معزوفتيــۓ
مسا الخير ..
اليوم 21 -8 بالنسبة الي بداية سنة جديدة بحياتيـ ما مرقـ منها الا 5 أيامـ .. هي السنة غير عن باقي السنين اللي مرقو بحياتي لأنه كل شي فيا اتغير حتى شكلي .. يعني الناس اللي زمان ما شافوني عم بمرقو من جمبي وما بعرفوني .. نحفت كتير على قولة سيدو وتوتت ( شو يعنهي ما بعرف ) و صرت البس نضارات ( الجامعه عمتني ) بما انه اجت هي الشغلات من ربنا .. قلت لأكملها اكتر غيرت طريقة لبسي و حتى الالوان .. عم بلبس ألوان عمري ما لبستها و حتى لفة الحجاب غيرتها ... هيك أحسن لأنه في ناس كتير مو حابة يعرفوني و كتير رح اكون مبسوطه ازا مرقو من جمبي وما حكو معي أو سلمو ... قلة الناس طلعت بتريح ..
اكتر حدا ما بحب يخسر الناس انا ما بعرف ليش حتى لو مش مناح بحاول ارسم الهمم صورة حلوة في راسي متل ما انا بتخيلهم مع العلم اني انا متأكده من جواتي انه هما عكس هيك تماما بس برضه بكابر .. شو السبب شو السر ما بعرف ..
دايماً الفراق صعب كتير حتى لو كنا متأكدين انه مؤقت .. بس اخسر اي شخص للأبد بزعل و بنكد و بعتبر حالي بحالة اكتئاب .. بس هدول ال 5 اشهر عرفت بجد شو يعني اكتئاب و فهمت معناه لانه فارقت اخوي لو إنه مؤقت بس ..
أنا أكتر وحده شجعته انه يطلع برا البلد و يسافر و يشوف حياته .. كنت عارفه انه رح يفضى جزء كبير من البيت هوا معبيه .. بس ما كنت عارفه انه رح تفضى حياتي كلها مش بس جزء ... حالياً أنا بعترف انا مكتئبه و كتير كمان لدرجة انه بطلت اكل و خلال 3 اشهر ونص صرت نازلة 20 كيلو و انا مو حاسه على حالي ...
كتير انبسطت يوم عيد ميلادي لأنه في ناس كتير عايدتني .. حتى ناس من زمان ما حكيت معهم عايدوني و اتزكرو يوم عيد ميلادي .. مع انه اسوء يوم .. بس كنت مبسوطه من الناس اللي حوالي ...
