مخنوووووووووقوحدة تيجي تعمللي "تنفس اصطناعي"

هالأيام صار عادي تكون ماسك الريموت وبتقلب بالقنوات

وفجأة يطلعلك كل شوي بمحطة من المحطات عملية " تنفس اصطناعي "



أيام زمان قبل ما يخترع أبوي الريموت كنا لما نحضر فيلم نوقف واحد عند التلفزيون

علشان كل ما ينخنق البطل ويقرب على البطلة

نقلب

علشان يوخدو راحتهم .. وبلاش ننخنق إحنا كمان

لأنه كتير أحيان بنتقل الإنخناق عن طريق العين

وإقعد رجّع ..

آهه .. بعدهم بلشانين والوضع متأزم ..


إقلب ..

-

-

بحكي معك .. إقلب ..:tomato:






أيام زمان لما كان التلفزيون ثلاث ألوان فقط وقبل ما يخترع أبوي التلفزيون الملون

كان جارنا أبومحمد الخظرجي ملون تلفزيونه بألوان مائية

كنا نروح نحضر عنده فلم السهرة الأجنبي بالسرقة علشان نتعلم طريقة التنفس

بركدن .. طلعلنا أحلام سعيدة

مع إنا ما كنا نفهم شو بحكو ومعناش وقت نقرأ الترجمة بلاش تروح علينا لقطة هيك ولا هيك:tomato:


ولكن ..

مع تطور التنك_لوجيا و "انفتاح"العالم العربي

صار ما في داعي نقرأ الترجمة لأنه الممثلين أشطر مني ومنك بالعربي ..

-

-

-

لبلب عربي ..






أكثر من ذلك ..

بعض الشوراع في عمان تستحق من المسؤولين إعادة النظر بشأن افتتاح مستشفيات خصيصاً لحالات الاختناق مفاجئ

حيث لوحظ فيها انتشار حالات الاختناق وما يصاحبها من عمليات تنفس اصطناعي

وأخص بالذكر شارع المطار وشارع ياجوز (علشان أكون شاهد عيان وأحط الموضوع بذمتي)

مع إنه هاي المناطق مفتوحة وشبه خالية من مظاهر الحياة أو المصانع أو ما شابه

بس حالات الإختناق ثلاثين ساعة باليوم وخصوصاً لما يكون شب سايق سيارة يوجد مزة بجواره

ولوحظ إنه كل ما تكون المزة أمزمز يكون الإختناق أشد ويستغرق فترة أطول للتحسن

-

-

على كل حال جاري دراسة الموضوع والبحث عن سبب مقنع لهاي الظاهرة

على افتراض وجود سبب .. لأنه في كثير ظواهر في الكون لم يجد لها العلماء تفسيراً

ضلت على هاي يعني:tomato:






ناهيك عن الحالات التي توصف بالقليلة في الجامعات والمولات ودور السينما

حيث أكد لي أحد العاملين في دور السينما إنه في بعض الأيام بعد الساعة 12 بالليل لا يتم وضع فلم

وبالرغم من ذلك بتكون القاعة مليانة طول مدة الفلم ..

والسبب بسيط ..

-

-

-

لأنه الكل مخنوق .. :ohgod:







بقي أن نقول إنه هذا المنظر صار عادي بل أقل من عادي

لدرجة إنه صرنا نشوفه بتواقيع بعض الأعضاء هون

يعني صار شعارنا بالحياة

نحو مدينة أنظف قصدي نحو شعب "أنظف"

والحمد لله شعوبنا العربية صارو زيهم زي غيرهم وعندهم خبرة لا بأس بها في هذا المجال






نتمنى للجميع السلامة ودوام الشرف المهني:greet015: