يوم مبسوطوعشرة لا ..!! | الصفحة 6

السلام عليكم يا طيبين ان شا الله الجميع بخير ..

سبحان الله كنت ناوي اسكر الموضوع هذا وما أرجعله .. بس الظروف أقوى .. ورب ضارة نافعة ..

الحمدلله على كل حال ولا تكرهو شيئ عسى أن يكون خير

اليوم صحيت قبل الفجر ع حلم مفزع .. وهالحلم تجسد اليوم معي ..

كنت حاسس بشي رح يصير وما كنت مرتاح من الصبح ..

كنت خايف ع أهلى بس الحمدلله انهم بخير وفي انا ولا فيهم ..

وللمعلومه ابوي رن علي الصبح ع الساعة 8 بس رن خفت يكون في شي لأنه ما عمره حد من اهلى حكى معي الصبح ..

بس الحمدلله ما في شي بس كان يطمن علّي !! وبقولي أنو امي خايفه علي ومشغول بالها حكيت معها وطمنتها انو انا بخير

وفاجأتها أنو بكره تروحيتي ع الأردن أنبسطت وقالت لي دير بالك ع حالك وضلت تدعي لي ..!!!


بعد مرور ساعة من المكالمة وتقريبا بعد الساعة 9 الصبح .. كنا بنجهز بالعدة الخاصة بشغلنا عشان السفر

الرافعة المشؤومه ..! كنا نرنفع عليها صندوق ضخم .. انا وخمس شباب صحابي ..

وبطريقة لا إرادية صرت انا وشب صاحبي تحتيها عشان نثبت الصندوق وما يتحرك قبل ما ينزل ع الأرض ..

... ما بعرف شو اللي صار ..

بس الكل بعد عن الرافعة وصاروا يصرخوا محمد .. طارق ....... اهربوا .............. عامود الرافعة وقع ..!!!؟؟؟؟

حسيت بأشي خبط فيني .. مسكت صاحبي اللي بجنبي طارق عشان اطلعه معي ..

فجأه العامود ضرب في طارق ... لحظات ..... اجزاء من الثواني .. بلا تفكير أو أي وعي ...

تناولت طارق بكل أدي .. والناس تندي علي اني اتركه واطلع ... مارديت عليهم .. وقع طارق بحضني .. وبدي أرجع لورا عشان اسحبه ..

تعثرت بأشي ع الأرض .. فا وقعت و طارق وقع في حضني ... حديد والصندوق وكيبلات كلها وقعت ....................

يالله لحظة من اجزاء من الثانيه ... ابد ما اقدر اوصفها ..

انا مش عارف ع ايش وقعت .. وطارق المسكين لما شفته ما اقدرت اتحرك ... دم ..... وراسه مفتوح ............... ياربي ....

ثبت راسه ع صدري وحاولت اوقف النزيف من راسه بأدي ..... ....... خفت انه ماتتتتتتت ..... بنادي عليه ... طارق .. طارق .. شوي وصحى

وكان يصرخ بأعلى صوته من قوة الوجع .............................................

كل الناس التمت علينا .................................................... اتصلوا بالاسعاف والانقاض ... وانا وطارف ما حدا قرب علينا لسبب

انو خايفين يحركوا اشي بالرافعه .. تجي توقع علينا وتطجنا طحن .. ولسبب انو طارق ما بنقدر نحركه عشان مايصير في مضاعفات خليته ع صدري وثبته ..


بحكولي محمد فيك أشي .... بحكيلهم انا ما في اشي كل الدم اللي علي من طارق ..............

والله خفت عليه أكثر من نفسي ... والحمدلله أنو قدرت اسحبه قبل ما الصندوق يوقع عليه.......................

ربع ساعة لما اجى الاسعاف ... وانا كنت لاف قميصي ع راس طارق .. كل أواعي دم .................. كنت بهدي فيه وبقول بسيطه مافيك شي يا طارق ..

و 10 دقايق لما قدروا يطلعونا الفريق الطبي الايطالي .......... وانا بصرخ فيهم عشان يطلعوا طارق قبل ما يصير فيه شي ..

طلعونا .. وبس جيت اوقف انا .... وقعت ع الارض ............. وجع مو طبيعي ...

طلع في حديده مازعه فخذتي لما طارق وقع علي ... وقبليها سلك الكيبل تبع الرافعه اللي انقطع كان ضارب في صدري ...


ع كل حال الحمدلله ............ انا طلعت قبل شوي من المستشفى قطبوا فخذتي وصدري .... بجوز فوق ال 40 قطبه .. ...

اما طارق معه اربع كسور في العامود الفقري وارتجاج في الدماغ وبعده بغيبوبه ما صحي ... الله يقومه بالسلامه ...

الله ستر كان متنا احنا الثنين وربي نجينا بأعجوبه ...

بعدني ما حكيت لأهلي .. بس قلتلهم تروحيتي مو بكره تأخرت بسبب الشغل ومن هالكلام ..


ع فكرة طارق هو اللي ناداني اساعده بالشغل .. ولا انا كنت بعيد ..
قالي ... ابو حويط .. يا خوك تعال ساعدنا انا ظهري يوجعني ..!!
قلت له بالحرف الواحد ... ولو يا طارق أفديك بعيوني .. !!



دعواتكم لطارق .. أخ وعزيز علي .. ودايما كنا نمزح سوى ... بعدني مصدوم ... ومش مجمع من الصبح ..

يارب انك تشفيه وترجعه لأهله سالم معافى ....