كلمــات البوم تامر حسني
اغاني
عمر & سلمى 3
3omar& Salma
1 - عاطشف و فاتشن
مراتك دى أم عيالك و هى اللى فى الدنيا بقيالك
متجرحش يوم مشاعرها و متقولش خيرها فـ غيرها
دى مراتك أم عيالك و لو أنت أمك دعيالك
خليك شاب سيطرة و متخليش واحدة من أياهم تجيبك لورا
نادوا على عريسنا الأمور .. يا عاطشيف يا عاطشيف
قولوا لعروستنا مبروك .. يا فاتشين يا فاتشين
يا ويله اللى ينسى مراته و يعمل غلطة حياته
أصحى و فوق يا برنس
أصحى و فوق يا مدير ركز بقى يا كبير
و خليك جدع و كفاءة و كفاية بقى تتشاءة
أياك تبيع الدهب و تاخد مكانه زلط
بيتك حرام يتخرب و تعيش علطول فى غلط
يا عاطشيف يا عاطشيف .. يا فاتشين يا فاتشين
قول يا شألشا
مراتك دى هى الليلة .. يا عاطشيف يا عاطشيف
و هى اللى لمة العيلة .. يا فاتشين يا فاتشين
و هى اللى واقفة و سدة و جمبك وقت الشدة
طب ليه العك ليه ليه العك ليه
ليه العك ليه و أنا وحشة ولا إيه
عاطف عاطف يا تيفا يا طفطف
من النهاردة هنبطل نستظرف
أنسى أى واحدة عرفتها يوم من أيامك
مش بس فـ حياتك ولادك ركز فـ المدام
و لو ضميرك نايم قوله أصحى يلا و فوق
متخليش مراتك الحلوة تاخدك من أمك و أبوك
و متعملش اللى يدينك و متمشيش ورا شياطينك
دى هى اللى بتحبك هى اللى بتحبك
طب قسم يا فنانس حلاوتك يا فنانس
و طول فى التقسيمة و رقصنى بهز و كرف
طب بيسى بيسى بيسى و أبعد كده عن قميصى
و على رأى المثل قال يا قاعدين موقفتوش ليه
2 - جرى إيه يا عينى
يا عينى ليه بتدمعى ما حبيبنا سابنا خلاص و راح
دلوقتى نفسك ترجعى و مستعدة تنسى الجراح
ليه كده يا عينى ؟؟
من تانى يوم فى فراقنا أنا و أنتى ليه أشتاقنا
مش كنا قولنا وداع مش كنا خلاص فارقنا
دلوقتى إيه غيرنا ع البعد ليه ما قدرنا
من تانى يوم أنا و أنتى رجعنا ليه فـ كلامنا
جرى إيه يا عينى هو أنتى برضه هتكسفينى و تبكى بجد
و أحنا اللى عمرنا ما عملناها مرة و بكينا فـ يوم على حد
ما تردى عليا ولا هى مش أى حد
...
بعدنا يا قلبى عنه و لسة كلامنا عنه
و كمان واحشنا أكتر و البعد مفيش أصعب منه
و قولنا هننسى فـ ثانية و أكيد هتحلى الدنيا
و أتارى كلامنا حاجة و الفعل ده حاجة تانية
3 - قالتلى نبعد
قالتلى نبعد قولت عادى بعد شوية لقيتنى عادى
برجع فى كل كلامى فـ ثانية بجد هموت و أرجع
روحت أشوف كده من بعيد لقيتها عايشة و الدنيا عيد
دمى أتحرق و قلبت الدنيا و هى ولا بتسمع
أنا كنت ماشى و مش راجع غير لما تيجى و كلك شوق
متهزريش ده أنا كده واقع أنا لاذم أخد بالى و أفوق
أنا كنت ماشى و مش راجع ركزى معايا الله يخليكى
متهزريش ده أنا كده واقع و هياكلوا وشى الناس يرضيكى
...
يعنى إيه مبقتش قادر أستغنى عنك ولا إيه
أنا كنت فاكر قلبى جامد بس كده أنا خوفت عليه
و اللى تاعبنى لما جيتلك معرفش كنتى فرحانة ليه
فرحانة ماشى بتضحكى و هقولك إيه
4 - نس لمحه
حلاوتها و هى ماشية بتدلع فـ الهوى
50 60 70 80 مليون شاب أستوى
بتقولى عايز لمحة واحدة ولا نص لمحة
و ده كله كان من نشرة واحدة لوحتنى لوحة
خلتنى أميل شمال و يمين
و محسوبكم فى المأوحة على أعلى مستوى
5 - بنت لذينة
أول ما أفتح عينى زى زمان بنادى
على حبيبى و نور عينية و ذكرياتى
كانت زمان عينى تفتح بتلاقيه
دلوقتى بندهله بقلبى و مش لاقيه
واحشنى صوته و لمسته سكوته و كلامه
و تفاصيل كتير أوى حلوة بينا فى أيامه
ده هو اللى كان فى حياتى أقرب حد ليا
كان الأمان دايما لقلبى و لعينية
الدنيا دى بنت لذينة عمالة بتخبط فينا
و فيه إيه هنعمله بإيدينا طب نعمل إيه
إنسان حلمت ببكرة معاه و رتبت نفسك كده وياه
و فى لحظة بقى مش من حقك تسأل عليه
...
ماشية الحياة و مغمضين دايما عينينا
حبيت سنين و يلا عدى العمر بينا
و اللى نعيشله عمرنا و نكون حياته
بندعى بعد سنين نكون من ذكرياته
Smile
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
ياريتنا لما نشوف بعض..نعرف بعض او لأ
نضحك كدة في وش بعض..منقولش للضحكه لأ
We Share Love And Joy Love And Joy And Happiness
We Share Love And Joy Love And Joy And Happiness
Keep It Up Baby See Tomorrow
And Forget About The Sorrow
Keep It Up Baby See Tomorrow
And Forget About The Sorrow
في ناس كتير ممكن تتحب من بس شكل الضحكه
وكمان في مشاكل كدة تتحل لو ضحكه شايله رقه
في ناس كتير ممكن تتحب من بس شكل الضحكه
وكمان في مشاكل كدة تتحل لو ضحكه شايله رقه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ