انا **** من جديد~ | الصفحة 7

ولفت الدنيا ودارت


وتعودت على عدم وجودهم بحياتي

وصارت العلاقة بينا رسمية-من كلا الطرفين-
والمكالمات كانو رفع عتب

يمكن من شهرين تلات

صرت اتفاجا بمسجات منهم

وعمري ما بلاقي صحبة زيكم

وانتو اللي الي وما بتتغيرو

ومن هالحكي

وصارت المكالمات تزيد

من كلهم مش بس وحدة

وكأنهم راحو ولقو غيري

بس مش متلي-وانا بعرف انو عمرهم ما بلاقو حد متلي او احسن مني-

لفو ورجعو

ورجعت همومهم تنحكالي

وكاني بس موجودة للفضفضة

مستحيل اسكر بابي بوجه وحدة منهم

وكنت وحاضل اسمعلهم واخفف عنهم


بس وين كنتو لما كنت انا بموت باليوم 100 موتة

مش عارفة ليه بضل افكر بهالقصة

كل الدنيا هيك



ويمكن البعد جفا ما بعرف

وما بحكي الا انو الحمد لله اللي صار معي كل اللي صار

لانو صح موتني
بس خلاني فاهمة الدنيا

فاهمة العلاقات والمصالح كيف

فاهمة انو فوق كل اللي صار ضليت احسن وحدة

وحاضل الاحسن
وما تفشر عين اللي بيحكي غير هيك

واقول قولي هذا واستغفر الله

:h3h3:

ما حد يحكي اني مغرورة

لاني كتيير بسمعها


بس انا لما اكون منيحة ما بكون مستنية حد يحكيلي منيحة
وما بكون هيك مشان اسمع مدح من حدا او كلام

انا لما اكون منيحة بكون لاني بدي

ولما حد يحكي غير هيك
فكلامو مردود عليه
وما يفشر

وهاد الاشي بينطبق على كل صفاتي و اعمالي


لما احكي بحكي اللي بدي لاني بدي وما بهمني حدا

لما حد يحكيلي انك منيحة او .. او.. او... فانا بعرف هاد الحكي كلو



ومش مستنية حد ليحكيلي




هاد مش غرور
هاي ثقة

وخلص فنجان القهوة

والمنتدى نايم

وما حد صاحي

وجاي ع بالي ضمك واتضل قبالي