السلام عليكم ورحمة الله وبركاته
gيف حالكو,,gيف اموركو,,gيف اشغالكو واعمالكو
زمان وانا صغير كان كل مشوار اطلعو مع اخوي الكبير
او مع ابوي لازم ينتهي باني ارجع على البيت وانا بعيط
وانا حاسس حالي ملطشة الجميع والكل ظالمني والكل بكرهني
و,و,و,,,,الخ
المشكله اني ما كنت اعمل شي ولا كنت اسرخ ولا اشي
بس كانت عندي عادة كثرة السؤال وكنت بدي اعرف البيضه مين باضها
والجاجه مين جاجها
وكانت اغلبية اسئلتي تبدا بكلمة شو او ليش
وكنت اوجهها لاخوي الكبير او ابوي
وبطبيعة الحال كانت تبدا الاجابه يا
1_استغفر الله العظيم
2_اخرس:jj:
3_مش شغلك:3mzeh:
واحيانا كان يتم التعامل مع الموقف بشكل يدوي:ang:
وطبعا هاد كان بسبب نوعية اسئلتي وطريقة صياغتي الها
يعني اكثر سؤال كان يراودني هو انو ليش الكره الارضيه مدوره
وطبعا انا كنت صغير وكان لسى صعب انو افهمها بطريقه علميه
فكان كل واحد يجاوبني احد الاجوبه يلي فوق
وانا كنت احس حالي مظطهد وانو الكل ما بدو يجاوبني
لغاية ما شرف الزين وكبر الزين وصار ولد وصار الولد
من اشد المعجبين بخالو بلال :7noon:
وياحبيبي عباره عن كتاب مليان اسئلة ((علل واملا الفراغ))وماشي
ليش السياره الها اربع عجال والبسكليت عجلين
ليش انتا اطول مني
ليش بتروح على الشغل
ليش الك شعر علو وجهك وانا لا
شو اسم هاي
شو هاض
وياااااااااااا حبيبي لما يبلش سبونج بوب
خالو مين هو سبونج بوب بقلو هاد ليفه
طيب وين ساكن بقلو هاد ساكن بقاع الهامور وساكن جوا حبة اناناس
واسئله ما الها جواب حتى
وهاد الحكي بينطبق على جميع البرامج التلفيزيونيه
طبعا هاد بختلف عني انو علي اسافين اشي وااااااااو
يعني مستلمني اي شي بعملو قدامو تقرير مفصل للسيد الوالد
انا بعد ما جربت وقعدت مع حالي
استغربت كيف كانو مستحمليني لانو عنجد هالموقف صعب انو البني آدم يستحملو
خصوصا انو انا مش شايل المراره
فياريت يا ناس يلي عندو طريقه لحل مشكلتي يزودني فيها
ويلي بحب يساعد بطريقه ثانيه بكتبلو الاسئله تبعتو وببعتلو اياهم فاكس
وان شاء الله بلاقي اجوبه
وشكر خاص لفارس الحلقه يلي منكد علي ((زيد))
)
