حبيت احكي في الموضوع لانكوووووووووو اخواني هون في المنتدى وكما عشان تشوفو كيف وتعطوني رايكم وحلوه كمان كل واحد يطرح تجربتوووووووو مع الحب بدووون خجل وخصوصي من البنات الي بيعتبرووووووا سر مقدس الي حاب يحكي يحكي اما انا
رح احكي
انا تعرفت على بنت كانت تاخد معي محاضره مع اول فصل دراسي كانت عم بتطلع علي بنظرات اعجاب مرت المحاضرات وفي مره بتحكيلي صباح الخير انا تلقاين حكيت ما بعرف ليش صباح النور يا عمري كان معاه صاحباتها وهم اطلعووو علي زي كانهم بيحكو شو بيحكي هادا :haa: وبعدين بعد ما خلصت المحاضره كنت ماشي لوحدي لقيتها ماشيه وراي نادت علي وحكتلي انتى احرجتني بالكلمه انا اعتذرت منها وقعدنا نحكي يمكن حكينا لساعتين وطلبت رقم تلفوني واميلي والله انا اتعجبت من جراتها يمكن الي عجبني فيها جراتها بعد هيك كنت قاعد في نت الجامعه مع القروب ولا هي بترن وبتحكيلي ارجوك لا توزع رقمي حكيتلها انا هيك زعلت انا مستحيل اعمل زي هيك ما علينا هيك انا عرفتها ........
مرت سنتين ونحنا في الجامعه كل عيد ميلاد وعيد حب نعيشه مع بعض يمكن طووول هاي الفتره حليتلها ولا الف مشكله بالتسجيل في الجامعه ومع شباب الجامعه وفي البيت اتعرفت على امها واهلها وواروح عند بيت خالتها تكون عازميتني على الغدا كنت احافظ عليها واحميها حتى من نفسي وهي كانت زي الطفله الي بدها بس واحد يدير بالو عليها وهيك خلص الفصل التاني من القصه
في يوم من الايام لقيتها جاتيني على الجامعه وقفت قدامي ودمعه في عينها بحكيلها مالك بترفع ايدها وبتحكيلي محمد خطبت طبعا هادا الحكي بدون سابق انذار وانا ما بعرف انا حكيتلها الله يوفقك انا بتمنالك كل خير بكل برود اعصاب وتركتها واقفه وضلتني ماشي
انا الي صار فيه روحت على البيت اصبت بحاله اكتئاب مش طبيعيه وانطويت على حالي في غرفتي والحزن ملي قلبي ضلتني فتره هيك لحتى اقنعت حالي انه هادا مش حب مجرد تعلق وانها مش هي البنت الي بحلم فيها
مرت الايام اتعرفت على بنت تانيه هوووووووووووووووووون لقيت حالي مزبوووووووووط لقيت حالي معاها لقيت بتفهمني بدووووون ما احكي كتير طيبه واموره حسيت انها سرقت قلبي حسيت انه كلمه بحبك اصعب كلمه ممكن تطلع مني لقيتها عم بتطلع بسهوووله ليها حسيت اني بشتاقلها في كل تانيه في كل اللحظه حسيت بدفا الحب ولا احساسي لما شوفها ما بينوصف وهيك انا انسيت التجربه الاولى وحسيت اني حبيت عنجد حبيت لو تعرفو الدمعه لما تطلع من عينها كانها بتحرقني وانا كتير مبسوووووووووط
تعرفووووووووو الفرق بين البنت والشب انه يمكن يحب مره ثانيه وينسى اما البنت بتحب مره وحده عشان هيك انا بنصح كل بنت انها ما تسلم قلبها وتحب الى لما تكوووون متاكده من حبها وخلص انا طولت عليكم في الحكي حاب اشوف ارائكم وتجاربكم وحاب كل واحد يفتح قلبوووووو بصدق
