المعاكسات ... في منتدى jo1r ... وحركات الاعضاء اللي كل يوم بمثلو الحب على وحده من الصبايا .. وين اخرتهم ؟؟؟
والله كبير ....
بصراحه موضوع والله جد كثير رائع ومن زمان لازم نزل
شوف يا صاحبي ... بتتذكر قبل كم يوم لما كنا نحكي بنفس الموضوع
وصار بيناتنا نقاش وحكي وبدون ما اعيد الحكي اللي صار
بإختصار ...... انا رأيي من رأيك
يعني اكذب عليك واحكيلك ما حكيت مع بنات لا حكيت
وصار بيناتنا لقاءات وحكي وبدون ما افصل اكثر
شغله وحده لاحظتها .... انوفي اشخاص مع بعض
وبيتفقو على بنت معينه ... بيعرفو نقطة ضعفها وبدخلو من هاظ الباب
يعني ...انتي مثل اختي ... انتي ما في منك ...انت كتاب وصفحاته وحلوة
انا مو ضد انو نكون مو مثل الاخوان .... بس توصل لدرجه انو فلانه تحاول تاذي نفسها
عشان فلان ... او توصل انو فلان يحكي مع البنات بصورة ما حد بيقبلها مثل ما اتفضلت
كلمة وحده لكل شب ....( كما تدين تدان )
وكلمة لكل بنت .... ( اصحي من الهبل ) انتي مو صغيره
عالم النت كثير كبير وما خلي حد جاهل .. وبتوقع اي عضو سواء كان شب او بنت بيعرف شو بيصير قاعد
مو قصة جهل او البنت صغيرة ..... في بنات هون وصغار بتفكر عن 100 شب وانا بعرف والكل بيعرف هالحكي
الموضوع انو كلمة حب مو لعبه ومو مثل ما بيفهموها ع قولتنا( لايك وكومنت ..... وشوف كيف بتقع البنت )
عندنا ديننا .... واخلاقنا ... عاداتنا وتقاليدنا بتمنعنا بس ياريت نلتزم فيها
اشكرك مرة اخرى امير القلوب
كنت هنا ....
