بسم الله الرحمن الرحيم
صباح / مساء الخير للجميع حبيت اطرح عليكم موضوع ممكن تعتبروه قصة حقيقية او حتى خيالية لان حتى انا نفسي مو عارفة اميزها المهم قبل ما ابدا بالموضوع حابة انكم تسمعو هاي الاغنية بعدها تقراو الموضوعواترجاكم كملو الموضوع للاخر
https://www.youtube.com/watch?v=6K82JYdB9F4&feature=related
الموضوع يمكن يكون محير شوي بس اتمنى اشوف ارائكم فيه
هي قصة بنت كانت بحياتها ما مجربة تحب لان هاد الموضوع ما عمرو اجا ببالها ابدا وبيوم من الايام حبت انسان بطريقة جنونية حتى انو صارت تمشي تتخيل كل الناس هو عشقتو بكل معاني العشق وقضت معو اجمل ايام العمر يلي ما تتوقع اننها تعيشها مرة ثانية وكان هاد الشخص وعدها انو ما يتركها ابدا شو ما كان الظرف وبيوم من الايام ما لقيت الا انو تغير معها بصورة مو طبيعية حتى كلامهم صار شبه معدوم بعد ما كانو ما يفارقو بعض وشوي شوي حكالها انو في عندو ظرف وما بيقدر يكمل معها هي حاولت كتير و ما خلت اي طريقة الا وفكرت فيها حتى ما تنهي هاي العلاقة بس ما كان على لسانو الا كلمت ما رح ينفع نكون لبعض لحد ما حست فعلا انو مو السبب اغلظرف السبب هو انو ما بدو يكمل معها وحكتلو بكل صراحة انو خلص هي فهمت القصة ورح تحفظ كرامتها وقررت تبعد من غير ما يرجع يحكيلها مرة تانية وفعلا عاشت اصعب ايام بعد فراقو لان ما بيوم كانت تتوقع انو ممكن توصل لهاي الحالة بس كان في شخص بتعتبرو متل اخوها ويمكن اكتر كمان كان الو معزة خاصة عندها كان يعرف انها بتحب واحد بس بنفس الوقت هو كان معجب فيها ويمكن كمان بحبها بس ما حكالها لان هو كان شايف انها مبسوطة وساعدتها مع هداك الشخص ولم حكتلو يلي صار وانو يلي بينها وبين الشخص هداك انتهى صار يحاول يتقرب منها ويحسسها بحبو وهي كانت حاسة من زمان بس ما بتتصورو الا اخ وبس ولما صارت معها هاي الشغلة لقيتو اكتر واحد قريب منها ولقيت فيه الاشياء يلي كانت تتمناها تكون موجودة بحبيبها الاول وبلشت تنعجب فيه بس بداخلها وهي متاكدة ما رح تقدر تحكيلو هيك شي وبيوم صاحبتها يلي حطت فيها كل ثقتها وهي كانت عارفة الموضوع كلو من اولو وعارفة انو هاي البنت بدت تتعلق بهاد الشخص اجت وحكتلها انها بتحبو وبهاي اللحظة وقعت البنت بين نار الشخص يلي ارتاحت الو والشخص يلي حبتو وتركلها جرح كبير وبين صاحبتها يلي وثقت فيها وقررت انها تخلي صاحبتها تحبو وتتحمل هي والمشكلة انو اول ما حكت لصاحبتها قبلت وما وقفت للحظة وحدة وفكرت فيها مع انو هاي البنت فكرت بصاحبتها وتحملت عشانها وهي محتارة شو تعمل مع الثلاث اشخاص هدول بعرف اني طولت عليكم بس اتمنى اشوف ارائكم بهاي القصة
واعذروني لان طولت
لا تحرمووني من ردودكم
