يعني مش بوقتو
واحد من الشباب حكالو وضح يا شيخ يعني نحنى مش فاهمين
راح الشيخ قلب على موضوع السوريين وانهم تركو كل اشي ببلادهم
واجو على الاردن ((انا هون فهمت يلي بقصدو هو))
وكمل انو في بنات اجو لحالهم واهاليهم استشهدو
وتفرقو عنهم
((لهون كان الحوار عادي جدا لاكن للحديث بقيه))
فجاه صار الشيخ ((مع احترامي لاي واحد سوري يمكن يقرا هلحكي))
يتكلم وكانو البنت السوريه سلعه وبدو ايانا نشتريها
وصار يحكي انو بنات البلد هون هسى بدهم مهر وذهب ومش عارف شو
اما البنت السوريه ما بتكلفك شي ((ومن الحكي هاض))
انا بصراحه لما صار يحكي هلحكي(( كانو واحد ضربنب 100 كف على خد واحد))
لانو نحنى بنسمع باللاجئين السوريين خصوصا بشمال الاردن
وبنساعدهم بالتبرعات وباشياء زي هيك
خصوصا انو اغلبية اهالينا مرو بالتجربه هاي سابقا وعاشو مرارتها
بس الشيخ بالاسلوب يلي حكى فيه بصراحه ما ضل حد قاعد الا قام وتف عليه
ولولا انو مسكنا الشب السوري كان الله اعلم شو رح يصير
وصاحب الصالون طردو برا
///////
انا بصراحه انصدمت من يلي صار
معقول في ناس هيك بيستغل مصايب الناس عشان يوخذ يلي بدو اياه
وكمان بحكي عن اعراض الناس وكانها شيئ بنباع وبنشرا
وكانو بيحكي عن اسهم شركه عالميه بتنزل وبتطلع
///////
بصراحه انا بعد هالموقف صرت اشك بالمقوله يلي بتحكي
((لسى الدنيا بخير))
///////
قليلا من الكلام يلي ما قدرت احملو ....