طبعا أنا مسكينة والله العظيم إني دايما مظلومة
بالبيت وبالمدرسة
يعني عنجد مابعرف ليش أنا معروفة عند كل إداريات المدرسة والمرشدات
احنا عنا 3 مرشدات
وكلهم بعرفوني وبعرفوا أنا بأي صف
مرة اجت مرشدة تعطينا حصة ارشاد
ماكان في حدا بشارك معها غير أنا
وكنت اشارك واضحك شوي على يلي بحكيه
خلصت الحصة وراحت على مربية الصف وحكتلها أمانة تشكريلي اسلام كثير كثير ونقصيلها علامات لإنها عجبت
هي وأكم بنت
طبعا تبهدلنا مبهدلة مزبوووووووووووووووووطة
المهم
اليوم بحصة الرياضات أنا اشتكيتلها على الامتحان حكيتلها مس امتحانك صعب وفي مصطلحات غريبة بالاسئلة وما عرفنا نجاوب
وخذلك على صياح منها
حكيتلها لاامتحانك موكويس وزي الزفت
ومابدي اشارك بحصتك
حكتلي لبلاش بتريحي
وحطيت راسي وطميته
وكل ما تحكي المعلمة كلمة أو طالبة اصير اضحك عليها واتخوث
جابت رئيسة الاسرة حكتلها روحي عالمساعدة خليها تنادي عندها اسلام المومني
وأنا صرت اضحك على موقفها لإنها موقادة تسكتني
والبنات لايامس
حرام
خلص هي مابتحكي وما بتعيدها
وماراحت رئيسة الاسرة لإنها صاحبتي
وطميت راسي وبعدين نادت علي صاحبتي بتحكيلي اسلام اقرأي هالاغنية هاي من تأليفي
بحكيلها ولك قبل ما اقرأها بعرف انك كذابة وصرنا نضحك
المعلمة (طبعا شكلها ولا طخة) هاي شكل وحدة بتسكت
والله مني عارفة عنك
حكيتلها شايفة بالله
انا ماحكيتلك لاتوديني عالمساعدة
حكت اسمك رفعته عالقائمة (يعني بنت مافي امل منها وبدها تعملي مجلس ضبط)
بعدين سلمتنا وراق الامتحانات
وانا كنت جايبة 18 من 20
وصارت 4.5 من 5
انتي جايبة هيك
انا حطيتلك 3من 5
نقصتلك علامتين
انا جن جنوني
هديت
حكيتلها نقصي من الادائي مو من تعبي وجهدي
وصرت اصيح
مسكتني صاحبتي وحكتلي مو هاي المعلمة يلي راح تحط الثالث (لإنو هاي بديلة)
المعلمة الاصلية يلي راح تحطه
انا هديت
ولا بعد الحصة
اسلام المومني للمرشدة
(يا ساتر)
شلحت الاساور ونزلت كمام مريولي وربطت شعري منيح ونزلت
وين المرشدة؟
روحت تعالي عليها بكرة
انا بكرة معطلة
لعاد خليها لبعد بكرة
ماشي
وطلعت عالصف
حكتلي بنت بصفنا
اسلام مربية الصف سألت عنك وحكت انتي وين؟
حكينالها عند المرشدة
حكت اسلام بتشاغب بالحصص؟؟
حكولها لا يامس معلمة الاجتماعيات بتحبها كثير وحطتلها 60/60
ومس العربي حتلها هديانة هالفصل وحطتلها 60/58
حكت اسمها واصل للإدارة
ابصر شو عاملة
وأنا يوم الخميس 4/30 رايحة عالمرشدة
طيب هسا مين يلي غلطان؟
أو مين عليه غلط اكبر؟؟
وأنا غلطانة اشي؟ ولازم اتعاقب؟؟
بليز ساعدوني
ثانكس
